| wär hüratet am 02.05.2009 |
|
|
1
|
maju  am 25.02.2009
wär hüratet am 02.05.2009
Gugus Brütlis
so itze geits scho nume no 9 Wuche......... extrem wie di Zyt vergeit! Wärdet dir o langsam chli närvös? i chas irgendwie no gar nid gloube dases i 2 Mönet so wit wird si......... unglaublich das i när ghürate bi  u vorallem cha i no nid gloube dass den de würklich Früehlig isch! bi üs hets immer no schneeeeeeeeeeeeeeee
wie geits öich so?
mir hürate am 02.05.2009
|
|
|
maju am 26.02.2009
Re: wär hüratet am 02.05.2009
niemer? 
mir hürate am 02.05.2009
|
lorelai1980  am 09.03.2009
Re: wär hüratet am 02.05.2009
hei maju
doch doch, ich hürate am 2.5.09 - kirchlich :)
wo hüratisch du resp. hüratet ihr?
|
maju am 10.03.2009
Re: wär hüratet am 02.05.2009
juhui ändlich
mir hürate z blumenstein das isch bi Thun! u dir?
bisch scho chli närvös? mir si hüt am morge no mau bim Pfarrer gsi, u hei Trouig besproche! geit ja scho nüme lang! mir fröie üs riesig!
wi geits öich so?
mir hürate am 02.05.2009
|
pearl am 10.03.2009
Re: wär hüratet am 02.05.2009
Hallo Maju, hallo Lorelai 1980
ech hürote au am 02.Mai!!!! So cool! Ond zwar cherchlech in Ebikon (10 Minute vo Luzern ewäg)
Jo, s esch fascht ned zom glaube...... noch all dere Vorbereitigsziit....
Wenn mer so draa dänkt, chond mer grad Schmätterling im Buuch öber.
Ech freu mech scho mega!!!!!! De Früehlig loht üs secher ned im Stech, nome fescht draa glaube. 
Liebe Gruess pearl
|
maju am 10.03.2009
Re: wär hüratet am 02.05.2009
juhuiii scho ume öper
ja i überchume aube o grad schmätterlinge im Buch..... i chas no chum gloube, dases i 2 Monet scho düre isch! aber den si mir uf de Seychelle i de Flyterwuche, isch ja o schön
ja u uf z Wetter bi ig ja o gspannt! hoffe scho dases nüme alzu kalt und weis isch 
mir hürate am 02.05.2009
|
maju am 08.04.2009
Re: wär hüratet am 02.05.2009
hallo mai brütlis
wärdet dir o langsam närvös? ouso i bi letscht wuche ga mis Kleid abstecke u das het bi mir ä Welle vo närvosität usglöst u morn ga i mini Probefrisur ga mache......... bi ja scho gspannt was mir härebringe! u süsch louft gloub aues guet! mini Familie isch o rächt am mitfiebere! u das isch uuuuuuuuuuu schön!
wie geits öich so?
mir hürate am 02.05.2009
|
maju am 22.04.2009
Re: wär hüratet am 02.05.2009
so itze geits fasch nume no ä Wuche! wie geits öich so? ouso i ha di Wuche grad chli äs töif! einersits fröie i mi riesig u angersits ma i gar nid...................... i bi irgendwie kabutt, ha scho lang kei Ferie me gha, u aui erwarte vo mir das i miteme dauer Smile umeloufe! i wet irgendwie zersch i d Flyterwuche u när frisch erholt hei cho hürate!
wie geits öich ä so?
mir hürate am 02.05.2009
|
|
|
1
|
Anmelden
