Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Anlässe    ›   Zivilhochzeit    ›   Will endli afa plane :-(
Will endli afa plane :-(
 1 2 3
chiccalina  am 25.01.2010

Will endli afa plane :-(

min schatz und ich wennd nexte sommer hürote, dä termin kömmer abr ersch ä halbs jahr vorher abmache (miar wennd nu standesamtlich hürote und au nu mite familie) i will abr etz scho afa plane :-)

min schatz "nervi" au langsam dämit weils doch no sooo lang gaht! abr ich freu mi halt so fescht

lies halt etz no kli bi eu mit wia ihr am plane sind



Carmile  am 25.01.2010

Re: Will endli afa plane :-(

hey chiccalina

chli idee sammle und so chönd er jo jetzt scho bzw. sind er nochher sicher froh drum. das findi no strub mit em 6 monet vorher fäng chönne loh sdatum bestätige, gad viel restaurants etc. sind jo denn scho usbuechet, nöd? hend er denn scho mol es paar provisorisch loh reserviere für versch. date? denn chöntsch jo glich scho afange chärtli bastle, deko etc.

will mer zb. sind erst jetzt die wuche am termin definitiv bestätige, hend aber en grossteil vom hochzit scho organisiert. mer hend denn eifach wichtigi sache wie location finde und eher zweitrangigs wie blueme gad alles zeme plant und organisiert. und er?




peja  am 25.01.2010

Re: Will endli afa plane :-(

hoi chiccalina

also i würd uf jede fall scho mal idee sammle, im internet stöbere, sache usläse u mer das wo mer gfallt au unbedingt ufschriebe u evt. sogar scho mit dim gg bespreche..

wänn du dä termin häsch, gaht ziit sowieso extrem schnell verbi, will mer no das u das sött organisiere.. so häsch scho mal paar idee u chasch die nume no umsetze oder bestätige..

händ ihr dä no nix chöne provisorisch reserviere? wänn ihr äs datum bereits wüsset oder äs wunschdatum händ, würd i scho mal dlocation provisorisch reserviere.. nid das äs dä ke platz meh hät.. wet ja nid hibbelig tue, aber gwüssi sache si scho no recht schnell usbuechet..

ahja, u das du din gg nid zfescht nervsch, für das häts u.a. das forum..

viel spasss..



chiccalina  am 25.01.2010

Re: Will endli afa plane :-(

ja genau um das forum bini scho no froh :-)

miar wennd nu mite familie fiire und das wäret inkl. trauzüge nu öppä 17 persone, aso relativ wenig, sind au nu eltere und gschwüsterti und grosis! abr da isch no ä guati idee wegem wunschtermin muani denn gad mal mim schatz sägä, abr denn sait er sicher widr äs gaht no soooolang :-) miar würet gern im lake side in züri nacher go esse gha han dötte mal agfroget wias usegseht wegeme ruum womer kli ällai wär odr än egge vom resti, will jo denn au nöd zmitzt inne sitze :-)

abri denkes au das halbe jahr wird denn sicher schnell umme ga :-)

@carmile gell du bisch igendwo vo sg?



Carmile  am 25.01.2010

Re: Will endli afa plane :-(

hey chiccalina..yep, warum? kennet mer üs? :-)

jo aber das mit em halbe johr isch sone sach, au wenn er wenig lüt sind. es isch so strub wieviel lüt wieder hürotet. gad züriseeruum hend mer soviel absage kriegt. also lieber früher dra si und denn weniger enttüschige ha.



cuenca  am 26.01.2010

Re: Will endli afa plane :-(

@ chiccalina: ich kann Dir nur empfehlen frühzeitig zu planen, denn es gibt noch viel, was man sich überlegen muss... wir waren schon vor 3 Jahren das erste Mal auf einer Hochzeitsmesse und haben begonnen uns mit dem Thema auseinanderzusetzten, nur um auch zu schauen, ob wir auf einen gemeinsamen Nenner kommen (wir kamen ). Frag die Lokalitäten an, lass Dich über die Essensmöglichkeiten, Pauschalen, etc. informieren. Bis Du von allen eine Antwort kriegst, vergeht die Zeit auch (oder geht doch einfach mal vorbei, etwas essen. Schau was ihr zum Lokal meint...)

Viele Ideen müssen auch mal reifen! Falls Du an einer Hochzeitsmesse warst, hast Du sicher die Zeitschrift "Swisswedding" bekommen. Die kann man z.B. für 1 Jahr abonnieren (danach ist das Abo fertig). Das wäre vielleicht etwas, ist günstiger als am Kiosk und bringt manche Imputs. Man braucht unglaublich viel Zeit, um alles zu organisieren und zu besprechen. Du kannst Dir also ruhig mal Gedanken machen

_____________________________________
Wir heiraten kirchlich am 4. September 2010



haexli75  am 26.01.2010

Re: Will endli afa plane :-(

Hoi chiccalina

Ig cha dr au nur empfähle, nech es Wunschdatum uszläse und när, die für Euch wichtigste Sache, uf dä Tag alli provisorisch z' reserviere. Mir si i dr gliche Situation gsi. Mir hürote au zivil im chline Chreis. Mit plane hei mer es knapps Jahr vorhär agfange und hei gli müesse merke das gwüssi Sache scho nüme mügli si. Hei de aber sehr gueti Alternative gfunde, süsch hätte mer äuä es anders Datum gsuecht.

Es halbs Jahr vorhär ha ig när ufs Standesamt aglüte am morge früeh und dr Termin chönne reserviere. Das het problemlos klappet. Bi di Erschti gsi und ha sogar könne Zyt usläse. Und de ha ig aschliessend au grad alli andere Sache definitiv zue gseit. Jetz si mer a dr Finplanig.

Wünsch dr ganz viu Vergnüege bim Plane.

Grüessli Haexli75


** verliebt 7.7.1992 * verlobt 16.6.2007 * verheiratet 7.5.2010 **




chiccalina  am 27.01.2010

Re: Will endli afa plane :-(

han scho mal bim resti agfraget und dia maint äs sei kais problem au 3-4- mönet vorher no z'reserviere da miar jo nu öppä 15 lüüt si werdet! wür denn aifach gad reserviere sobald miar dä termin hend, da miar im schlos griefesee wennd hürote und trauige dötte nu a vereinzelte täg gmacht werdet isches no schwierig mitem wunschdatum

und etz isch doch gester min schatz ko und het gmeint miar söllet doch ganz heimlich hürote und denn uf australie id flitterwoche und vo dötte denn kärtli schriebe miar seiet ide flitterwoche ........... ;-) hmmm bin gad kli überrumplet gsi
einersiits fändis no ä cooli idee nachher dgsichter vo allne zgseh abr igendwia würi au gern wenigstens äs bitzeli fiire :-) jo nu informiere kömmer üs jo mal wege australie da wemmer jo sowieso ga denn



peja  am 27.01.2010

Re: Will endli afa plane :-(

das chan i verstah.. mer tüend ja au nid im grosse rahme fiire, aber i finds doch schön.. isch schliessli einmali! u i wett das nid welle beräure, wänn mer nid chli fiiret.. i weiss, hättet mer das nid so gmacht, u nume dfamilie, i hät das irrgendwänn bereut.. aber so isch perfekt!



speedy  am 27.01.2010

Re: Will endli afa plane :-(

Hey Chiccalina
Also ich find die Idee vo dim Schatz Hammer! Ihr händ jo sowieso welle im ganz chline Rahme blibe. Das isch jetz gar nid irgendwie abwärtend gmeint, aber es isch halt öppis anders öb 17 Lüt e Hochzit "verpassed" oder 200... Und bim Fiire, was isch dir do genau wichtig? Wenn du die Märlibrut willsch si, wo bewunderet wird, denn isch Auschtralie chli schwierig. Wobi, au es wisses Chleid chasch ganz eifach no nach dr Heimreis azieh. Chöned jo denn eifach es Familiefescht organisiere won ihr denn euri Hochzit "nochfiired".



 1 2 3

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.