Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Honeymoon    ›   Australien
Australien
 1 .. 15 .. 27 28 29 30 31 32
Trix77  am 08.11.2011

Re: Australien

@nimbini: mal luege wie das denn wird. kollege vo eus sind im september mit ihre 3jährige tochter 6 wuche mitem wohnmobil in amerika westküste umegreist und das isch alles problemlos gange



gab1510  am 08.11.2011

Re: Australien

hallo zäme

@ dia, tolle bricht, chume au grad wieder fernweh über....

i bi mittlerwiile scho über äs jahr ghürate und lise eigentlich nüm im forum, aber wells mich hüt grad total aagurkt bim schaffe bini da wiedermal go inegügsle. mir sind nach üsere hochziit drü mönet go reise. hauptsächlich australie und neuseeland. äs isch wunderschön gsi, aber äs isch eus uu schwer gfalle wieder zrugg z cho und vorallem wieder i dä alltag zrugg z gah. äs zieht eus eifach immer wieder id ferni. vieli vo eusne kollege möched immer dummi sprüch well mir immer irgendwelchi ferie in amerika oder kanada oder suscht äs wo planet händ. aber mir brucheds eifach irgendwie. s läbe isch eus z öd wenn mer nume die ganz ziit schaffet :-)

mir möched eus au s nächst jahr ad familie und mir händ eus gschwore das mir au wenn mir chind händ wiiterhin möchtet go reise. mir händ i dänä drü mönet so viel familie aatroffe wo au vo wiit her cho sind und die händ eus immer verzellt wie guet das äs gange isch mit dä chind mitem flüüge und wie lässig ihri chind äs findet mitem zelt oder camper unterwegs z si. ich glaub meistens sind nämlich d eltere komplizierter als d chind.

än schöne namittag zäme



nimbini  am 08.11.2011

Re: Australien

also ich oute mich, ich ghöre zu dene, wo sich tödlich ufregt ab familie mit chind uf langstrecke! ich han scho soooo oft schlächt erfahrige gmacht, das gaht für mich gar nöd und ich würd amigs d'eltere am liebschte links und rechts chlöpfe! babies bis ca 10 mönät sind meinstens no ok, wil die händ vorne im baby-bettli no platz und s'ässe isch ja prakatischerwiis mit em mami au scho mit an bord ;o)! aber sobalds grösser sind, isch es eifach nur müehsam, wänns schreied und immer müend unterhalte werde etc.... ich han scho einigi langstreckeflüg miterläbt, wo d'chind dänn 12 stunde non-stop gschreit händ! mir händ die chind ehrlich gseit mega leid ta, s'chind chan nüt defür, aber ebe, d'eltere, die sött meh eifach chlöpfe! dänn seit die eint muetter no so "ja es seig für sie au sehr asträngend, wänn s'chind die ganz zyt schreit" ähm sorry? ich glaube nöd, dass s'chind drum bäte hät, nach asie id ferie zgah! ich finds ehrlich gseit rächt ego vo sönige eltere, dass dänn nachher 300 anderi passagiere total gnervt am zielort achömed, wil sie s'gfühl gha händ, sie müessed wiit id ferie für zwei wuche!

und ja, ich bin vermuetlich eis vo de grössere reisefüdli da inne und darum isch es für mich es no-go, mit chline chind uf langstrecki z'gah, das ghört halt dänn effektiv dezue, wänn mir werded chind ha, dass mir ferie in europa mached, wo meh villicht 2-3 stunde flügt oder wo meh mit em auto gaht.... zudem spielts de chline chind sowieso kei rolle, ob sie jetzt in thailand am strand plansched oder uf mallorca! nei sorry, null verständnis, au wänn ich jetzt da sicher bi vielne aegge mit minere meinig.....

aber genau das isch mit en grund, wieso ich mich entschiede han, nonig mit 24i mami z'werde, wil ich zerscht han welle d'welt entdecke und reise... klar, chani mit 50i au no, dänn gangi aber andersch go reise und vermuetlich sind dänn au anderi destinatione interessanter.....



PrinzessinN

nicht registriert

am 08.11.2011

Re: Australien

Ja ich kann dich auf eine Seite sehr gut verstehen. Hatte auch schon einen Flug, wo es Kinder gab, die nonstop geschrien haben. Ist nicht gerade toll und alles andere als erholsam. Aber ich finde auch, dass die heutige Gesellschaft gar nicht kinderfreundlich ist. Überall nervt man sich wegen den Kleinen...im Bus...im Zug...draussen vor dem Haus...immer sind sie zu laut...sie schreien usw...das ist doch auch nicht normal?!

Ich war so positiv überrascht als ich in den Ferien gesehen habe, wie die Spanier total Freude an Kindern haben. Da gab es keine genervten Gesichter, weil die Kinder da waren...sie haben mit ihnen gewitzelt, gespielt usw...echt total anderst als hier bei uns

Denke, jeder muss für sich selber entscheiden, ob man mit Kindern weit verreisen möchte oder eben nicht. Es muss für einem selber stimmen. Vielen wird es rein aus finanzieller Sicht nicht möglich sein, mit Kids zu verreisen. Meine Freundinnen haben mir gesagt, dass man bereits ab 2 Jahren den vollen Flugpreis zahlt. Das kann sich nicht jede Familie leisten.

Ich denke, erst wenn man in dieser Situation ist, kann man sich entscheiden. Im Vorfeld kann man schon sagen, was man machen würde usw...aber wenn es dann so weit ist, das ist nochmals ein anderes Paar Schuhe.


...Today, Tomorrow And Forever...You'll always be my love...8. Oktober 2011

Zuletzt bearbeitet am 08.11.11 15:25



dia

nicht registriert

am 08.11.2011

Re: Australien

@nimbini
ICH bin ganz dinere Meinig!!!!

....unser Traumtag war am 21.5.2011...



Waschbaerli  am 08.11.2011

Re: Australien

..ich habe nur australien gelesen und bin scho hin und weg! möchte gerade wieder gehen...

da ich fliegen nicht gerade als eines meiner top3 hobbies betrachte, lehne ich es auch eher ab, wenn kleinkinder (0-3) fliegen, da es mich persönlich dann einfach nervt.
ich kann verstehen, wenn man zb. aus verschiedenen ländern kommt und dann natürlich auch die Grosis besuchen möchte zb. in Brasilien. aber wenn beide ihre wurzeln in der schweiz haben, dann würde ich persönlich mir es nicht "antun" mit einem kleinkind noch zu fliegen... das wäre mir definitiv zu stressig. da würde ich lieber das auto voll bepacken bis zu oberst und ab nach italien ans meer



Trix77  am 08.11.2011

Re: Australien

@ nimbini: bi nöd ganz dinere meinig. das es chind non stopp 12 stund dureschreit isch doch eher ungwöhnlich. und ehrlich gseit, gits uf langstreckeflüg no viel me wo cha nerve... und normalerwiis kennt mer ja sis chind und weiss öb mer s ruhig cha bhalte oder eher nöd... also i gseh da eigentlich kes problem. aber jedem sini meinig!

mal luege was machsch wenn denn es eignigs chind häsch...

@ prinzessin: wie wahr



Sunneblueme_12

nicht registriert

am 08.11.2011

Re: Australien

Spannendi Diskussion...

Auso ig bi genau dr glichä Meinig wie d Nimbini!

I liebä Ching aber minerä Meinig nah hei chlini Ching ufemä Langstreckäflug absolut nüt verlorä! Gstressti Ching, no gstressteri Eutere u d Lüt wo ringsumä outomatisch aues mitüberchömä... nei danke! Mir hei üs o gseit, lieber vorhär grossi Ferie machä und när we mir Ching hei wärdä mir garantiert eher schwizwit oder europawit id Ferie... We d Ching id Schueu göh u grösser si, chamä ja d Streckene immer wieder nah dis nah usdehnä...
Für mi het das vorauem o mit Egoismus vo dä Eutere ztüe we sie mit Bébé uf Thailand oder uf Amerika id Ferie wei - wüu d Ching überchömä erschtens vo däm auem nid würklech viu mit, zwöitens ischs ihnä wie d Nimbini seit egau ob sie ds Mallorca am Strand si oder uf dä Maledive u drittens isch d Frag, obs ihnä de im meischtens ganz angerä Klima wouh isch, ono da...


*** 14. Juli 2012 ***



nimbini  am 08.11.2011

Re: Australien

@trix, glaub mers, ich han das nöd nur eimal erläbt, dass es chind duregschreit hät und ich ghöre zu dene, wo IMMER oropax debi hät uf em flüger, aber leider ghört meh es schreiends chind au dänn! was für mich übrigens au nöd gaht, sind hünd i de kabine, ebefalls es no-go, das hani eimal erläbt und es hät mer definitiv glanget!

und glaub mer, wänn mir chind händ, wird ich mit dene nöd uf langstrecki gah, ich bin ja zum glück scho uf allne kontinent gsi und freu mich au druf, mal wieder schöni ferie a de cote d'azur oder in italie oder in spanie z'verbringe.....

und übrigens, das hät nüt demit ztue, dass chind nöd erwünscht sind! ich han suscht gern chind und wie gseit, bim flüge han ich ja au nöd primär s'problem mit de chind sondern mit de für mich sehr egoistische eltere.... und dass chind halt ab 2 müend de volli priis zahle im flüger, findi isch ok, sie bsetzed ja de sitzplatz wie jede anderi passagier! es git allerdings no zuesätzlich d'möglichkeit, es chlichind bis zume gwüsse alter uf em schoss z'ha... das bevorzuged leider ebe viel eltere, wo wänd geld spare udn genau das sind dänn meistens die chind, wo 12 stunde lang schreied im flüger!



chloe  am 08.11.2011

Re: Australien

Betreff Chind ufem Schoss chani grad ou no e Story schriebe. Wommer uf L.A. gfloge si, hei Eltere kei Sitz fürs Chind buechet gha, obwohl's es Alter gha het wommer mues (äbe, wahrschienlich zum spare). Jedefaus esch das es Theater gse, wöi etlichi Lüt wäge dene hei müsse de Platz wächsle. Also, sobalds es Gstürm git, findis ou ned toll



 1 .. 15 .. 27 28 29 30 31 32

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.