| Chat - hier wird über alles diskutiert.. |
|
|
1 .. 7 .. 11 12 13 14 15
|
seeletaenzli  am 01.05.2010
Re: Chat - hier wird über alles diskutiert..
danke peja, för die liebe wort...
ech han mi inzwösche chli vom erschte schock erholt,... hoff au ganz fescht, dass es am mäntig guet chond... vorallem s'schminke schiint wohl wörkli schwerig z'si, well ech mech täglech schmenke ond genau weiss wie echs möcht... ech gang etz am mäntig extra gschmenkt zom coiffeur... si muen mi den zwor weder abschmenke, aber den gsehd sie wenigestens wie echs möcht...
tink
das met de lilie wär woooonderschön... so rechtig romantisch... aber leider esch sie eifach wörkli z'gross... min halb chopf werd defo verdeckt, ond wäg dem hend mers gar ned erscht usprobiert... hans nor mol äne ghebt ond dänkt... wow, mega grossi blüete... ond do ech wörkli en reine liliestruss ha ohni was anders, chond för mech e anderi blueme gar ned in frog...
ond jo, min gg hed mer wörkli min tag grettet! onglaublech, wie sehr er demet mini stemmig ghobe hed... 
-- ~ mer verTRAUED üs ~ -- ~ 21.05.2010 ~ --
|
|
|
|
tinkerbell nicht registriert am 01.05.2010
Re: Chat - hier wird über alles diskutiert..
ok stemmt, dlilie send haut scho zemli gross. dalternative wär en chlinere könstlechi... aber ech gloube ned das das wörd passe... gseht secher ou ohni blueme toll us!
***3. Juli 2010***
|
Yasi  am 01.05.2010
Re: Chat - hier wird über alles diskutiert..
oje seeletaenzli das tuet mir denn leid. Bisch nöd fascht uusgflippt im Salon ine?! Isch die Coiffeuse denn uusbildet zum schminke oder macht sie das eifach au no eso?
Ich bin sicher, dass Du no öpper (ebe die wo Du am Mäntig gosch oder de tinkerbell ihri Tante) finsch, wo's richtig guet macht. eso, dass Du Dir gfallsch.
Das isch aber mega herzig, dass Dich Din Verlobte eso lieb ufgmunteret hät.
Du häsch en Bruutstruss nur us Lilie? Weli Farb und Form denn? *gwundrigbin*. Ich han ebe au nume Lilie gha. En runde Struss. Ich bin vollends begeisteret gsi (und immerna). Trockne loh chaschen eifach nöd guet. Wird voll chlii und grau.
Also, trotzdem na es schös Wuchenend. Kopf hoch.
lg Yasi
|
seeletaenzli am 02.05.2010
Re: Chat - hier wird über alles diskutiert..
ben den gester no bi mim mami gsi, grad noch em coiffeur... ond sie hed gfonde, jo... mhm... das besch eifach ned du... ond chli spöter wos mer besser gange esch hed sie mer den gseid, sie seg wörkli schockiert gsi ond min brüeder au... sie heiged mer das nor ned grad eso welle säge... ben also ned nor ech, wos schlemm gfonde hed...
@ yasi
doch, sie esch usbeldet... ond bes etz han i au nie zwiifel ka dass sies schön äne brengt, well sie sälber emmer sehr schön gschmenkt esch...
ech hoffes au, dass es den am mäntig chli besser lauft... ben etz scho weder nervös ond gspannt... aber grad so schlächt wie gester channs jo nöm cho, au wenns ned mine vorstellige wör entspräche ;-)
de Liliestruss esch met ivory-farbige lilie... met offne blüete... ond us jedere blüete chond e bronzefarbigi perle... söscht nüt, ke grüen oder so. er esch den ehner rond ond kompakt.
ech werd ehn ned trochne loh, sondern am obig minere trauzüügin (mis mami) schänke... ech weiss dass er ehre au enorm gfallt, ond mer gönd jo zwöi täg spöter id ferie.
-- ~ mer verTRAUED üs ~ -- ~ 21.05.2010 ~ --
|
Yasi am 03.05.2010
Re: Chat - hier wird über alles diskutiert..
Hoi seeletaenzli
wie isches hüt gange bim Coiffeur? Ich hoffe es isch super gange!
Yasi
Glücklichi und stolzi Ehefrau!
|
Gloeggli am 03.05.2010
Re: Chat - hier wird über alles diskutiert..
ou jo seeletänzli das nemmt mi au wonder!! Hoffe ganz fescht dases guet gange esch ond du zfrede besch?
....eusi zivile Hochzyt esch am 18. Juni ond di freii Trauuig am 03. Juli....
|
seeletaenzli am 03.05.2010
Re: Chat - hier wird über alles diskutiert..
hallo zäme
de termin höt, esch im gägesatz zom samstig, super verloffe... för mech send wälte gsi dezwösche... ben zwor noch wie vor ned z'frede met de frisur ond de schmenki... aber etz gsehn ech das ganze nöm so tragisch, well d'couffeusin extrem uf mech igange esch ond wörkli ehres beschte gäh hed... ond es hed au wörkli sehr, sehr toll usgseh... nor... es passt eifach ned zo mer...
ech chan am samstig nomol zo ehre... ond den probiered mer nomol öppis... ech hoff das werds den... diräkt nochäne chan i mis chleid go aprobiere... ond den gsehn i den grad wies met em chleid zäme werkt... aber han weder chli vertraue, dass das ganze guet chond...
merci euch!
-- ~ mer verTRAUED üs ~ -- ~ 21.05.2010 ~ --
|
Dee am 06.05.2010
Re: Chat - hier wird über alles diskutiert..
Hallo zäme
hüt han ich d Iladige uf d Post bracht und bin total happy da drüber!
Allerdings mues es au immer no en negative Punkt gäh, wenn mer sich mal über öppis würd freue: mir hetted hüt es träffe mit eusne trauzüge gha wo mer grad wäred go s ässe fürs zivile probiere und de wii ussueche. leider isch s mim gg hüt mega schlecht gsi, er hät sich sogar müesse übergäh und das söll öppis heisse... ja jetzt müend mer en andere termin finde, was nid ganz so eifach wird sii, denn mini trauzügin tuet nächst wuche no zügle und mer hüratet ja scho am 4.6. janu, das wird scho guet cho! 
und morn han ich min polterabig! läck, ich freu mich so! leider isch s wetter nid so toll, aber mer seged zum glück nid würklich dusse. 
bricht folgt denn! 
die Krönung unserer Liebe am 4.6.2010 und 2.10.2010
Zuletzt bearbeitet am 06.05.2010
|
Gloeggli am 06.05.2010
Re: Chat - hier wird über alles diskutiert..
Liebi Dee
denn wönsch ich der ganz en lässige Polterobe morn, ben gspannt of din Brecht!!
Ich han höt mini Onderwösch im Beldona kauft . Ond geschter semmer wäg de Ring go luege, händ eus zo 90% entschede. Vom Michel H. s Modell Fortalezzo. Er gfallt eus super guet, nor esch er för eus prieslich chli tüür!
Grüässli Glöggli
....eusi zivile Hochzyt esch am 18. Juni ond di freii Trauuig am 03. Juli....
|
Dee am 06.05.2010
Re: Chat - hier wird über alles diskutiert..
Hey Gloeggli!
Danke vielmal! ich bin au total uf de Abig gspanne!
wow, die ring sind mega schön. würded ihr gelb oder wiiss gold nä?
die Krönung unserer Liebe am 4.6.2010 und 2.10.2010
|
|
|
1 .. 7 .. 11 12 13 14 15
|
Anmelden
