| Was regt öich a öiem Parnter uf ;-) |
|
|
1 2 3 4 5 6 7
|
maju  am 26.01.2010
Re: Was regt öich a öiem Parnter uf ;-)
hihih würklich ä lustige trent!
ouso mi närvt's, we ig hei chume u rüefe "hallo" u är när druf seit "grüesti wohl".............. das tönt aus wär ig ä 50 jährigi frou u ä 80 jährige grossvater 
i sache Huushalt ha i ä 6er im Lotto! är macht extrem viu u isch o nid würklich ä chaot, bis uf z büro.......... aber da ig o chli ä chaot bi, stört das überhoupt nüt!
itze zum thema Fernseh! Mir wohne ersch sit üsem Hochzyt zäme u mir hei gseit, resp. äs isch d idee vo mim Maa gsi, das mir mind. im erste Ehejahr kei Fernseh wei! (ig bi o chli ä seriejunky gsi! ömu "wege zum Glück") aber i mues säge, i wet itze o kei Fernseh me! u i ha grad ä kollegin wo dr Fernseh o verrumt het fürne gwüssi zyt, u sie fingts o supr! veruechet das doch o mau! eifach so 1 Monet, viellicht am beste im Summer! bi gspannt öb dir dr Fernseh när ume fürenämet!
glücklich verhüratet sitem 02.05.09
|
|
|
peja  am 26.01.2010
Re: Was regt öich a öiem Parnter uf ;-)
das ha i au mal vorgschlage, aber isch überhaupt nid guet acho..  aber was sölls, solangs im rahme bliebt u nid priorität hät, da gahts ..
|
Blumenfee  am 26.01.2010
Re: Was regt öich a öiem Parnter uf ;-)
Zum Glück sisi nid perfekt üsi Manne odr? Wär ja schlimm wil mirs ou müesste si!
Ach ja wägem Nägelchnabere, mi Schatz schaffet ufem Bou als Gipser u sini Händ gse natürli o drna us (also i finde das extrem schön wiler richtig Männlechi Händ het ;-)) aber i fiele im jetzt sini Nägel wil är seit sobald äs Nägeli usesteit mües är drane umechnabere wils ihn so stört.
är gniesst das extrem sogar weni ihm ä gsichtsmaske mache (är würdi das natürli nie for anderne zuegä dasers gniesst ;))
|
peja am 26.01.2010
Re: Was regt öich a öiem Parnter uf ;-)
das isch ja witzig.. i han ihm eimal darfe daugebraue zupfe.. aber das isch bim einte mal bliebe..
|
speedy am 26.01.2010
Re: Was regt öich a öiem Parnter uf ;-)
Also bim Augebraue zupfe würd ich emel au bi niemer anderem ane hebe!!! Und uf d Idee, ihm e Gsichtsmaske z mache, bini au no nie cho. Mach das aber sälber ebe au fascht nie. Aber mine gniessts extrem, wenn er vo mir sini Massage griegt. Das wär denn scho fascht en neue Thread "wie verwöhned ihr öie Partner?" wärt...
|
peja am 26.01.2010
Re: Was regt öich a öiem Parnter uf ;-)
massage hät er au gärn.. i natürli au..  oder was au mal interessant wär, wie überraschet ihr dä partner, bzw. wie sind ihr scho mal überrascht worde.. 
|
cuenca am 26.01.2010
Re: Was regt öich a öiem Parnter uf ;-)
Das mit alles müesse ufschriibe, chunt mir au bekannt vor  . Au so öpis typisches isch, dass ich eher öpis 2-3 mal muen säge, bis es klapped, alls das es grad bim 1. mal klar isch.
Aber au ich han de 6er i sache hushalt zoge. guet, im glette isch er nid de schnällscht, drum mach meischtens ich das, aber wäsche tued er hauptsächlich. für d'pflanze isch au er verantwortlich (bi mir würdeds verdurschte) und chaotisch sind mir zum glück beid echli...
Was für mich aber e ächti herusforderig darstellt isch, dass er z'abig sehr schnäll müed wird und ich denn afange uftrülle... es chan scho passiere, dass wenn ich öpis am mache/verzelle bin, er ihschlaft (also hoffentlich nid wills langwilig isch...)
was mir chli fählt isch, dass er nid eso mit idee sprudled wie ich, aber ich dänke das muen so si... uf jede fall würd ich en nid wele tusche 
_____________________________________
Wir heiraten kirchlich am 4. September 2010
|
pancy am 23.03.2010
Re: Was regt öich a öiem Parnter uf ;-)
hey Leute, den mit den Socken kenn ich! :-)
Mein Liebster zieht sie immer vor dem TV aus und lässt sie dann einfach da liegen... Und apropos TV: Er ist auch überhaupt nicht ansprechbar, wenn der TV läuft. Irgendwie saugt es ihn dann mit Haut und Haar da rein!
Was mich aber am meisten auf die Palme bringt, ist sein "jojo, me lueged denn". Ich kann ihm etwas Wochen im Voraus sagen, damit er es auch ja nicht vergisst. Und er schiebt es dann so lange raus bis es am Schluss wieder Feuerwehrübungen gibt. Und meistens betreffen diese mich dann auch irgend in einer Form. *grrrr*
Oder noch schlimmer: ich komme am Mittag vom Arbeiten nach Hause und koche in windeseile. Wenn er dann eine halbe Stunde später kommt, steht meistens alles auf dem Tisch und wir könnten gleich anfangen. Aber nein, er muss erst noch die Zeitung lesen!!!! Als ob die Buchstaben nach dem Essen nicht mehr drin wären...
Aber wie ihr alle, ich liebe ihn von ganzem Herzen und freue mich auf unsere Hochzeit!
*** wir können es kaum erwarten bis der 26.06.2010 da ist... ***
|
Schani81  am 23.03.2010
Re: Was regt öich a öiem Parnter uf ;-)
haha, wetzig! wo voni au nor ah??? nei scherz, es gehd eigentlech nor eis wo mi extrem närvt.
ond zwar, wenn mer abgmacht händ nöimed äne ond mer säged ok, am sebni fahred mer ab, denn stönd mer zwar beidi agleid met jagge ond täsche parat a de hustöre (meischtens töre scho offe) de muess är no drüü mol laufe bis är all sini sächeli parat hed. das gohd öber portmonne, natel, zigarette etc. meischtens chömed mer so emmer 10 minute bis en viertel stond z'spot. ond das gohd mer so uf de zeiger. loschtig esch de eifach, dass es halt jedes mol vor de lüüt de a mer gläge esch: jo weisch sie hed so lang gha im bad! *grins*
vo wäge säge das mer 15 minute gliner losfahred, das gohd ned, das hed är scho dorschaut! ;-)
aber ech chan vell fach zom glöck dröber lache, well ech jo langsam weiss wie de haas lauft!
verliebt 23.04.2006/verlobt 14.02.2009/verheiratet 10.07.2010
|
bettinli am 23.03.2010
Re: Was regt öich a öiem Parnter uf ;-)
@schani... hahaha da kenni au. bi mir isch er aber nöd parat. sonder goht no go anderi sockä aleggä, zäh putze oder go trinke. irgendöpis isch immer. i schtoh den amig voll agleit im gang und schwitz mir eine ab
********** Unser Fest findet am 29.Mai 2010 in der **********
Ostschweiz statt
|
|
|
1 2 3 4 5 6 7
|
Anmelden
