Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Polterabend    ›   wer bezahlt was beim Polterabend?
wer bezahlt was beim Polterabend?
 1 2 3
Sandra1983

nicht registriert

am 12.08.2011

wer bezahlt was beim Polterabend?

Hallo zäme

also, min Poltertag findet im Europapark statt und aschliessend gömmer no gmüetlich zäme go znachtässe. Fahre tüemmer mit zwei PWs (sind 8 Persone) und ässe dömmer de Tag dur natürlich im Park.

Gester seit denn mi Vater: zahlsch denn du demfall allne de Itritt i Park oder?

das ganzi hed mich chli verunsicheret.... ich ha eigentlich dänkt, dass alli ihre Itritt sälber zahlid und ich denn z.B. s Zmittag und d Getränk oder am Abig en Grossteil vom Znacht zahle...

isch es so, dass d Brut eigentlich de ganzi Polterabig/-Tag müessti für alli zahle?

Danke für üchi HIlf...

Grüessli
Sandra



PrinzessinN

nicht registriert

am 12.08.2011

Re: wer bezahlt was beim Polterabend?

Cool en Polterobig im Europapark...das heti mir au no gfalle

Also mir gönd jo uf Münche und mini Mädels zahlet alles selber. Findi echt schön, wil ich chönt gar nöd allne d Übernachtig zahle, au wenn ich würd wöle

...Today, Tomorrow And Forever...You'll always be my love...8. Oktober 2011



livipivi

nicht registriert

am 12.08.2011

Re: wer bezahlt was beim Polterabend?

Also liebi Sandra, bi mir isch es grad anders gsi, mini Mädels hend alles finanziert und ich ha kein Rappe brucht a dem Tag Cool Europapark- da hend ihrs sicher voll lustig

Hand in Hand... ein Leben lang, seit dem 07.05.2011



Sandra1983

nicht registriert

am 12.08.2011

Re: wer bezahlt was beim Polterabend?

oh das beruhigt mi.... ha äbe scho nid welle, dass sie irgendwie d Erwartig gha hätted, ich würdi allne 40 EUR Itritt zahle... schlussendlich ha ja au nid ich bestumme, wo mer hie gönd und was mer möched... (guet, so durch die Blume hani scho immer gseit, ich wür lieber en Tag lang öpis mit de Mädels unternäh, weder am Abig so Verkleidigsspieli mache:-) ). das beruhigt mi jetzt wirklich, dass da d Erwartigshaltig nid so isch....



Kia28  am 12.08.2011

Re: wer bezahlt was beim Polterabend?

Also i han a däm Tag au kein Rappa brucht. S'Ässa hämar so guats ganga isch mit da Inahma vum Vachauf finanziert und da Rest händ alli sälbar zahlt.
I chan mir au nöd vorstella, dass dini Mädels vu dir erwartat, dass du ihna dä tür Itritt zahlsch. Si händ do jo schliasslich au öpis davo und ihr werdat alli zäma sichar mega Spass ha.



Schlumpf79  am 12.08.2011

Re: wer bezahlt was beim Polterabend?

Hoi Sandra

Also, bi mer isches au umgekehrt gsi.
Mini Lüüt hend alles zahlt, sind gu zNacht esse ond drnah nuchli um dHüser zoge. Ha nid emal dörfe e Rondi i dr Bar zahle! Köste hend sie sich unter enand ufteilt!

hend e wunderschöne 2. Juli 2011 gha - eifach unvergesslich



Carmile  am 12.08.2011

Re: wer bezahlt was beim Polterabend?

Bi mir isch es au so gsi, dass sie alles für mi übernoh hend, vo Tanzkurs, über Esse bis hi zu Hotelübernachtig. Han das wunderschön gfunde, zumal mer ide Hochzitsvorbereitige eh chronische Geldmangel hät :-) Mer isch es eifach wichtig gsi als Geste am Schluss all zu Kafi und Kuche no chönne izlade und das Weekend revue passiere zloh. Du zahlsch jo denn sHochzitsfest im Gegezug, daher würd mer do nöd so Gedanke mache. Guet isch es aber trotzdem wenn me das vorher mol klärt hät, so durch die Blume.

Grüesslis



zoe  am 13.08.2011

Re: wer bezahlt was beim Polterabend?

liebi sandra, bei mir war es so, dass ich eigentlich gerne was übernommen hätte, aber meine mama, die auch zum poltern eingeladen war (sie ist noch sehr jung, drum hat es auch gepasst) alles übernommen hat, von allen. war nicht so geplant, aber wurde natürlich dankbar angenommen.



sabrini  am 16.08.2011

Re: wer bezahlt was beim Polterabend?

han au kei einzige rappe müese usgä und das für zwei Däg! wirklich super gsi! einzig s benzin- will ich han müese fahre,hehe


> zivil 11.08.2011 - kirchlich 20.08.2011 <



pada  am 13.02.2012

Re: wer bezahlt was beim Polterabend?

Hallo

Ich wollte eigentlich gar keinen Polterabend machen.

Gestern hat mich meine Nachbaring, welche an der Hochzeit am Abend auch Gast ist mich angesprochen, ob ich keinen Polterabend machen wollte.
Hab Sie dann gleich angestellt, zusammen mit der Trauzeugin etwas zu organisieren.

Aber so einen richtigen Polterabend will ich gar nicht. Einfach nur mit ein paar wenigen Leuten irgendwo fein Essen und es lustig haben. Ohne Spiele.

Meine Frage nun: Kann ich der Trauzeugin sagen, dass alle das Essen selber bezahlen müssen oder ist es Pflicht, dass ich alles übernehmen muss?
Ich würde dann einfach bsp. die Getränke zahlen während dem Essen.
Ist das frech? Oder wie habt ihr das gehandhabt?

**Zivil: 4.5.2012 ** Kirche: 12.5.2012**



 1 2 3

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.