| Mai 2010 |
|
|
1 2 3 4 5 .. 11
|
Siby79  am 03.02.2010
Re: Mai 2010
Hallo liebe Mai-Bräute
Auch wir heiraten im Wonnemonat, um genau zu sein am 15.5.10. 
Wir haben
- Kapelle mit Pfarrer
- Restaurant für den Abend
- Brautkleid
- Anzug für den Bräutigam
- Musik für die Kirche und am Abend
Was noch fehlt sind die Eheringe  aber die gehen wir schon bald aussuchen.
Momentan sind wir jedoch damit beschäftigt, eine Floristin, einen Apérolieferanten und ein Carunternehmen zu finden.....
Und wie sieht es bei euch so aus?
lg
Siby
|
|
|
peja  am 03.02.2010
Re: Mai 2010
hi siby
uns fehlen noch:
kleinigkeiten zum basteln
der anzug
musikauswahl
und div. besprechungen sind noch offen..
hz-reise
die ringe haben wir schon.. und eben die besprechungen mit pfarrer, fotograf, floristin, restaurant, apero-ort sind noch offen.. gebucht ist schon alles def., die besprechungen machen ja total freude aber dies nimmt dann schon noch zeit in anspruch.. aber spass macht es natürlich!!
|
|
Snowbear nicht registriert am 03.02.2010
Re: Mai 2010
Hallo Siby
Wir heiraten auch am 15.05.2010 kirchlich. Die zivile Hochzeit findat am 05.05.2010 statt.
Sag mal, du heisst nicht etwa Sibylle und hast ein 79er Jahrgang? Ich leite das einfach mal von deinem Login Namen ab.
Wir müssen noch:
- den Floristen besorgen
- Hochzeitsreise buchen
- Nachtessen besprechen
- Apéro besprechen
- Besprechung mit dem Fotografen
Ansonsten haben wir alles zusammen :-)
Liebe Grüsse
Snowbear
|
haexli75 am 06.04.2010
Re: Mai 2010
guete morge zäme
nid emol me 30 täg und när isch üse gross tag do! so langsam aber sicher wird ig närvös. ha no so viu z'erledige.  hüt muess ig jetz de mol ähndlech go luege wäge blueme (brutstruss etc.) das isch no so dr gröschti unerledigti punkt, näbst em apèro. (wo isch klar nur s'was fählt no).
und bi euch? heit dr alles scho zäme oder isch au no so seine oder andere offe? und wi gsehts mit euem närvekostüm us?
wünsch nech e schöni wuche.
liebe gruess
haexli75
** verliebt 7.7.1992 * verlobt 16.6.2007 * verheiratet 7.5.2010 **
|
peja am 06.04.2010
Re: Mai 2010
hallo maibräute!
offen sind bei uns noch:
- div. besprechungen mit fotograf, pfarrer, restaurant ect. wobei alle termine abgemacht sind
- kleinigkeiten zum basteln..
- tischordnung
ja und der rest haben wir schon.. schade, wie die zeit vergeht.. aber wir geniessen die vorbereitungen.. :-)
grüsse
Zuletzt bearbeitet am 06.04.2010
|
Kenima am 06.04.2010
Re: Mai 2010
Hallo Brütlis
Mer hend au no paar chlini Sache zum erledige...
-Apero, wo wösse mer scho au, aber äbe au was das hend mer noni festgleit...
und Blueme hend mer au noni definitiv, bestätigt.
Nervösigkeit, esch be mer jetzt doch langsam am cho.... mängmol meh und mängmol weniger.... 
wie esches be euch so?
grüessli und schöni Woche
**** euse grossi Tag esch am 1. Mai 2010 ****
|
seeletaenzli  am 06.04.2010
Re: Mai 2010
hoi zäme
au bi mer stiigt langsam aber secher d'nervosität.
es paar chlini sache gets no z'erleidge:
- de azuug vo mim gg abhole
- mis chleid apasse loh (12.april)
- detailbesprächig mit fotografin ond en schöne ort för föteli ussueche
- mini schueh es betz ilaufe
- üs entspanne ond eifach nome freue :)
wahnsenn wie schnell d'ziit verbi god...
-- ~ mer verTRAUED üs ~ -- ~ 21.05.2010 ~ --
|
Siby79 am 06.04.2010
Re: Mai 2010
hoi mitenand
bi üs sind au scho wieder äs paar sachä erledigät....no offä isch d fotilocation, s apassä vom brutchlaid (wobi i dä termin däfür scho ha) und üsi ring gömmer denn mitte april go abholä. mir hilft mini pendenzälischtä immer weni ä panikattackä überchum - döttä gsehni dasi aigentli guät dra bi unds kain grund zur panik git
@snowbear: sorry, ha dini antwort und dini frog gar nöd gse! tippsch aber genau richtig - kenäd mir üs?
lg
Siby
|
|
Snowbear nicht registriert am 06.04.2010
Re: Mai 2010
Hallo zäme
@Siby: Keis Problem... Ben au scho lang nöm im Forum gsi. Ich glaub ned, dass mier eus kenned. Ich hans nor so en loschtige Zuefall gfonde, dass mier anschienend gliech heissed, de gliech Jahrgang händ und jetzt au no am gliche Tag hürated :-)
Mier müend no es paar chlini Sache erledige:
- Menü Probeessen
- Menü Drucken
- Besprechung Apéro
- Tischkarten (han immer no kei Lösig för mini Vorstellige :-(
- Detailbesprechung mit Pfarrer und Fotograf
- Ringe abholen
- Brautkleid und Anzug abholen
- Kleid für zivile Hochzeit abholen (plus Schuhe kaufen...)
- Detailinformationen an geladene Gäste schicken
- Detailplanung mit Hotel und Trauzeugen
Hmmm, es gaht ja nor no ein Monet und langsam wird ich scho chli nervös. Zodem mier ja eigentlich euses Zivile bereits am 05.05.2010 hend. Also bin ich ime Monet scho verhürated :-)
Liebe Grüsse
Sibylle
|
haexli75 am 06.04.2010
Re: Mai 2010
ui bin ig froh, gits au no anderi vo euch, wo no nid alles erledigt hei.
es isch eifach dr zytfaktor, wo mi närvös macht. Mi weiss genau was me no a offene pünkt hät, aber zyt lauft eim dervo. bi einzelne pünkt sind mer jo au no guet ir terminplanig (z.B. mis chleid fertig apasse, ringe abhole, apero bstelle etc.)
aber bi andere hinke mer zimli hindedri. z.B. bi de blueme. ig weiss genau was ig für ne brutstruss etc wott. bi aber eifach no nid derzue cho, i blumeläde zga und offerte i zhole. immer we igs planet ha, ha ig länger müesse schaffe oder süsch öppis isch mer derzwüsche cho.
e nu - probieres hüt am nami wieder. villich chum ig hüt chli früecher us em gschäft.
liebe gruess
** verliebt 7.7.1992 * verlobt 16.6.2007 * verheiratet 7.5.2010 **
|
|
|
1 2 3 4 5 .. 11
|
Anmelden
