| Chat - hier wird über alles diskutiert.. |
|
|
1 2 3 4 5 .. 15
|
Carmile  am 19.03.2010
Re: Chat - hier wird über alles diskutiert..
hi calla
danke für din usführliche bricht. i tue jo au gern neues usprobiere und würd einiges in kauf neh fürd schönheit:-)) aber das prozedere macht mi so gar nöd a..während dem du gschribe häsch bini gad rasch is solarium und han denkt (mit schlechtem gwüsse wäg dä huut, jo, das scho) wow, goht das easy. v.a. en riese ufwand zitlich und finanziell und vode nerve her wod bruchsch mit em warte bis zum dusche und dunkli kleider etc...damits e wuche hebt.
guet speeling chasch sus wieder bruche. vor em erste mol solarium, denn hebet brüüni au besser und däno schön icreme. lach, aber i glaub das isch seinzig guete dra. i informier mi denn mol no in sg, die hend so kabine wos sprüäht, mal schaun. aber ebe, han momentan kei lust me uf sowas.
grüessli
|
|
|
Snowshot  am 19.03.2010
Re: Chat - hier wird über alles diskutiert..
@calla: Ah, Suchfunktion, die habe ich gar noch nicht recht entdeckt hihihi. Danke für den Tip!
Nein, ich bin eine Unterländerin. Aargau. Wir sind einfach gerne im hohen Norden, im Schnee und auch oft in Davos, so entstand die Idee dort zu heiraten.
|
gab1510 am 19.03.2010
Re: Chat - hier wird über alles diskutiert..
hoi zäme
coole thread... han grad gester welle vo mim frust schriibe und hans dänn blibe lah wells gar nöd passt hät zum thema
alsoo... ich han die wuchä am mäntig ändlich chönne eusi iiladigs chärtli vodä druckerei go hollä. ha mich uu gfreut. und wo ichs dihei gnau aagluegt han.... oh schreck.... sie sind chrum gfaltet gsi, nöd schön gschnitte und äs hät eifach überhaupt nüt gstumme. und ich bin sooo enttüscht gsi. mer händ äs uu lässigs chärtli wo eus än grafiker gstaltet hät... vorne druff so äs bild mit no ämä herz und mer tuets ide mitti uffalte. und mitti vom härz isch so über dä schnitt. und so wie die deppä das druckt händ, häts herz doppleti spitzli gha une und obe häts usgeh als hetts no än ufhänger sochli wie ä christbaumchugle... hett echt chönne brüele... ja und jetzt händ mer bis geschter mit dänä gchääret well mir gseit händ mir akzeptiered das nöd... und die händ eus echt wellä für doof verchaufe. und ich han scho mängs chärtli müesse gstalte und drucke für s gschäft und weiss nöd schlächt bscheid was mer chan verlange und was nöd. ja und gester abig händs eus dänn gseit das es jetzt alles nomal tüend produziere... aber äs hät rächt nerve brucht und ich hoffe jetzt würklich schwär das äs dänn nachher guet isch....
lg
Zuletzt bearbeitet am 19.03.2010
|
calla  am 19.03.2010
Re: Chat - hier wird über alles diskutiert..
oh nei... da wär ich au enttosche gsi! aber wännses jetzt nomal astandslos mached isch ja super. ich hoffe eue ziitplan chunt dur das nid is wanke?!
°oO°oo° ... WEIL ES LIEBE IST ... °oo°Oo°
|
gab1510 am 19.03.2010
Re: Chat - hier wird über alles diskutiert..
nänäi, dä ziitplan bringts nöd durenand. üse termin isch erst im september. aber ich hett halt eifach grad so schön ziit gha die wuchä zum alles verpacke und verschicke. aber was sölls... hauptsach sie sind dänn nachher schön (hoffentlich)
|
|
Franziska nicht registriert am 19.03.2010
Re: Chat - hier wird über alles diskutiert..
@calla, nur kurz, es hat hier im Forum einen Chat!
Unter der Frau mit der Rose, steht zuhinterst Chat....oder versteh ich was falsch?
Du machst mir freude. Ich habe nächste Woche einen Termin zum sprayen.....
Na, ja bin ja jetzt gespannt, wie es bei mir rauskommt. Ich schreib es dir dann...
 26. Juni 2010
Zuletzt bearbeitet am 19.03.2010
|
calla am 19.03.2010
Re: Chat - hier wird über alles diskutiert..
läck franziska, jetzt bin ich schon ewigs hier im forum und habe den chat noch nieeeeee gesehen.. vielen dank... aber wies scheint, weiss das sonst auch niemand..
oh ja, da bin ich gespannt, was du zu berichten hast.. gehst du auch zu valentino?
°oO°oo° ... WEIL ES LIEBE IST ... °oo°Oo°
|
peja am 19.03.2010
Re: Chat - hier wird über alles diskutiert..
oww calla, danke nomal für din bricht u bildli.. nei, das spar i mer glaub.. da gangi au glaub au lieber paar mal is soli.. chli ungsund, aber wege paar mal, wird das wohl nix mache..
franziska; da bin i echt au gspannt uf din bricht.. :-) aber kopf hoch, heisst ja nicht das es bei dir auch so kommt. hauptsache du probierst es aus vor deinem grossen tag..
das glaub i au nid, bin doch echt scho äs ziitli däbi aber das "chat" det obe han i also echt nie gseh.. *schäm* sache gits.. tzzz.. :-)
|
seeletaenzli  am 22.03.2010
Re: Chat - hier wird über alles diskutiert..
eigentlech eschs total onnötig, extra en neue biitrag z'eröffne...
wäg dem schriib i eifach mol do ine 
gester no genau 2 mönet, ond den chond üse grosse tag!!! ond d'ziit raast nome no so...
d'lieder hend mer usgsuecht, s'chleid chan i bald go probiere, d'schueh han i gfonde, ech weiss scho welli frisur, han 7kg abgnoh, de bruutstruss usgsuecht, d'flitterwoche send 2 täg spöter ond... a däm weekend chond de frönd vo minere schwöster cho probechoche...!
ech chans chum no erwarte!
ond höt morge han i es mail vo mim zuekönftige becho, dass er scho cheibe nervös esch... well er jo gar ned weiss, wie das ganze ablauft, ond well er angscht hed öppis falsch z'mache... 
ach ech ha eifach soooooo freud, dass ech das onbedengt ergendwo han müesse useloh 
-- ~ mer verTRAUED üs ~ -- ~ 21.05.2010 ~ --
Zuletzt bearbeitet am 22.03.2010
|
sabs am 22.03.2010
Re: Chat - hier wird über alles diskutiert..
Eifach nur toll, seeletänzli, freu mich so für euch, hoff dir chöit dä tag so richtig gniesse. sorry übrigens, dass dir nüm gmailt ha, wird mi bald wieder melde. hey hüt euse termin bestätigt becho:-) und bi bitz im stress gsi, chleider aluege, locationbesprächig,iladige etc.
Bis gli, gniess die restlichi Vorbereitigsziit.
PS: Härzig di Schatz:-)
|
|
|
1 2 3 4 5 .. 15
|
Anmelden
