Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Zivilhochzeit    ›   Trauungsbesprechung Zivilstandsamt
Trauungsbesprechung Zivilstandsamt
 1 2 3
Prisi87  am 26.02.2013

Re: Trauungsbesprechung Zivilstandsamt

Im Kanton Züri muessmär sich selber drum kümmere! Heisst s'Standesamt lütet eim nöd a. Mer muess selber dra denke en Termin abzmachä.



MsJenaya  am 16.04.2013

Re: Trauungsbesprechung Zivilstandsamt

also mir hend vo Bern ou sones Formular becho und müend das jetzt de 3 Monet vorhär ischicke (also jetzt de) und de wärde sech die äuä bi üs mälde fürne Termin. I bi no druf higwiese worde das dr Termin nur prov. reserviert isch bis mer das Verfahre gmacht hei.



Milia83  am 18.06.2013

Re: Trauungsbesprechung Zivilstandsamt

Hallo zusammen,

Ich bin noch neu hier im Forum und auch mit der ganzen Hochzeitsplanung noch ganz ganz am Anfang.

Könnt ihr mir sagen, wie viel im Voraus man normalerweise die Besprechung beim Zivilstandesamt hat?

Vielen Dank und liebe Grüsse



Lus

nicht registriert

am 18.06.2013

Re: Trauungsbesprechung Zivilstandsamt

@milia83
willkomme im Forum

Mir hei üse Trouigstermin erscht 6 Mönet vorhär chönne reserviere (Kt. Bern). Aschliessend heimer vom ZA es Schribe becho mit der Terminreservierig und es Forumlar zum üsfülle (Personalie, wele Name mer när treit, etc.). Das hani de früechschtens 3 Mönet vorem Hochzytstermin chönne ireiche. Churz druf hani wider es schribe becho vom ZA, mit der Bitte, e Termin fürs Ehevorbereitigsverfahre abzmache. Da chö mir itze am 4.7. gah, hürate düemer am 23.8.
das ehevorbereitigsverfachre chasch früechschtens 3 mönet und spätischtens 10 täg vorem hz dürefüehre.



Canoa  am 18.06.2013

Re: Trauungsbesprechung Zivilstandsamt

Milia härzlech willkomme

Ech ha gseh du besch vom Kt. Lu! =) Gefällt mir!=)

Mer hend euses Gspröch höt bim zueteilte ZA, hend aber de Termin för euses zivilische scho meh aus es Johr vorhär chönne reserviere be eusem Wunsch ZA in Sursee. Gester hed grad öbert gschrebe das ZA Hitzkirch au scho vor här Reservatione entgäge nehmt (2 Johr vorhär!) ond sie jetzt ned chönd a ehrem Wunschdatum hürote dos scho usbuechet send...Es esch rächt unterschidlech. Am Beste lütisch mou ah bi dem ZA wo ehr wetted hürote, de goht secher nüt schief.



Milia83  am 18.06.2013

Re: Trauungsbesprechung Zivilstandsamt

Hey viele liebe dank für euchi nachrichte. Ich dänke au dassi demfall zerscht mal luege bi dene Ämter woni interessant finde würd (wär sicher im Kanton Luzern) :-) Schiint ja da rächt underschidlich zsi.

Sursee wär ja villicht au en option :-)



Canoa  am 18.06.2013

Re: Trauungsbesprechung Zivilstandsamt

Also mer hätted müesse uf Ämme ond hed det höt aus erste Gspröch aber hend denn no es zwöits Gspröch äbe well mer in Sorsi hüroted. Es chosted eifach chli meh....ca. 150 CHF... Macht jo de Brote au nöme Feiss...

Sorsi fendi haut vom Gebäude här sehr schön ond vom Städtli! =)

Zuletzt bearbeitet am 18.06.13 11:33



Milia83  am 18.06.2013

Re: Trauungsbesprechung Zivilstandsamt

Ja Sursee wär mega mitem Städtli, au für Apero nacher!
Muess det mal alüte. Vorallem muessi au Frage obs Platz und Möglich wär zume Sängerin ha det, fänd das äbe bim Zivile auscho toll



Canoa  am 18.06.2013

Re: Trauungsbesprechung Zivilstandsamt

Also mech hends gfrogt öb mer e grössere Rum bruched, faus mer öber 20 Lüt wäred gseh...=)
s Apéro chömt mer onde inne im Rothus mache

http://www.sursee.ch/de/verwaltung/diens...dienst_id=15202



Milia83  am 18.06.2013

Re: Trauungsbesprechung Zivilstandsamt

hei toll, danke vill mal!



  1 2 3

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.

 

 

SERVICE

Werbung platzieren
Kontaktformular
Impressum

WICHTIGE LINKS

Login
Registrierung
Datenschutz