Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlsse    ›   Hochzeitstag    ›   der pfarrer hät abgseid :o(
der pfarrer hät abgseid :o(
 1
silver83  am 16.09.2009

der pfarrer hät abgseid :o(

hoi zämä, also etz hät mier gad dä pfarrer abgseid vür üsers hz

ich han dä termin mit der messmeri abgmacht ka und sie hät gseid si degs no am pfarrer sägä und er nehm mit üs kontakt uf wägä de gspröch und was mier üs gnau vorstellen und so.
also bin ich dävo usgangä, dass der termin passt, und han fotograf musig für am obet resti und apero reserviert. und etz seid er, dass er den ministrantä-reis heg und die immer am erstä wuchäend vum oktober seg. ich chöngs meir no überleggä wägemnä anderä termin und ihm bscheid geh.

mier hen üseri chind beidi bi ihm lo taufä und er macht das immer so schön, bin scho an es paar hz gsi wo er trauig gmacht hät. drum han ich ihn eigentli wöllä. aber etz nomol alles umbuechä...
es git suscht no dmöglichkeit mit emnä kapuziner wos au ganz persönlich tuet gstaltä. also ich hett beidi möglichkeitä...

ich han mis hz scho vum juni in oktober verschobä und etz nomol verschiebä? was würen ihr machä?




.:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:.
......Sid am 13.02.2009 verhürotet und am 02.10.2010 isch üserä grossi tag......



speedy  am 16.09.2009

Re: der pfarrer hät abgseid :o(

Hey Silver
Das tuet mer mega leid für dich.
Es chunnt druf a, wie fescht dass euri Beziehig zu däm Pfarrer isch. Är kennt offebar euri Familie scho sehr guet. Aber würdisch du ihn als Fründ bezeichne? Gönd ihr denn au regelmässig zu ihm in d Chile?
Ich würds absolut begriffe, dass ihr euri Hochzit nid no es zweits Mol wänd verschiebe. Sind denn au d Gäscht scho über s Datum informiert? Das machts nomol schwieriger.
Also ich weiss jo eigentlich e chli z wenig über die ganz Situation, aber ich würd dir jetz mol empfähle, dä Kapuziner azfroge. Dä schinsch au z kenne. Ich finds halt eifach wichtig, dass me nid dr nöchscht bescht nimmt sondern öpper wo me au scho mol anere Hochzit oder au anere normale Predigt in Aktion gseh het unds eim gfalle het.
Vor allem aber würd ich immer alles schriftlich mache. Ok, bimene Pfarrer bruchts jo nid grad en Vertrag wie bimene Carunternähme oder Alleinunterhalter, aber mindischtens per Mail lo bestätige würd ichs mir scho. Au Pfärrer sind nur Mensche, aber wenn är dir es Mail schickt het ers sicher au in sinere Agända itreit.



Sposina  am 17.09.2009

Re: der pfarrer hät abgseid :o(

Hoi Silver

Das isch natürli schad.. vorallem well ehr de Pfarrer so guet känned.. und verschiebe werd wahrschinli au schwer? Mer händ euses Datum au verschobe well mer d Chele ned öbercho händ, aber mer händ natürli ersch d Location und s Catering gha.. de gots no!
Wenn euch d Gstaltig vo de Zeremonie sehr wichtig esch, wör ich mal öberal nachefrage, eb mers chönt verschiebe.. und schösch wenn ehr ev. no en andere Pfarrer kenned oder en Tipp becho händ? Vo wo chonsch denn du? Hürotisch kath oder ref?
I kenne au e sehr sehr guete und mönschliche ref. Pfarrer usem Aargau..



silver83  am 17.09.2009

Re: der pfarrer hät abgseid :o(

hoi speedy und sposina

also mier sind nid so chirchgänger. ich findä mä chan au suscht bi gott si und muess nid in chirchä däfür. aber hürotä will i eigentli in der chirchä, will ers so schön macht. der pater wer suscht au no ä gueti wahl, den er isch au sehr menschlich. mier sind beidi kath. ich han etz mol dä termin ä wuchä vorhär reservierä lo bim pfarrer und probier mol öb dä rest au no ä wuchä vorhär frei isch.

vorallem dfotographin und zresti, sind mier hald scho wichtig. wens denä nid got, den verschieb i nid und buech dä pater, diä 2 han i sofort buechet wo ich mit der messmeri gredet han. naja, nechstmol gad mit em pfarrer

mier hen no kei iladigä usälo, hens eifach dä trauzüge und em tätschmeister scho gseid. aber das chan mä jo wieder änderä. dmusig am obid isch au scho buechet aber da mier so frühe dra sind denk i ischs au nid so nes problem... hoff i mol. aber diä hen eh mini fründinä bstellt, also ich weiss nid mol wär chund go musig machä den chans au nemert andersch si, ich merks jo nid.

bis etz han i no kei bscheid vur fotographin, hoffä, dass sie au am wuchäend vorhär chan.

Dankä, ich han mich nu gad so gnervt. ich bin chli en kontroll freak und etz bin i alles so frühe am planä und den klappts immer nu nid, isch eifach chli närvig. aber vilicht ischs bis etz eifach zlicht gangä

Lg und dankä



.:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:.
......Sid am 13.02.2009 verhürotet und am 02.10.2010 isch üserä grossi tag......



silver83  am 17.09.2009

Re: der pfarrer hät abgseid :o(

mier hen üs etz entschiedä am 25.09.2010 zhürotä, naja isch nid so schlimm, denn ich han no alles chönä umbuechä suscht wers echt ä schweri wahl gsi.

aber etz muess das datum mol hebe


.:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:..:*¨¨*:.
......Sid am 13.02.2009 verhürotet und am 25.09.2010 isch üserä grossi tag......


Zuletzt bearbeitet am 17.09.2009



 1

BER UNS

HOCHZEIT.ch ist ein unabhngiges Portal und beliebter Treffpunkt fr Brautpaare und Dienstleister aus der Hochzeitsbranche.