hallo mitenang

üses hochzyt isch nüm wit wäg (18.08.2007) u mir wüsse no nid, für wän mir d kirchekollekte wei irichte.

was heit ihr usgläse bzw. wie sit ihr druf cho? nimmt me da eher e grösseri institution wie pro natura. i wett natürlich öppis usläse, wo mir ou sicher si, dass s gäud de ou für ne guete zwäck gnutzt wird u nid irgendwie abzweigt wird.

merci für eui idee u vorschläg

gruess
jackscor

• Zitieren

nicht registriert

Hallo Jackscor

mir händ eus zwar nonig entschiede, aber ich bin im Internet uf diä Homepage gstosse.
www.spendenplattform.ch
Vielicht findsch det ja öpis, ich bin mir am überlege, ob mir sölled eusi Kollekte für d'Stiftig Wunderlampe spände. Find das no öpis schöns und es isch au öpis wo us eusem Kanton isch und so händ mir au eher en Bezug däzuä.

Liäbs Grüässli
Panya

Mir hürated am 07.09.07 zivil + 15.09.07 kirchlich

• Zitieren

Hallo,

unsere Kollekte geht an www.beat-richner.ch!

Sicher eine super Sache! Und das Geld kommt an.

• Zitieren

hej

merci viumaus für die guete vorschläg. mir hei gester z abig no drüber diskutiert, si aber geng no nid uf ei nenner cho. sini idee wär drum d gassechuchi und i weiss nid so rächt, öb das zunere hochzytskollekte passt... muess da gloub no mau chli drüber nachehirne.

grüessli
jackscor

• Zitieren

Eusi Kollekte wird a www.beat-richner.ch gah.
Mir sind scho persönlich in Siem Riep gsi und händ gseh, dass es d'Bevölkerig bzw. d'Chind sehr nötig händ und dass de Beat Richner dete es unglaublich guets Projekt ufzoge hät.
Mir wüssed au, dass s'Geld wo mir da ide Schwiiz spendet richtig und guet acho tuet.

Liebi Grüessli
Baline


** Zivil 20.07.2007 / Kirche 11.08.2007 **

• Zitieren

Hallo

Mir händ au www.sternschnuppe.ch gwählt. Isch supi!

Grüessli

• Zitieren