Hallo zäme
Ha mau wöue frage, ob mir die einzige si, wo so spät im Jahr hürate oder obs no anderi Oktober-Brütlis ume het...
Mir hoffe uf so troumhafts Herbstwätter wies letzt Wuche isch gsi...
Grüessli,
Meitli

JA - wir wollen! - und freuen uns riesig auf den 10. Oktober 2009

Editiert 23.10.08

• Zitieren

Hallo Meitli
So trefft me sech weder...
Mer wärde s'zivile secher am 16.10.09 ha, wenn mer denn en Termin öberchöme. Öb öises "chirchleche" (mer möche äuä en freii Trouig) ou a däm Tag esch wösse mer nonig, aber äuä scho (pssst, esch es Gheimnis, mer wänd wahrschindlech nor em chlinste Kreis hürote ond die andere öberrasche).
Sit der denn scho wit met plane?
Wär super gäu, wenns so schön ond warm wär, met däm toll verfärbte Loub a de Böim! Nor ned so gruusig wie gester.
Vo wo besch du denn?

Liebe Gruess
Piglet

• Zitieren

Hallo Pilglet
So, da bin i wider ;-)

Ja, ufs Herbstloub fröi i mi o mega, mir si eismau chli für üs go föttele und es isch eifach wunderschön gsi. Und e gruusige Tag chasch zu jeder Jahreszit verwütsche, drum lahn i mir de ke graui Haar wachse.

Mir si für üs scho rächt wit mit plane, wenn me mit anderne i däm Forum vergliicht aber no nid so ;-) . Hei ja aber o no viu länger Zit als alli, wo im Mai hürate. Wei üs itz de im November / Dezember chli Zit nä zum die definitive Entscheidige träffe.
Mir hei fängs Zuesage vo üsne Trouzüge und vom Pfarrer, dass si denn chöi und wei :-). Das isch üs wichtig, dr Pfarrer kennt mi Verlobt und sini Familie sit Jahre und mir möchte äbe scho gärn öpper, wo üs chli kennt.
Denn hei mir mal ds Restaurant provisorisch reserviert und usserdäm loufe d Abklärige füre Apero-Ort. Wenn das klappt, frage mir de bir Kirche a, wiu die nume i Frag chunnt, wenn mir äbe die Apero-Variante chöi mache.
Ja, und de wüsse mir scho einigermasse, wie mir üses Kärtli wei gstalte und hei e Vorstellig vor Tischdeko.
Viu meh gitts für üs gar nümm ztüe, mir wärde verschiedeni Lüt aafrage für Musik, Deko, Apero, Transport etc. und üs denn müglechst la überrasche...

Eigentlech bini i vo Bärn, mir hürate aber ir Region Walensee / Sarganserland, wiu mi Schatz usem Graubünde isch und mir üs i de Flumserberge hei glert kenne.

So, das wäre so die wichtigste Infos...
Vo wo bisch du de?

Grüessli,
Meitli

JA - wir wollen! - und freuen uns riesig auf den 10. Oktober 2009

• Zitieren

Hallo Piglet

Und, wie isch d Location gsi? Und was i bim letzte Mal no ha wöue frage: was meinsch du mit überrasche? Die, wo nid am Fest si, also eifach nachhär "wir haben geheiratet"? D Idee isch irgendwie witzig, aber i fröie mi halt scho ufs grosse Fest und hoffe, dass müglechst viu Lüt chöme.

Ja, i bi mega ufgregt gsi, wo mir hüt is Brutmodegschäft si. Ha x Kleider probiert, am Aafang e Linie, wo mir überhoupt nid het gfaue und denn isches immer besser worde. Ds letzte Kleid isches denn gsi, i hätts am liebste nie meh abzoge, so schön... dummerwiis isches fasch 3000.- und i muess mir das itz nomau guet überlege... has no nid kouft, aber cha mir irgendwie nid vorstelle, dass mir es anders no besser gfallt... *seufz*

Isch super schön gsi u i dänke, dass i im Dezember nomau verbi gah, nomau dri schlüfe und denn entscheide (me chas no bis ende Jahr bstelle).

Grüessli und bi gspannt, was bi öich witter so louft
Meitli

JA - wir wollen! - und freuen uns riesig auf den 10. Oktober 2009

• Zitieren