| Hochzeitsfieber |
|
|
1 2
|
chiccalina  am 15.01.2010
Re: Hochzeitsfieber
ihr hend jo wenigstens alli scho än termin :-) miar no nöd und trotzdem könnti dä ganzi, ok dä halbi tag drüber studiere und da im forum lese :-) abr das isch doch genau s'schönä 
|
|
|
happyday  am 15.01.2010
Re: Hochzeitsfieber
es isch fascht wiene sucht - am liebschte würdi mer im gschäft glatt sälber s`internet sperre, de würdi wenigschtens widermal ärnschthaft as schaffe dänke
ich liebe das plane, abkläre, denn wider termine vor ort zum öppis aluege, entschäide, zuesage mache....für mich isch es our personal project. i love it
und wie au d`carmile schoh gsäit hed: zum glück gids das forum. würd glaubs würkli süscht alli um mich ume zum wahnsinn triibe, wenni immer für jede "schischi" würd go frögle, mäinige ihole usw. wenni auso en mäinig bruuche, denn go to: www.heiraten.ch oder atfg und schoh hed mi chopf wider öppis zum überlegge und a üsem hochziits-traum wiider z plane. es isch äifach herrlich!
ich würd säge: mer sind alli im grüene beräich und gniessed äifach d`vorfröid solang mer chönd!
|
calla  am 15.01.2010
Re: Hochzeitsfieber
eigentlich gits dem thema nüt meh hinzuezfüege - sisch alles scho gseit worde und wies schiint hät eus all de glich virus befalle 
°oO°oo° ... WEIL ES LIEBE IST ... °oo°Oo°
|
peja am 15.01.2010
Re: Hochzeitsfieber
ja, isch echt so.. i muess bim schaffe au luege, das i schaffe vor luuter idee sammle, u forum nid vergässe.. dihei muess i ufpasse, das i min göttergatte nid vollschwätze u mit x sache wahnsinnig mache.. mer händ jetzt abgmacht, das mer eimal pro wuche zämesitzet u in ruhe würkli die ganze sache/idee alueget, wo eus die wuche beschäftigt.. so chönd mer relativ schnell alles kläre.. aber i bin scho fascht chli truurig han i s'chleid scho, u diladig scho baschtlet u verschickt.. muess würkli alles, alles gaaaaanz fescht gnüsse.. u klar, sforum isch natürli super, mit all idee, vorschläg u eu nette brüütlis!
|
calla am 15.01.2010
Re: Hochzeitsfieber
ich bin grad am iladige id couvert verpacke und han es paar föteli gmacht, falls ichs jetzt zwenig gnüsse - spöter nomal chan aluege und mich drinine fühle... ja leider leider han ich mis chleid au scho und überhaupt isch scho vieles erlediget..
snöchschte wo ich mich freue wirde, sind dfeedback uf diiladige und dameldige..  binn uuu gspanne...
@peja
wie sind dreaktione vo eune gäscht gsi? ich hoffe ihr händ no kei absage..?
°oO°oo° ... WEIL ES LIEBE IST ... °oo°Oo°
|
peja am 15.01.2010
Re: Hochzeitsfieber
salu calla
hihi, mer händ au fotis gmacht.. bzw. mer möchte vo allne vorbereitige, wie bsp. trauzüüge-treffe, baschtle, hz chleid chaufe ect. fotis mache u dä äs album ha.. tönt evt. chli doof, aber mer möchte die toll ziit, wo au alli (trauzüüge, kollege, familie und natürli au eus beidi) chli "zämeschweisst" nid so schnell wieder vergässe u so derinnerig no bhalte..
mer händ dameldefrischt uf ändi jahr gah u äs sind sozäge nume ameldige itrudlet.. isch echt super! die meischte händs aber scho zum vorus gwüsst, das mer hürate u dä isch diladig halt nid soo überraschend cho.. aber händ natürli sehr freud gah..
du machsch sie ja au in grüen/wiis, gäll? i han der ja mal per mail eusi beschriebig vo dä illadige gschickt.. wie sind dä eui?
als nächscht chunt bi eus hz-reis zum plane u swunschbuech, mer händ ja ke hp..
grüessli u bis bald! guet nacht, i bin uu müed u gang go schlafe.. aber mer läset ja sicher vonenand.
|
calla am 15.01.2010
Re: Hochzeitsfieber
ich finde nid das das doof tönt, mer mached das au so :-)... mer händ ALLES feschtghalte, vom erschte reschti-bsuech, chleider chaufe usw .. so sache vergisst mer doch nach es paar jahre viel zschnell und mer findet ebe die verlobtheits-phase genau so schön
ah klar, dänn wüssed ihr ja scho wer debi isch und wer nid..?! mer händ dameldefrischt bis endi märz.. und es macht mich fascht bitz nervös was für reaktione chömed.. vo de gladene wüsseds eigentlich die meischte aber trotzdem isches ja dänn cool wämer s'chärtli dänn i de hand hät.
sobald all eusi chärtli verschickt sind duen ich dir suscht es mail miteme müschterli mache , ja genau, mer händ au grüen/wiss..
dreis isch bi eus scho plant, mer wartet nur no uf dofferte dasmer nacher chönd bueche..
guet nacht...
°oO°oo° ... WEIL ES LIEBE IST ... °oo°Oo°
|
peja am 16.01.2010
Re: Hochzeitsfieber
genau.. i finds au mega schön! weiss gar nid, was i nach dä hz mache.. irrgendwie fällt mer dä glaub öppis..
ja, mer wüsset scho wer alles chunt, mer händ dameldefrischt bis ende dez. gah.. isch so no guet zum wiitersplane..
bin gspannt ufs mail.. das wär echt lässig.. mersi viel mal.. chan der dä au äs foti vo eusere per mail schicke..
wo anne göhnd ihr, u wänn?
mer händ dänkt zwüsche september u november ca. ä wuche ä rundreise u nachher ca. ä wuche badeferie in marokka / oman / oder afrika..
liebi grüess
|
Ida am 16.01.2010
Re: Hochzeitsfieber
Mich het das Fieber au ganz schlimm packt. Ich be met mine Gedanke au fascht numeno be de Hochzit und de Vorbereitige. Es tuet guet zwüsse, dass ich nid die einzig be, wo sich nüm cha uf de Alltag konzentriere. Be dr Arbet isches wirklich schlimm, ständig nutz ich jedi Sekunde um im Inet zsurfe und da im Forum zläsä.
Jetzt duurets no 15 Wuche (104 Täg) und ich wirde langsam fascht scho panisch, wil eigentlich no fascht nüd fertig plant und vorbereitet isch. Aber trotzdäm ich gniesse jedi Sekunde, wo mini Gedanke be dr Hochzit si. Aber schönschte isch wemer beidi am plane und hypere si
**Wir heiraten am 30.4.2010**
|
calla am 16.01.2010
Re: Hochzeitsfieber
@peja
bim mail muesch die öppe no 2 wuche gedulde , da mer die meischte chärtli persönlich abgend hi,hi...
mer gönd uf australie und flüüged vorussichtlich am 16.9.2010. mer werdet d'ostküste (vo sydney bis cairns) bereise
de oman muen traumhaft si. e kollegin vo mir hät au döte ihri flitterwuche verbracht.. sehr abentürriich 
°oO°oo° ... WEIL ES LIEBE IST ... °oo°Oo°
|
|
|
1 2
|
Anmelden
