@canella,
wichtig isch eifach das immer di glich ziit hesch :)
wenn letschtmal am abig hesch und das mal am morge, de chans recht viel usmache... musch mal teste, ich han am abig immer öpe es knapps kilo meh als am morge.

• Zitieren

Hey zämä!

I ha gad öiä Abspecki-thread entdeckt... Darfi ou mitmache? Finges super!

Bi ou scho es zytli dranne, aber ir letschtä Zyt hets nid so klappt. Drum wär chli motivation und druck vo usse gar nid schlächt.

i versueche generell müglechscht uf Cholehydrat und natürlech ou süsch Zucker z verzichte. I ha mir wieder chönnä agwöhne Zmorge z ässe, denn gönni mir 2 Stück Vollchornbrot mit Margarine und weni Konfi, das isch mis Tageshighlight. Im Moment hani eifach ds Problem, dasi weni Uni ha kei Zyt ha zum Zmittag ässe. D.h. i chumä am Abe hei und ha Heisshunger. Aber i ha eifach kei Lust i 5min Pouse schnäll schnäll irgend ä Salat achezwürge. Ha mir jetz gester mal sonä Smoothie kouft und am Nami ä Banane ir Kaffeteria, das isch scho mal nid schlächt gsi. Ha när am Abe nid so Hunger gha.

@Jane: I weis i bi jetz mega hinge dri, aber ha am Afang gseh dass es dir schwär fallt uf Süessgetränk verzichte. Ä Bekannte vo mir het fasch 20kg abgnoh "nur" idäm er uf alli Süessgetränk het agfange verzichte und uf Wasser und ungsüesstä Tee isch umgstiegä. Viellecht hilft dir das chli als Motivation! I hätt nid dänkt dass das so viel usmacht, wenis nid bi ihm hät erläbt...

@Abnäh während dr Periode: Dr Körper cha während dr Periode bis zu 3 Liter Wasser spichere, das si när natürlech ou 3 kg meh uf dr Waag. I bi ou immer schwerer gsi während derä Wuchä u ha pouselos hunger gha. Aber jetz hani d Spirale sit eim Jahr und bi meeeeega zfriedä drmit! I ha überhoupt keini Näbewürkige meh wienis vorhär ha gha (Wallige am Morge, Gwichtszuenahm, kei Bock uf Sex etc.) und ufd Täg chani ou guet verzichte... Chas also nur empfähle - natürlech nur für alli wo ide nächschte Jahr no nid gad Chind plane.. Dr Vorteil isch halt, dass d Hormon gad direkt idr Gebärmueter würke u nid no dürä ganz Bluetkreislouf göh, drum bruchts viel weniger.

@Wääge: I ga idr Regu ou am morge ufd Waag. Es isch ou chli motivierender, wöu me denn im Normalfall am liechtiste isch... Fritig isch bishär ou scho mi Waag-Tag gsi, aber hüt morge isch sie nid gange. Drum chani öich jetz nur ds Gwicht vo letscht Wuche agäh:

malinchen:
Grösse: 169cm
Gewicht am 20.9.: 72.3 kg
Wunschgewicht: 62 kg

• Zitieren

nicht registriert

@malinchen: härzlich wilkomme im abspeckiteam
zmorgeässe isch schomol super! ich ha mr das au wider müese agwöhne. ha denn agfange au brot mit konfi ässe, das het mr aber nid so lang aneghebt und ha am 12i scho wider mega hunger gha. jetz machi am morge ame es müesli mit 2 EL flöckli (ungsüesst) früsche frücht (meistens 1 banane, 1 öpfel, 1 pfirsich/nektarine, 3 zwätschge, beeri ect. was grad so saison isch) denn machi no 3 EL naturjoghurt dra und vo däm ganze müesli iss ich d helfti und mi schatz isst die anderi helfti. das hebt mr super ane bis am 1 und spöter. und ich iss am halbi 7ni zmorge. am morge trink i denn eifahc wasser wenn i chli es hungergfühl überchum.
für so zwüschedure 5min würd i jetz au nid e salat abewürge, ich hass es schnäll ässe. aber e smoothie findi super, muesch eifach chli luege wievil zucker das es dinne het. banane chöntsch z.b. no dure öpfel ersetzte, das isch schins gsünder oder wie wärs mit rüebli knabbere oder so?

ja das mit de pille und de hormon isch sone schissdräck. i hätt au lieber öbbis wo dört würkt wos au brucht wird und nid dure ganz körper got. aber i glaub für mi lohnt sischs nid jetz no e spirale inemache lod. i wott denn scho irgendwenn mol chinder. dänk nach dr hochzytsreis wird i denn d pille irgendwenn absetzte.

• Zitieren

nicht registriert

@malinchen: ja wenn für di elei machsch chasch eifach chli weniger frücht nä. choufsch halt die chlinere banane, oder nimmsch nur e halbi und die anderi hälfti de am andere tag usw. we den nid alles magsch chasch ja ines tupperware due und zum zmittag ässe^^

e ganzi salatgurke mit schinti und allem...mmmmm e guete
i weiss scho wurum i keni modelmass ha, hahahaha, nurno gurke ässe....brrrrrr

i ha ebe grad d pille gwächslet, vonere 3. gerneration zrügg uf die 2. generation, chli e schwächeri...super, mini hut isch e katastrophe! und die letschte 2 mönet hani mini täg immer öbbe 3 tag zfrüeh übercho.het mi fasch nid gnärvt. jetz langsam pändlet sichs i. aber i glaub scho das pille au unlust macht und so glüscht uf ässe uslöst bi mir. wenn i mini täg ha, scheisse!!! i ha ame so richtigi gluschtattackene...z.B. uf sushi oder uf cupcakes oder iergendsone spleen

• Zitieren

nicht registriert

@malinchen: i hoffe eifach, dass wenn i de mol schwanger bi, dass i de nid no meh zuenimm, will jetz bini jo scho fasch sit 12 johr schwanger dr buuch isch auscho vordehnt, villicht nützt das gege schwangerschaftsstreife
jaaaaaaaaaaaaa sägs nid. mi schatz hasst gummis...super sach!!! pflaster hani au scho probiert, das isch für mi gaaaaaaaar nüt. de chani grad so guet pille schlücke, de fühl i mi wenigstens sicher.

• Zitieren

So, mini Waag isch mit nöie Batterie wieder azeigefreudig...

Mis update für die Wuche:

Grösse: 169cm
Gewicht am 28.9.: 71.5 kg
Ab-/Zunahme: -0.8kg
Wunschgewicht: 62 kg

Has fasch nid gloubt woni das ha gseh, v.a. wöui geschter im Usgang bi gsi u Alkohol isch ja eigetlech öpis vom schlimmschte... aber ha die Wuche würklech nid so viu gässe. Das sött ja uf kei Fall d Lösig si. Süsch chani mi ufnä schöne Jojo-Effekt fröie sobald ig wieder ä Stundeplan mit Mittagspouse ha.

Häbet no e schönä Räst vom Weekend!

• Zitieren