| Bräute Juni 2013 |
|
|
1 .. 6 7 8 9 10 .. 59 .. 108
|
arwen_1984  am 23.04.2012
Re: Bräute Juni 2013
Naja im La Sposa si haut Euro-Prise, wie viel dasses usmacht weissi aber nid, weiss ou nid, ob si denn dert usverchouf hei, wenn du das seisch vo wäge dass das es paar brutgschäft gar nid mache. Auso i ha das mit de Grössine vorallem vom Zorro ghört, und dene ghört ja d white lounge. Anderersits, ga luege schadet ja nüt...
|
|
|
MaLu am 23.04.2012
Re: Bräute Juni 2013
i ha dänkt, i gah mau als ersts is mery's gah vorchecke, was fürne stil i mir überhaupt vorstelle
und denn i meister und white lounge.
bi gred uf dr internetsite gsi vo la sposa.. gseht würklech guet us.. mini lieblingsmarke isch o derbi 
das mitem usverchouf, wo nid aui brutgschäft mache, het hie öpper im forum gseit..
und no gred wägem priis:
steue i mi nur soublöd ah, oder gseht me die würklech NIRGENDS.. i wett gärn nur so e ahaltspunkt ha, öb i mir die woni schön finde überhaupt cha oder wett leiste.. nid dasi denn im lade stah und denn zersch mau rot wirde oder in ohnmacht gheie..
|
arwen_1984 am 23.04.2012
Re: Bräute Juni 2013
ja das hani ou dänkt, zersch mau ir region blibe... und wenn du seisch wägem Weekend ds Freiburg: Ds Badenweiler gits e mega schöni Therme zum wellnesse, und wenn me dert übernachtet, d bechunnt me ersch no gratis öV bis Freiburg zahlt. nur so als Hinwis...
Ja das wäg de prise, i weiss nid, mini Schmärzgränze isch haut scho so bi max 2000.-, u de chunnt ja de no unterwösch, und Schueh (Guet di hani scho) u Strümpf, und Unterrock, und Haarschmuck, und Achtung: Ds Ändere vom Brutchleid cha problemlos ou no 500-600.- choschte...
Da wird mir scho eich ganz anders
|
MaLu am 23.04.2012
Re: Bräute Juni 2013
ja i bi o so i däm bereich.. i hätt z agebot vore kollegin, dassi ihres chleid chönnt alege, aber i bi nid sicher.. es isch mega schön, aber i wett irgendwie o gärn es eigets..
danke füre tipp wägem badenweiler therme.. i liebe wellness 
|
arwen_1984 am 23.04.2012
Re: Bräute Juni 2013
muesch eifach unter dr wuche ga, süsch hets meeega viel Lüt... cha dr süsch de ou es Hotel u so empfähle, wenns konkret wird...
Ja i finde drum ou, i ha unbedingt nid schwanger wöue hürate, es muess gwartet wärde wägem chleid, und das isch haut ou so öppis, es sötti perfekt si, aber wäg däm wotti glich nid 20x übertüüreti prise zahle, das findi uuuuh schlimm, wenns um hochzit geit, isch eifach alles grad 3 mau so tüür...
|
MaLu am 24.04.2012
Re: Bräute Juni 2013
super danke..
itz gahni de zersch mau gah z bern luege.. chas chum erwarte! und hoffe eifach ganz fest, dass die chleider wo mir gfaue nid aui überem budget si
i ha mir gseit, max. 2'500 und drüber gahni nid..
|
arwen_1984 am 24.04.2012
Re: Bräute Juni 2013
isch bi dir 2500 all inclusive oder no ohni alles drumum?
|
Prisi87  am 24.04.2012
Re: Bräute Juni 2013
Ich empfehl eu immer na "Chez Janine" in Bubikon
29.06.2013
|
saerli  am 24.04.2012
Re: Bräute Juni 2013
Also i ha es Zitli lang in Bern bi Liluca gschaffet. Det würdi unbedingt au go, es het en schöni Uswahl und Priise send eher günstiger als dMerys (chunnt uf sKleid a) ond de Stil esch au anders als ide Merys.
Also die meiste Kleider wo mer gha händ send umdi 1600-1800 gsi (het au türeri gha logisch, aber es chonnt halt au druf a was mer wünscht). Klar mit Accessoires cha mer schnell nomol uf 1000.- Mehrchöste cho, aber da esch au emmer dFrog wie viel Accessoires brucht me/will me/sind nötig??? Mer händ viel mit Accessoires überladni Brüt gha, wells eifach gmeint händ, dass sie als Brut das alles bruched. Debie sell mer doch sech sälber sii, also warum en Halsketti alege, wenn mer sust NIE eini ahet???
z.B. Schmuck esch ja oft scho vorhande daheim, oder villicht het dMamma en schöni Chetti oder so zum uslehne. Mer sell ja öpis usglehnts aha :) Und z.B. e Reiffrock cha mer au günstiger im Internet chaufe, i ha mine bi Ricardo für 25.- ersteigeret, neu hät er 189.- kostet... Übrigens, Accessoires sind ide Brutgschäfter eher türer, als wenn ihr z.B. Schmuck, Haarschmuck, Strümpf usw. würde ime andere Lade chaufe. So cha mer au guet sBudget ihalte.
Grüessli
°°°22. September 2012°°°
|
arwen_1984 am 24.04.2012
Re: Bräute Juni 2013
saerli, wi ischs de im Liluca mit usverchouf? weisch du wenn dä afat?
|
|
|
1 .. 6 7 8 9 10 .. 59 .. 108
|
Anmelden
