| Hochzeit 2010 |
|
|
1 .. 13 .. 24 25 26 27 28 .. 36 .. 44
|
|
Soefeli82 nicht registriert am 08.04.2009
Re: Hochzeit 2010
hallo moonlight23
mit hei ersch afange äs bütsche erstellt, d gäschteliste agfange u d datene festgleit. ig weis afange wär ig als trouzügä wot. aber reserviert oder schüsch öbis organisiert hei mir no nüt. wiä gsehts bi öich us?
liäbä gruäss
|
|
|
calla  am 08.04.2009
Re: Hochzeit 2010
hy moonlight23
wir sind seeehr tifig  . haben vergangene woche die fotografin und die band prov. für unsere daten gebucht  . aktuell sind wir auf der suche nach einem didgeridoo-spieler der an unserer hochzeit (an der Trauung im Zivilstandesamt) 2 stücke an vielleicht einer minute spielt. das beste angebot beläuft sich z.z auf 350.- und das ist uns einfach schlicht weg zu teuer, denn die präsenzzeit ist etw 30-40 minuten. kennst du zufällig jemanden der irgendwo aus zürich kommt? haben diesen didgeridoospieler von einer musikschule (er ist der lehrer) und seine jünglinge kosten ebenfalls so viel... aber wir haben ja noch mega lange zeit, vielleicht fragen wir mal eine flöten-schule (oder panflöte) an. wollen halt ein bisschen musikalische untermalung aber nicht aus dem GB. nach den ostern erhalte ich meine bestellten ustensilien für die namenstäfeli (musste sie in DE bestellen und waren gerade aktion)
und ihr anderen bräute, wie ist euer stand?
calla
Zuletzt bearbeitet am 08.04.2009
|
moonlight23  am 08.04.2009
Re: Hochzeit 2010
Hei Calla ehr send jo scho flissig am organisere! So cool! Mer händ s reschti reserviert ond gönd nöchst woche mol go luege wägem menu und was de apero pro person choschtet... Nei leider kenni au niemer wo didgeridoo spellt. Ich ben of de suechi nachere band för am obe wo au no einigermasse priiswert esch? Wer händ ehr? För trauig wette mer evt au en panflötespieler, do mer eus verosse troue ond i das no romantisch wördi fende. han aber no nüt konkrets gfonde.... Wenn gosch du mol go chleider aprobiere?
|
minzentee76 am 08.04.2009
Re: Hochzeit 2010
hallo!
mer hei i de letschte täg grad chli chönne "vorwärts" mache
mer hend sit chorzem üses definitive datum (19. juni 2010) ond hend mittlerwile de pfarrer (en kolleg), s obelokal, d fotografin (en kollegin vo mim onkel) ond de behindertegerächti car definitiv reserviert. jetzt sei mer no am abkläre öb mer i de chele wend hürote oder öb mer ufs schloss wildestei möchtet. während de trauuig hei mer d ai-yen frutiger agfrogt ond si het üses datum jetzt mou provisorisch reserviert.
s budget mit ere provisorische gästeliste hei mer scho vor ca. em ne monet ufgstellt. mi trauzüge stoht scho sit johre fest, en gueti fröndin het sech am mäntig vo sech us bereit erklärt de tätschmeister a üsem tag z mache ond go brutkleider probiere beni im märz ou scho bereits
mer hend eifach bi dene abklärige festgestellt, dass sich lohnt früeh z luege was mer möcht. z.b. s obelokal (d mangerie in egolzwil) esch sehr begehrt und esch a eim vo üsne date wo mer vorgängig mou festgleit hend bereits definitiv bsetzt gsi!
jo, mer send wörklich scho seeehr fliessig gsi 
verliebt seit 26.3.06 / verlobt seit 19.12.08 / hochzeit im juni 2010 :-)
Zuletzt bearbeitet am 08.04.2009
|
|
Soefeli82 nicht registriert am 08.04.2009
Re: Hochzeit 2010
ou hoppla. im gägäsatz zu öich, si mir no niänä  aber ig ha ja no äs paar mönet lenger zit als dir, da mir ersch im ouguscht hüratä
|
calla am 08.04.2009
Re: Hochzeit 2010
@moonlight
wo sind ihr dänn dihei und was für en musig-stiil sueched ihr dänn? wieviel möchtet ihr dänn max. zahle?
ou so schön, ihr lönd eu verrusse traue? und dörf ich fröge - isch das au schlechtwettertauglich? natürlich hoffemer jedoch uf sunneschii, oder? hi,hi
ich gang erscht im auguscht uf chleider-schau, ab dänn söttet die diesjährige modell abegsetzt und die neue kollektione am inetröpfle si... mal luege ob das stimmt *g*
@minzentee76
(hät din nick mit pfefferminz-tee ztue wo du gern trinksch? i'm lovin it )
s'budget und gäschtelischte hämmer letscht summerferie ufgstellt hi,hi.. isch wichtig zwüsse damit mer ungefähr en rahme hät. dörf i fröge was ihr für es budget für azahl lüt händ?
wow und bisch scho fündig worde miteme brutchleid? 
da gib ich dir voll rächt, je früener desto besser. mir händ no en chline vorteil dasmer ame fritig hüratet aber teils samschtige sind i *eusem* reschti au scho usbueched...
@soefeli82
ja du wämers gnau nehmed hämmer all no unmänge ziit aber plötzlich gahts dänn mega schnell.. bi eus gahts "nur no 13 mönet", womer eus verlobt händ sinds no 19 gsi... also ziit raaast ebe doch
huch... sött wiiterschaffe... sind ihr fraue eich au all am schaffe...?
|
minzentee76 am 08.04.2009
Re: Hochzeit 2010
hallo calla!
ech liebe minzentee (am liebste mit wenig zucker)
mer wärde am apéro ca. 150 persone si ond am obe sei mer nor ca. 36. för s ganze hochzit hei mer ungefähr mit 25'000-- grächnet, aber do send d flitterwoche no ned debi. obwohl ech bi de fotografin scho über de hälfti unter em bugdet be. mer luege natürlich, dass mer s budget ned wärde überschriete. aber mer hend üs gseit, dass mer (hoffentlich) nor einisch im läbe hürote ond darum gänd mer das gäld ou us. obwohl, esch eigentlich scho krass wieviel gäld mer so a eim einzige tag usgit...
bim brutkleid esch es eifach sehr interessant gsi festzstelle, wie gwössni chleider eim stönd ond gwössni überhaupt ned. im prospekt ond i de heftli gseht eifach emmer alles toll us! han eigentlich denn nor mou welle go umeluege so noch em motto "nur kucken, nix kaufen" aber denn hets mer bi genau eim chleid de ärmel inegno. es het vel schöni chleider gha aber nor bi EIM hets "gfunkt". han dänkt, dass i no abwarte ond das denn gäg ändi johr halt denn nochebstelle, falls si mini grössi nöm hei, aber es esch alles andersch cho als planet. es het bi dem chleid genau eis pro grössi gäh ond meh chas ned nochebstelle, wel es en eigemarke esch vom brutgschäft... ja, denn die grossi überlegerei mit miner mam ond mit mine fröndinne... de pries het ou no för sech gsproche, d hälfti als budgetiert ond ech be total hin ond här grisse gsi. ech has chli verruckt gfunde, über es johr vorhär scho es chleid z kaufe, aber was, wenns im ne johr dä style nömm het? tja, schlussendlich sei mer üs alli einig gsi ond hei bereits jetzt scho zuegschlage
so, ou ech söt weder ad arbeit 
sonnigs grüessli
verliebt seit 26.3.06 / verlobt seit 19.12.08 / hochzeit im juni 2010 :-)
|
moonlight23 am 08.04.2009
Re: Hochzeit 2010
Hei Calla
Mer send usem Aargau ond sueche i dere Region en Band oder en DJ... Weisch evt öper?
Jo eusi trouig esch au schlechtwättertauglich halt denn eifach imene zelt. aber hoffes schwer dases ganz verosse chan stattfinde
Ben au am schaffe, aber ha grad ned so vell ztue drom chani ame chli is forum go güggsle ond schriibe
|
calla am 08.04.2009
Re: Hochzeit 2010
guete abig 2010er fraue
@minzentee
mer händ sgliche budget wie ihr 55 gladni und 120 apérogäscht (sofern all an apéro chömed, sisch ame fritig und da mer nid i de chile sind werdets zeremonie au nid mitbecho)..
wow - e budget-fotografin? macht sie das profimässig?
dini gschicht mitem brutchleid isch ja voll schön und ich denke du häsch dich absolut richtig entschiede. wieviel mal bisches sitem chauf scho go aprobiere? stellsch eus es bildli ihne oder häsch en link??
@moonlight23
hmmm, nö chunt mer grad niemmert i dinere region in sinn... (blööööde tip - google )
was schaffed ihr?
greez, calla
|
Krispy  am 08.04.2009
Re: Hochzeit 2010
@minztee76
Be ou am öberlegge wäg de Mangerie, mer send afe mou im Park gse ond i be of d Homepage. Weisch du wie tüür das esch oder hesch söscht no es paar Insider öber d Mangerie?
|
|
|
1 .. 13 .. 24 25 26 27 28 .. 36 .. 44
|
Anmelden
