| Wer chunnt alles äs Dankeschärtli über? |
|
|
1
|
Fischli  am 17.07.2009
Wer chunnt alles äs Dankeschärtli über?
Hallo zäme
S Hochzig isch verbi, jetzt gots ad Dankeschärtli.
So mir sind am ufschriebe wie viel Dankeschärtli mir müend mache. Drum han i ä Frog. 1.Schicket ihr dene Lüt wo am Apero gsi sind, gratuliert hend aber keis Chärtli oder Gschenkli geh hend au äs Dankeschärtli?
2. Schicket ihr dene Lüt wo per SMS vorem oder am Hochzig gratuliert hend aber nöd am Hochzig gsi sind au äs Dankeschärtli?
Mir sind ächli im Klinsch, min Maa und ich sind üs nöd glicher Meinig, drum wer ich eu dankbar um euri.
Fischli
|
|
|
Muus2  am 17.07.2009
Re: Wer chunnt alles äs Dankeschärtli über?
Hallo Fischli
Härzlichi Gratuliation zur Hochziit! 
Hmm isch no en gueti Frog. Also ich würd allne wo as Hochziit cho sind es chärtli schriibe, au die wo nüt bracht händ.
Bi dene wo per SMS gratuliert hend, wörd ich mich au nur per SMS bedanke..
Liebe Gruess
|
Fischli am 17.07.2009
Re: Wer chunnt alles äs Dankeschärtli über?
danke für dini Meinig, Muus
Ich hett au allne äs Chärtli gschickt uf die paar meh chunnts au nöd druf a, aber min Maa find das seg nöd nötig, schliessli hegets jo scho dörfe Apero gnüsse. Ich han eifach au achli Angscht das ich öpper vergesse, wills keis Chärtli gschriebe hend, weiss i jo nüme würklich wer alles am Apero gsi isch (mir hend jo kei Protokoll gschriebe  , mir hend doch einigi Lüt gha und uf dä Föteli gseht mer jo nöd alli.
Hm, blödi Situation.
Fischli
|
silver83  am 17.07.2009
Re: Wer chunnt alles äs Dankeschärtli über?
ich wür allnä wo i weiss eis schickä und so 10 uf reseve machä lo. den chasch wen sich öpert "beschert" no eis geh. ich hans immer so gmacht bi dä babydankeschärtli. mengsmol chömens au no verspötet mit erä fläschä wii go gratulierä.
au diä wo per sms gratuliert hen würen bi mier eis kriegä (solangs nid mega viel sind). den so nes chärtli chostet nid alli wält und es isch doch ä schöni gestä sich mit emnä chätli zbedankä.
Lg
Sid am 13.02.2009 verhürotet und am 02.10.2010 isch üserä grossi tag
|
Fira am 17.07.2009
Re: Wer chunnt alles äs Dankeschärtli über?
Hoi Fischli
Hend er`s schön gha am Hochzit? 
..isch ja scho 27 Täg her...die Zit lauft gäll 
Ich chan mi der Muus nur aschlüsse....wer per sms gratuliert würd i au per sms bedanke.
Mir schicked allne wo euis es Chärtli oder es Gschenk geh hend es Chärtli. Üse Fotograph het super gschaffet, es het mega schöni Bilder geh...aber er het soooo lang für das Fotibuech.
Hend ihr eui Fötis scho übercho? ...frage nur, wil er die wahrschinlich au uf d`Dankenschärtli tüend...oder? 
Es Grüessli
Fira
|
Fischli am 17.07.2009
Re: Wer chunnt alles äs Dankeschärtli über?
@Fira
Die erschte Föteli hemmer am Mäntig gseh, er hät üs gfroget wa mir füren Styl möchtet (Rahme, Schatte, Farbe, Verschwumme....) Am Mäntig söttet mir d CD mit allne Föteli und 4 verschiedene Variante für d Dankeschärtli übercho. Mir machet quadratischi Fotene mit 5 Fotene druffe, eini ächli grösser di ander chliner. Sobald mir üs denn für eini entscheide hend tuet ers entwickle. Am Fotibuech seger au scho dra, das söttemer ca Mitti/Endi August übercho. Ich wird au no äs Buech mache mit allne Föteli. Üse Fotograf mach nu mit üsne Paar-Föteli äs Album. Ich mach denn no äs Fotibuech am PC womer üsne Eltere, Grosi, Gotti/Götti und so schenket.
Wenn hend ihr denn ghürotet und wenn söttet ihr s album übercho? Hender scho alli Föteli gseh?
@silver83
äs paar meh wird ich sowieso mache lo, han ich au bi dä Iladigschärtli so gmacht, falls mer öpper würklich vergässe hät.
Fischli
|
Fischli am 17.07.2009
Re: Wer chunnt alles äs Dankeschärtli über?
Nomel @Fira
Jo mir hends uuuuuuh schö gha, dä schönsti Tag isches für üs würklich gsi. Nu schad isch alles so schnell verbi gange!
|
Fira am 17.07.2009
Re: Wer chunnt alles äs Dankeschärtli über?
@fischli
Mir hend am 20. Juni ghürated ...glich wie ihr
Bi euis isch es ähnlich gsi wusch und es isch Morge am 3 gsi .....zum Glück hend mer Föteli denn chasch alles nomal gnüsse...
S Wetter het halt au mega mit gspielt...zum Glück. Mer hend bis am Schluss zittered 
Bi üs wirds en ähnlichi Charte geh.... i glaub jetzt mues i grad no ens neuis Thema ufmache... han es paar Onlineabüter gfunde...aber villicht gits ja no meh...
Löhnd ihrs demfall grad bim Fotograph mache?
Han gseh, dass üse Fotograph Sujets het wo mer online au chan bstelle...
Es Grüessli
|
Fischli am 17.07.2009
Re: Wer chunnt alles äs Dankeschärtli über?
@Fira
Mir sind am 6 im Bett gsi, hend dä Tag slo voll uskostet. Jo also Wettermässig hemmer mega schwein gha, wo mir zur Chile usecho sind häts 10 Tropfe gregnet und noher nüme. Äs isch nöd wahnsinnig warm gsi und äs hätt immer achli glüftlet, aber ich han usnahmswis nie chalt gha. Min Maa seit wenn i nöd Dd Brut gsi wär hett au i chalt gha!  Bim Fötele nochem Apero hemmer sogar Sunne gha.
Üse Fotograf isch kein Vollprofi, aber är hätt scho einigi Hochzite gfötelet und i bi nu scho noch däne 6 Föteli mega begesiteret.
Er macht üs d Föteli für Dankeschärtli, also er lohts i sim Stammgschäft entwickle, druf chläbe ufs chärtli tüends mir denn selber. Üsi Fotobüecher woni online mache, mach i bi cewe. Bi jetzt au gad a eim vo üsne Flitterwuche.
Fischli
|
|
|
1
|
Anmelden
