| Ablauf: Sta und Zeremonie am gleichen Tag |
|
|
1
|
Piglet  am 10.02.2009
Ablauf: Sta und Zeremonie am gleichen Tag
Hoi zäme
Mer sötte äuä gli mau de Termin bem Standesamt reserviere. Jetzt hani aber es "Problem" wägem Tagesablauf:
Mer möchte am Morge standesamtlech hürote ond am spötere Nomitag hei mer die freii Zeremonie. Vor dr Zeremonie mache mer no Föteli.
Om weli Zit wördet der ofs Standesamt (e weiss nonig was si so em Agebot hei): eher früe am Morge oder eher vorem Mettag?
E weiss drom ned so rächt öbi vorem Standesamt zom Coiffeur ond zor Kosmetikerin söu oder erst zwösche Standesamt ond Zeremonie. Ond je nachdäm wär natürli denn dr Termin ofem Standesamt anders.
Hoffe der chömet drus wasi meine..
Wär froh om Tipps!
Merci, Piglet
|
|
|
fraztaz  am 10.02.2009
Re: Ablauf: Sta und Zeremonie am gleichen Tag
hoi piglet
muesch de ufpassä das nid in stress chunsch. i würd vor em mittag (11i oder so), das no gnue ziit häsch zum di parat machä. wohrschindli wird de sowieso scho nach em standesamt gfrieret, wenn ihr ja sowieso aues am gliichä tag heid. nid das de no verpassisch di hübsch z'machä 
Am 05.09.09 isch es sowiet!
|
moonlight23  am 10.02.2009
Re: Ablauf: Sta und Zeremonie am gleichen Tag
Be eus esches zwar erscht nöchst johr so wiit, aber mer mached au alles am gliche Tag. De Termin hämmer bereits scho müesse reserviere, wölls en samschtig esch onds nor a gwösse samschtige tüend traue ofem Standesamt...
Ziviltrouig esch be eus am 11i am morge. ond ich han dänkt dasi mi aschlüssend parat mache inkl. schminke und Frisur. ond mer denn so ca. am 4i die frei trauig mached (mer trauet eus verusse). Oder meine der das da vode ziit her knapp werd? mues mer zom schminke und frisur meh ziit iberechne?
Hochezeit geplant am ***15.05.2010***
|
Piglet am 10.02.2009
Re: Ablauf: Sta und Zeremonie am gleichen Tag
@fraztaz: Das met em Stress esch ebe genau mini Sorg. Weni vorem Standesamt zom Coiffeur ond zor Kosmetikerin go denn muessi nochär nor no i mis Chleid för am Nomitag schlöpfe. Das wörd heisse Termin bem Standesamt eher so am 11. Leider gset aber mi Zuekönftig denn scho mini Frisur ond s'Make-up...
Wenn mer zerst ofs Standesamt gönd, so haubi nüni, ond eg nochär mi lo lo höbsch mache hätti gnue Zit dänki, derför wärde mer üs chorz nach em Standesamt grad weder müesse trenne.
@moonlight: Ebe genau, mer hei öis das ou chli so dänkt. Chont ebe no drofa wie wit dass es zo dr Trouigslocation esch (be öis en haub Stond met em Outo), öb vor dr Trouig no Paarföteli wotsch mache (ca. 2 Stond), wie lang das bem Coiffeur ond be dr Kosmetikerin hesch (ca. 2 Stond?) ond wie lang dass me brucht zom s'Chleid ond aues alegge. Ond s'Standesamt säuber duret jo ou no ca. en haub Stond. Grad nochär losrenne fendi ergendwie ou blöd.
Tja, schwerig, schwerig, witeri Meinige?
|
moonlight23 am 10.02.2009
Re: Ablauf: Sta und Zeremonie am gleichen Tag
Ich wet ebe au ned das min Zuekönftig scho mis Makeup und d frisur ofem standesamt gseht, dorom esches för me eigentli klar, dasi da alles erscht nachem Standesamt mache. Han denn 3.5 stond ziit för schminke, frisiere und alegge.. das denki längt scho!?
Fötele tüemmer ebe erscht be de truig ond am apero
|
fraztaz am 11.02.2009
Re: Ablauf: Sta und Zeremonie am gleichen Tag
@piglet: ja schwierig! u mit em chleid scho as zivile go, chunt nid i frag? mit em fötälä wird's de ebä scho eher knapp hani z'gfühl.
bi üs ischs drum zwar nid so, das mir am gliichä tag zivil u chirchlich hüratä, aber mir hei d'chirchä scho am 12i u müesse o ä haub stund anäfahrä. wie isch's de mit em coiffeur u kosmetikerä? chömäd diä hei oder muesch irgendwo anä? für da rechni drum o no anderthaub stund ii (ohni fahrä). aber do tuesch am beschtä gad mau diä frogä wie lang das es hend.
mir tüe ja s'zivilä o nid so fiirä (eifach mit dr trouzügä go ässä). aber mi düechts, wenn ihr näher gad müessä losspringä, heid dir ja überhaupt nüt me drvo.
wenn dir ja sowieso vorher d'fötäli wei machä, xet er di ja de o scho. mi schatz het xeit, er wot mi vorher xe, damit er mi für ä moment cha für sich ganz aleini gnüssä.
Am 05.09.09 isch es sowiet!
|
Piglet am 11.02.2009
Re: Ablauf: Sta und Zeremonie am gleichen Tag
Hoi Fraztaz
Hm nei, das möchti eigentli ned. Eg werde mis Chleid sowieso no es zwöits Mau chöne alegge wöu mer denn spöter no s Fäscht met de Gest mache.
Dass Coiffeuse heichont esch onwahrschindlech, Kosmetikerin weissi nonig.
E ha ebe zerst dänkt, dass mer am haubi nüni ofs Standesamt gönd, es Kafi gönd go nä met de Trouzüge, denn eg zom Coiffeur ond dr Kosmetikerin go (wär jo denn em gliche Ort wies Standesamt), denn hei go s'Chleid alegge ond denn zom Trouigsort fahre woni de mi Schatz weder treffe zom fötele. Jetzt esch ebe d'Frog öb das so gschid esch oder ned. Trouigszit am Nomitag hei mer noni festgleit, chönt me no schiebe (mer hei dänkt so ca. 15.30).
Jo klar, er gset mi sowieso scho vor dr Zeremonie, aber e ha dänkt wenn er mi scho ofem Standesamt met Brutfrisur ond Brut-Makeup gset, ond de spöter nor no s'Chleid ander esch, esch das ou nöm s'gliche wöu er jo denn d'Höufti vom "Gsamtböud" scho kennt... D'Frog esch jo de ou no öb denn Standesamtchleid zo dr Frisur ond em Makeup passt. Das Chleid hani noni.
Puh, die Tagesplanig esch wörkli ned eifach. Vorauem wöu eigentli no gar nüt festgleit esch. Of dr andere Site esch me so no flexibel ond met hät ebe no d'Chance zom schiebe.
|
fraztaz am 11.02.2009
Re: Ablauf: Sta und Zeremonie am gleichen Tag
tschou piglet
wenn ihr da mit dr ziit am morgä am haubi nüni u am haubi vieri am nomi chöid machä, häsch sicher gnue ziit zum di no zwüschäd inä parat machä. de würd i o no wartä mit em schminkä u frisierä.
was i bis jetzt ghört ha, hei si zum frisierä (je nach frisur natürli) zwüschä 1 - 1.5 h. u zum schminkä ä viertel bis ä stund. da würd de auso sicher no längä zum fötäli machä u viellicht sogar no gäbigs apéro nach dr zivilä trouig.
Am 05.09.09 isch es sowiet!
|
|
|
1
|
Anmelden
