| Hochzeit 2010 |
|
|
1 2 3 4 5 6 .. 25 .. 44
|
moonlight23  am 28.01.2009
Re: Hochzeit 2010
Typisch Männer ;-) Min schatz het ebe au s gfüehl es seig vell vell zfrüeh... Mer gönd im April no id Ferien ond händ eus vorgnoh nach de Ferie, afangs Mai, mol chli afange met plane, d.h. mol Location aluege, Apero Offerte inehole.. Wägem Chleid hani dänkt gangi denn so im August mol go luege.. Wo gosch du he go luege wägem Hochziitskleid?
|
|
|
dee-dee  am 28.01.2009
Re: Hochzeit 2010
Du luegsch scho wägeme Chleid?
Trauzüge hämer no kai. Mir wüssed bi öpertem, womir gern hettid und wärded denn bi passendem Ziitpunkt mol froge. 
Aber Trauzügin wird no schwiriger, han do niemert wo mir so nöch stoh würd...
|
babs am 28.01.2009
Re: Hochzeit 2010
@ moonlight Jo so sisi halt die Manne Jo i go mol z Aarau bi Priska Hochzeitsmode go luege... Luege schadet jo nüd
@ dee-dee Wie gseit go luege... das heisst aber no nüd definitivs... Luege darf me jo immer... Jo mir hei ebe au ender bir Trauzügin s Problem.... Guet i cha mi nid Entscheide....
|
dee-dee am 28.01.2009
Re: Hochzeit 2010
Am liebschte würd ich au scho losrenne wägeme Chleid, aber da mues ich no chli warte.
|
babs am 28.01.2009
Re: Hochzeit 2010
Jo du wie gseit dr erst geunder stille Aber def luege dueni erst gäge endi Johr..
|
moonlight23 am 28.01.2009
Re: Hochzeit 2010
@babs: do im Forum händ no vell Brautperle in Unterkulm empfohle... chamer au kleider miete oder kaufe.
|
babs am 28.01.2009
Re: Hochzeit 2010
Jo das hani au scho gseh ... Mal luege oder Mary in Mägewil sell au no guet si...
|
gummibaerli am 28.01.2009
Re: Hochzeit 2010
Hallo zusammen;-)
Ich misch mich jetzt au mal churz i;-) Hoffe das isch in ornig. Bi üs isch leider nonig sicher ob mer im Herbst 2010 oder im Früehling 2011 hürote wänd/chönd, will i evlt. brueflich nu für 3 Monet is usland chönt, aber isch ebe nonig sicher wenn... und wär ja blöd wenns grad zmitzt i de Vorbereitigsziit wär.
I freu mi scho riesig uf die ziit, alles zplane und zorganisiere. I han zum glück au en super ma a miner siite wo au ganz en hufe idee hät. Nume hät er ebe au leider sgfühl, das chön mer doch alles innerhalb vo es paar Wuche organisiere.... Manne äbe...
Aber wenigstens han i die Frog mit miner Trauzügin scho klärt, für mich stoht scho ewig fescht, das es mini Schwöster wird si. Min Schatz tuet sich mit de Uswahl chli schwärer, aber er hät ja nu ziit;-)
|
dee-dee am 28.01.2009
Re: Hochzeit 2010
Imische? Isch doch super, wenn du au mitschribsch 
* * * * *
Wir heiraten im MAI, aber erst 2010
|
gummibaerli am 28.01.2009
Re: Hochzeit 2010
ui, denn bin i froh;-))) han ja nit wellä störe...
händ ihr denn scho idee, wie eues brutchleid sell usgseh? I bin völlig ratlos. Han zwar scho en huuufe bilder aglueget, aber mir gfallet verschiedeni sache und han kei ahnig was mer wird stoh.
Mis Mami, mini Schwöster, mis zuekünftige Schwigermami und mini Best Kollegin chömed denn mit go aprobiere, aber i han jetzt scho sgfühl, das das en Marathon chönt werdä, bis ich mis chleid gfunde han... aber i freu mi trotzdem riesig druf. Das isch doch irgendwie sbest am ganz für üs fraue (mal abgseh vo de trauig selber natürlich).
|
|
|
1 2 3 4 5 6 .. 25 .. 44
|
Anmelden
