hoi ladies

ich gibe oi toootal rächt, bi au nid däfür nur z'hürate wil äs chind undrwägs isch. ich bi au paarmal gfrögt worde ob ich schwangr seg, halt mehrheitlich wil ich so (bluetjung) hürate.. die meischte begriifeds ebä nid, das wie du scho xeit häsch surri, mer dä maa au scho mit 17ni chan kännelernä und dänn dä rescht vom läbe mit ihm will verbringe.. ich ha mir scho mit 17ni xeit, dass ich dä nöchschti fründ woni wird ha wirde hürate und das machi etz au. d'ehe und d'liebi sind ja nid nu gfühl sondrn es isch au ä entscheidig womr trifft, wie in guete so au in schlächte ziite.. es wird nid immr rund laufe, abr mer bliebt zämme und das isch halt nu binre "normale" beziehig nid immr dä fall. det chamr schnäll abhaue und säge ich bi ja nid bunde. und bi mir hangets ebä au chli mit tradition und min glaube zu gott ab. ich wott au das mir dä säge händ und das bündnis vor ihm schlüssed, es sölleds alli xeh!

und chinde chani au nachhr na ha.. wott eh i dä nöchschte paar jahr kei.. abr ebä, han au na voorig ziit!

es muesses jedä sälbr wüsse, abr nu z'hürate wil es chind undrwägs isch, damit dä maa dänn au sini recht gägeüber em chind hätt findi eich chli truurig..

übr das thema chönti au stunde redä

grüässli
Cindy


Dä 09.05.09 isch oisä grossi Tag!

• Zitieren

Mir liebe Chind und wänd ombedengt mal en Familie grönde. Aber Hürote het us minere Sicht au nüt oder ned vell met Chind zdue. För eus bedüütet das, dass mir s Läbe mitenand wänd teile und us Überzügig vo de Liebi. Mer wänd au no warte 1-2 Johr nach de Hochziit mit "Probiere".
Wies gsi wär wenn ich öberraschend Schwanger worde wär, esch die ander Frag. För mich esches schwierig sich i die Situation ineversetze. Vellech esch mer sich scho emmer Bewusst gsi, dass mer met dem Partner s Läbe wet verbrenge, het jedoch ned öbers Hürate nahdänkt, und wells halt e Schritt is Familieläbe isch, vellech doch wot Hürote. Uf die andersiite "nor" wägem Chind zhürate, wells ev. d Famiile seit oder mer Angst het vorem finanzielle ellei gla zwärde, esch för mich öberhaupt kei Grond und esch früehner oder spöter sowiso zom Schiitere verurteilt.
Esch es schwierigs Thema...

28.08.2010 - endlich mit mim Engel vereint!!!

• Zitieren

Oh Fraztaz i glaube du hesch mi falsch verstande.. i has ned so gmeint.
I ha met dem welle säge, wemmer nor hürotet wels d Familie so wot (esch aber höt au nömme so sträng aber gets no) oder wemmer eifach angst het das de ellei dostosch, lieber de Maa nee wo Vater wird.. tönt jetzt vellech chli blööd aber das gits wörkli! I bezieh das uf die Beziehige wos ned so guet lauft und mer ned öberzoge esch vo de Liebi aber us veschiedne Grönd glich Hürotet.. Fende da so schlemm, wemmer "nor" im Chend z lieb zämebliibt, da hets schlossendlich weniger devo, wenns dehei ned harmoniert. Aber mit dem Thema beni jetzt chli Fehl am platz...


Schösch beni glicher meinig wie du.. fende das öberhaupt ned schlemm wemmer Schwanger hürotet, wemmer öberzoge, dases de Richtig esch.

28.08.2010 - endlich mit mim Engel vereint!!!

• Zitieren

... und vor allem isch es doch hüt gar kei Problem me Kind übercho und nöd hürote... Im Gegenteil

• Zitieren

i findäs ebä denno nid guet, wenn mä chind hät u nid hüratet. ebä wäg em absicherä. oder wenigschtens (i weiss gar nid ob das geit) än vertrag machä...?

i find ebä s'ghört sowieso zämä. auso nid das me, wenn me hüratet mues chind ha, aber wenn me chind hät, sich liebt u s'hüratä hanget ja wiederum mit dä liebä zämä. hmmmm kompliziert... i bi da viellicht chlei altmodisch. aber i denkä grundsätzlich verstöh mir üs scho richtig.

..s'problem wo du aagschnittä häsch, wenn mä chind nid vom partner hät, isch natürli ä anderi sach. findä aber guet, das er sini frou in "schutz" gna hät. sind ja doofi-gäldgeili goofä!

Am 05.09.09 isch es sowiet!

Zuletzt bearbeitet am 15.04.2009

• Zitieren

Hoi zäme
Ha die Diskussion do metverfolgt ond fendes ganz intressant.
Mer hürote rein os Liebi ond zom en witere Schrett go i öisere Partnerschaft. Öb mer Chend wänd oder ned, wösse mer em Momänt nonig. Mer lönd das chli of öis lo zue cho. Vorstöue chöi mer öis beidi beides.
Me machts mängisch chli stenkig, dass weme seit me hüroti aui grad wei wösse, wenns denn Nachwochs get. Esch das so zwengend? Do sind scho no vöu "Vorurteil" ome ond grad em Büro cha das eim aus Frou i blödi Situatione brenge (ou aus Ma, wie mi Zuekönftig het müesse feststöue...).
Zom andere Thema vo wäge me sött hürote weme schwanger esch: höt het me jo die rächtleche Möglechkeite ou ohni Hürot aues z'regle. E dänke aber dass do d'Traditione de glich no rächt verankeret sind so dass sech vöu glich entschliesse z'hürote. Wechtig esch doch eifach, dass me aus Frou (ond ou aus Ma) sech säuber ond die Aghörige duet rächtlech absechere, me weiss jo nie was passiert.

• Zitieren