Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Zivilhochzeit    ›   Termin Ziviler
Termin Ziviler
 1 2 3
izzy  am 15.07.2008

Termin Ziviler

Hallo zäme!

Ich hätte da mal ne Frage. Wir wollen auch im 09 heiraten, am ehesten so im Frühling 09.
Was sagt ihr, wann soll man einen Termin beim Zivilstandesamt reservieren gehen? Reichen 6 Monate im Voraus? Wir werden uns in Thun zivilisch Trauen und die Hochzeit in Weiss soll dann im Tessin sein.....

Danke u Gruess Izzy



smile83  am 15.07.2008

Re: Termin Ziviler

Halli izzy

Normal kann man auf dem Standesamt erst 3 Monate vorher den Termin reservieren. Ihr habt dann ein Gespräche, auf dem Standesamt, wo ihr sehr viele Dokumente unterschreiben müsst anschliessend könnt ihr einen Termin auf dem Standesamt abmachen. Anschliessend an das Gespräch habt ihr 3 Monate zeit zum Heiraten, sollten die drei Monate vorbei sein und ihr habt noch nicht geheiratet, muss das Gespräch wiederholt werden.

Hoffe ich konnte dir weiterhelfen.

Wünsch noch einen schönen Tag



Sibylle  am 15.07.2008

Re: Termin Ziviler

Hallo!

In solothurn isches so dasmä cha 6 monät im vorus dr termin reserviere und drü monät vorher chame de richtig s gsuech mache und dr termin fixiere etc....

frag doch mau nache:-)

daniel & sibylle glücklich verheiratet seit 30.05.2008 / 07.06.2008



madmadi  am 15.07.2008

Re: Termin Ziviles


Jedes Zivilstandsamt handhabt das mit em Reserviere chli anders - es git au dere, wo mer bereits es Johr vorhär cha Termine fixiere. Be eus (i schaffe ufere Gmeind) mache si's so, dass mer so abem Herbscht jewils für's nöchschte Kaländerjahr cha reserviere. Dete wo mer hürate, hämmer genau eis Jahr vorhär scho müesse uswiche ine Ussestandort, wel alli Termine scho vergä gsi send...

Was aber überall glich isch, isch, dass mer höchstens drü Mönet ond mindischtens 10 Täg vorem Wunschtermin s Ehevorbereitigsverfahre muess dorefüehre. Das heisst, mer bringt sin Personenstandsuswiiis und d Wohnsitzbeschinigung (ämu Schwizerbürger) und füllt dete zwöi Formular us. Meischtens chamer denn au Wünsch för d Trouig (Ringtusch, Musig etc.) abringe.


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!



Passion  am 15.07.2008

Re: Termin Ziviler

Hallo Izzy

Mir hürote ou im Kanton Bern. Ig gloube äs isch im ganze Kanton Bern so, das mä früechstens 6 Monät vorhär ds Datum provisorisch cha reserviere. Nachem Ehevorbereitigsverfahre wo ja de früechstens 3 Monät vorhär cha si, wird de dr provisorisch Termin definitiv.

Uf dere Site fingsch no meh Infos drzue:

http://www.pom.be.ch/site/index/pom_mip_...aemter-thun.htm

Gruss
Passion

...wir trauen uns am 14.08.08 und 16.08.08...



izzy  am 15.07.2008

Re: Termin Ziviler

Danke viu mau für öi Antworte, super!!!
I finges u cool gits sones Tool wo me sich so guet mit anderne Brüt cha ustuusche.....

Passion, merci viu mau füre Link. I wot mor mau hie z Thun ufs Zivilstandesamt, ga frage wie so funktioniert bi ihne......

Bi scho fangs am Hochzitschleider luege, aber, hmmm, das isch baud no schwierig, es git sooo viu schöni Chleider.....

Grüessli Izzy



Passion  am 15.07.2008

Re: Termin Ziviler

Hoi Izzy

Ja sone Forum isch würkläch super. Ha ou scho viel gueti Tipps übercho.

Du hesch ja itz no viel Zyt für alles ds organisiere. Isch gäbig, de chunnsch hoffentläch am Schluss nid so i Stress.

Ä guete Tipp wägem Hochzytschleid: Wart doch bis im Herbst, de gits Aktione uf dä Modell vom 2008. Ig ha mis Chleid vom Minder Mode Huttwil. Die hei dört meistens ca. ab Mitti September usverchouf. Ig bi leider ersch im Dezember gange, da hets nümme gha wo mir het gfalle vor 2007 Kollektion. Aber si hei ou viel angeri schöni Chleider gha. Und sehr ä gueti und nätti Beratig.

Grüessli
Passion

...wir trauen uns am 14.08.08 und 16.08.08...



hurricane_w  am 16.07.2008

Re: Termin Ziviler

@izzy

mir hürate ou z thun, mi fründ het hüt grad aglütet zum frage, wies isch wäg em ne termin.
sie hei gseit jitz sig no z früeh (mr hürate im janauar) sie schicke üs jitz mau irgendwelchi unterlage, dass mr wüsse, was mir aues bruche. und de chöi mr üs de drüü monet vorhär no eis mäude, für e definitiv termin.



izzy  am 16.07.2008

Re: Termin Ziviler

Hellou hurricane

Gratuliere, cool ;-))))

Hey super, danke für d Info!!! Dir sit no z früeh?? De besteit dämfau nid sone adrang hie z thun??

Tüeter nume zivilisch oder ou no in wiiss??



hurricane_w  am 16.07.2008

Re: Termin Ziviler

merci glichfaus izzy ;)

ja är het aglüte und so wie igs verstande ha (mr hei no nid zäme gred) schicke sie üs unterlage wo mr müesse unterschriebe und denn chame de wyterluege.
ig säg dr de süsch was mir übercho hei, wenn de dr brief da isch ;) de weissi de meh. bi ou zimlech erstuunt gsi, dass mir no z früeh si, isch ou chli müehsam, wüu plane sött me ja de glich..

schiinbar besteit würklech nid so ne adrang :D ig ha jitz ghoffet, dass es im winter sowiso eifacher isch, e termin z finde ;)

mir hürate nur zivil, da mr beidi mit dr kirche nid so viu am huet hei.
und dir?



 1 2 3

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.