| Wir suchen Apero Location in Aarau |
|
|
1
|
gabyueli  am 31.08.2014
Wir suchen Apero Location in Aarau
Hallo zäme
Mer hürote nöchscht Mai und sueche no e Location für de Apero in Aarau. Es wärde ca. 100 Persone am Apero si.
Het öper en Idee ?
Danke und liebe Grüß
gabyueli
|
|
|
elea  am 01.09.2014
Re: Wir suchen Apero Location in Aarau
hallo gabyueli :)
sueche der denn en ruum oder ehner öpis verosse? hürote der denn au z Aarau?
|
gabyueli am 01.09.2014
Re: Wir suchen Apero Location in Aarau
Hoi elea
Jo, mer hürote zAarau und sueche öpis verusse in und um Aarau
Zuletzt bearbeitet am 01.09.14 20:55
|
elea am 03.09.2014
Re: Wir suchen Apero Location in Aarau
guete morge gabyueli
falls ehr die chelle hürotet, chöne der jo de apero direkt vor de chelle mache. die reformiert Chile die Altstadt liit jo mega schön und het e grose platz voredra met bleck ufd halde ond de schache, det chame secher en rueh en super open air apero mache. ond au bide katholische Chile hets jo e schöne innehof wo secher döf gnütt werde.
hmmm, soscht verosse gebts d Möglichkeit bim pontonier huus ade Aare. de chöne der bi schönenm wetter ade Aare si ond falls es regnet chöne der em pontonierhuus selber si.
oder of de terasse vom Restaurant mürset em schache?
oder soscht zode echolinde ufe. weiss aber ned wege de zuefahrt... det chöne auä ned x Autos ufe fahre....
oder em roggehuse, det chasch de tagdor e spezialbewilligong ha zom henderefahre ond de chöntsch det of de terasse astosse.
dasch grad das womer spontan ifallt....
|
Eve777  am 03.09.2014
Re: Wir suchen Apero Location in Aarau
Hallihallo
Aso ich ha grad letschthin für mi Geburi öpis gsuecht und jetzt s Wygärtli in Erlinsbach buecht, s esch total schön gmacht inne, ganz hell mit schöne Sichtbälke (wyss agmolt), e Chuchi und e Platz hinde usse falls es schöns Wätter esch. Weiss allerdings ned wie's usgeht wäge de Personezahl öbs für 100 Persone ev. chli knapp esch, und natürli weisi au ned öb dir das zu wyyt ewäg vo Aarau esch?
http://www.wygaertli.ch/
Liebi Grüesslis
|
gabyueli am 05.09.2014
Re: Wir suchen Apero Location in Aarau
Hallo zäme
Danke vell mol für die tolle Vorschleg. Mer send ifrig am sueche, abkläre und teste :-) Das macht fröid.
Liebei Grüessli
|
|
|
1
|
Anmelden
