| Bräute 2016 |
|
|
1 .. 81 .. 159 160 161 162 163 .. 189 .. 214
|
Jea  am 09.06.2015
Re: Bräute 2016
jöö, danke, ja jetzt mal luege, ob das alles so möglich isch, wie mir eus das vorstelled :)
die gröscht useforderig isch wohl dänn d gästeliste... mir händ eigentli nöd sone riiiese hochzit welle mache. jetzt hani aber mal ufgschriebe, wer ich alles wött däbi ha, und mer sind scho bi ungefähr hundert lüt... ellei Familie vo ihm und vo mir simer bi ca. 50. s "Problem" (eigentli es schöns) isch, dass mir sehr viel gueti fründe händ... . ja mer werdeds gseh, wie das usechund :)
händ ihr eigentli scho vorstellige vo euem poltere? mached ihr das vorem zivile oder vor dä Zeremonie/chirchlich?
|
|
|
crivosa am 09.06.2015
Re: Bräute 2016
Hoi Jea
cool das er au am plane sind...gratuliere
I werd do ich nur zwei drü Täg vorem chirchliche di zivil trauuig han, natürli voher Poltere...
mer mached am 01.06.16 zivil und am 04.06.2016 chirchlich...denke s poltere wird den im april/mai si
|
hengacor am 09.06.2015
Re: Bräute 2016
Hoi a alli Bräute 2016 
I hoff ihr nehmet mi i eure Rundi uf. Mir hürotet am 28. Mai 2016 und i freu mi so 
|
Sakanas  am 09.06.2015
Re: Bräute 2016
Jea
I hürote am 19.9.15 zivil und erst chirchlich am 11.6.16 (drum 2016-Bruut, will da isch üses grosse Fescht!) aber mir poltered am 19.09, will das jo eigentlich zellt. Bin jo scho gspanne, am 22.08 isch de Poltertag 
hengacor
Hallöööööchen und herzlich Willkomme i üsere coole Rundi. Gratuliere zur Verlobig und zur bevorstehende Hochzyt Weisch scho wo und wie ihr hürotet?
|
Emely am 09.06.2015
Re: Bräute 2016
Aso mir hend Zivil am 4.8.16 und wenns klappet Kirche am 20.8. und Poltere wärdet mir au vorem Zivile :D
Das Poltere- Plane öbernimmt d Trauzügin oder?
|
crivosa am 09.06.2015
Re: Bräute 2016
Normalerwis machts d Trauzügin...aber da chasch du mache wie du wotsch...
bi mer sinds jo zwei Manne als TZ das wür den nöd passe wegm Poltere, drum organisiert seb mini best Kollegin...
I denk chasch au selber sage wad wotsch mache aber I loh mi do gern überrasche
|
Jea am 09.06.2015
Re: Bräute 2016
@ sakanas
ah au schön :) händer au nüm chönne warte, oder warum händ ihrs sowit usenand? also bi mir ischs so gsi, dass ich allgm. gern im herbst ghürate hett, will mer nächst früehlig und summer extrem viel rundi geburi ide Familie händ... aber min schatz möchte nüm länger warte und drum machemer zivil im mai und fäscht und Zeremonie dänn im September :) ich finds super so. isch au finanziell dänn nöd alles uf eimal.
@ hengacor
hoi, wie lang bisch dänn scho verlobt? wer hätt dä ahtrag gmacht und wie? händer scho ahfange plane?
@ emely
ja, also bi mir wird das d trauzügin in absprach mit mir mache. also absprach im sinn vo was ich mir ungefähr vorstelle oder was ich gern hett und was uf kein fall gaht... . dä reschte überlahn ich dänn ihre.
aber han au scho erlebt, dass d brut oder dä brütigam dä polteri sälber organisiert händ. schlussäntlich muesch du dä wäg finde, wo für dich passt. :)
|
Sakanas am 09.06.2015
Re: Bräute 2016
Emely
Jo also "normalerwiis" machts TZ. Aber das bestimmsch schlussendlich du.
Jea
Hmm also mir hend mehreri Gründ
- mir hend im September üses 9-Jöhrige Jubiläum
- und i muess ebe de zweit Fuess im November no operiere (vorem Chirchliche, drum isch das halt "erst" im Juni 16)
- zudem hani mim GG gseit i wött gern mind. 1 Johr Zyt ha zum sone schöns Fest organisiere, ha nöd gern en mega Stress
Drum hämmer üs so geinigt, er hät Zivil dörfe bestimme und ich Chirche
Scho bitz speziell, so wiit usenand (sind doch 8 Mt), aber ebe, so chömmer zwei mol go flittere
|
Jea am 09.06.2015
Re: Bräute 2016
hehe, das isch natürli au guet, sakanas :)
wieso muesch dänn dä zweit fuess operiere? was häsch dänn gnau? (muesch natürli nöd säge, wänn nöd wöttsch... :) )
aber findi en super Kompromiss für beidi :)
|
Emely am 09.06.2015
Re: Bräute 2016
Apropo Flittere....Wösset ihr scho wo döre ihr wänd go? :)
Ich han halt das Typische Maledive im Kopf....aber mal luege
|
|
|
1 .. 81 .. 159 160 161 162 163 .. 189 .. 214
|
Anmelden
