genau das isch so! Be dir geits ja no einisch äs ganzes Jahr wo du di nomau druf chasch freue oder nid?

• Zitieren

Merci das isch lieb

i finges guet das du scho fasch aues planet hesch! Das erspart u viu stress, mir hei nume äs haubs jahr zyt gha zum organisiere u mir wärdä äbä nid kirchlech hürate "nur zivil" u darum hei mr itze vou Gas müässä gäh u das het ab und zue scho chli a minä närvä "zerrt" aber derfür freue i mi um so meh das äs gli sowit isch

• Zitieren

Schöne guete morgä Zäme

Danke für Eui Anworte am Fritig! Silver zu Dinere Frag, ob mir den alli bscheid wüssed
über euisi Polterabige. Ich han eifach Sdatum bekannt ge und minere Trauzügin
e Liste mit Näme ge, wo dene Fraue wo ich gern debie heti. Vom reste han ich denn
aber nüt gwüsst, dass hand die Andere organisiert.

Huheee ich han min Polterabig guet überstande! Mir hends uuu lustig gha und es
het genau mine Vorstellige entsproche. Mini zwei Kriterie sind gsi zum eine, ich well
nöd id Stadt, da mir susch au nöd gross id Stadt gönd und zum zweite, ich möchi mich
nöd zum "voll depp".

Mir sind is Resti ime Nachbardorf und hend det dä Saal für euis elei gha.

Nacheme churze Apero sind mir den aneghöcklet und den het mini Trauzügin s'Motto
vom Abig bekannt ge...Huusfrau!

Als ersts hends mir es Bäbi ge, wo mis Chind für dä Abig gsi isch. Das Baby brüehlt,
muss gwicklet werde u.s.w.

Den (mer mus wüsse, ich mach im Huushalt alles und nödmal ungern, bis uf...Glette...
ich glette nöd!!!) hends doch tatsächlich es Bügelbrett und es Glettise anegschleipft und
ich han müse es paar Sache u.a. Liinehose glette. Und natürlich het näbedbie mis Baby
brüehlt und ich hans müse beruige

Denn hani müse es Quiz beantworte über alti Grossmuetter Rezept und immer wenid
Antwort nöd gwüsst han, hani müse es Shot Gläsli voll Kaffi Zwetschge trinke.

Nach dere Rundi isch denn Znacht serviert worde...und wie sölls au andersch sie, chum
hani zwei Gable gässe, hends gmeint, du dis Baby brüehlt...

Nachem Znacht hani es neus Quiz becho. Frage zu mim Zuekünftige. Hani e falschi Antwort
ge, hani wieder es Shot Gläsli voll Kaffi Zwätschge becho. Dä Gäg am ganze, au wenni
die richtige Antworte ge han, hends bi einige Frage gseit, es stimmi nöd, min GG heg
en anderi Antwort ge. Sind also doch einigi Shot Gläsli gflosse...

Uf das abe, hend mir euis no müse Körperlich betätige. Mir hend mitere Luftpumpi am
Hinterteil müse en Ballon ufblase und glichzitig hend mir no sones Rössli am Stiehl idä
Hand müse hebe. Isch also au lustig gsi (vorallem nachdä Kaffi Zwätschge)

Denn hets Kaffi und Desserts ge, wo ich natürlich mis Chind han müse wickle.

Die letschti Rundi isch den us Karaoke bestande. Sprich Sing Star ufdä Playstation.
Als erschts han ich natürlich elei müse vor allne singe. Da einigi vo euis inere Guggemusig
sind, bini mitem Fliegerlied devo cho

Also Ihr gsend, ich han en lustige Abig erläbt! Ich wünsch uf jede Fall Allne wos no vor
sich hend, viel spass !




Wir sagen "Ja" Zueinander...Zivil 20.8.09 / Kirchlich 22.8.09

• Zitieren

Hallo Sitho

Ja das tönt ja nach äm nä luschtige abe wo du hesch gha Mir hei für a dr Hochzyt so nä Karaoke Box gmietet da i äbä so nä Karaoke Fan bi das wird sicher de witzig wärdä

Bi würkelch scho mega gspannt wie de minä wird si...

• Zitieren