| Was wünscht sich die Frau am Fest |
|
|
1 2
|
Miracle  am 08.06.2009
Was wünscht sich die Frau am Fest
Hello zämä
Jetzt han ich scho vieles über Liebeserklärige und Überraschige gläse. Was mich würd interessiere isch: Was wünscht sich d'Frau am Hochzitsobig vom Ma? Ä Frau wod jo überrascht werde und isch i dä meischte Fäll romantischer als än Maa.
Sölls ä Liebeserklärig gsi? Gsunge oder vortreit? sölls än Video si uf dä Liinwand? än animierte Powerpoint?
Grüessli
Miracle
|
|
|
sona am 08.06.2009
Re: Was wünscht sich die Frau am Fest
Hallo Miracle
ich weiss nit wiä das anderi frauä würklich gsehn. villicht bin isch es bitz bescheidä  ich wünsch mir vo mim ma nüt speziells. ich wünsch mir eifach ä wunderschöni fiir mit mim ma, familiä und fründä, und dass mir immer füränän wärdä do si. 
Tip: uf kei fall ä animierti powerpoint!!! find ich schrecklich, au in dr gschäftswält. wenn den dias oder video.
Ich hoff du bechunsch no es paar guäti tips vo nit ganz so bescheidänä frauä und dass du dämentschprächend au fündig wirsch.
alles guäti
grüässli
sona
|
calla  am 08.06.2009
Re: Was wünscht sich die Frau am Fest
ich glaube ich hett anere persönliche liebeserchlärig die aller gröscht froid!
°oO°oo° ... WEIL ES LIEBE IST ... oO°o ... 4. JUNI 2010 ... °oo°Oo°
|
Krispy  am 08.06.2009
Re: Was wünscht sich die Frau am Fest
Hoi Miracle
joooo nüd ufgsetzts. Am meischte fröie werd ech mech, weni gse, dass mim Maa sini Ouge glänze vor Glöck! Das esch eigentlech s schönschte Gschänk wo är mer cha mache a dem Tag. Sini Liebi z gspöre ond dä Momänt ou i schwäre Zite chönne abrüefe. Meh bruchi ned!
|
Boo_1982 am 09.06.2009
Re: Was wünscht sich die Frau am Fest
ig bi ou dr überzügig, dass dr maa nüt sött mache, wo är sech nid wohl wird füehle.
mir hei bereits drüber gred, dass mir üs fem schiff äs eigets gelübte wärde vortrage, aber erwarte tue ig grundsätzlech nid viu. me wett ja nid nur am hochzytstag ä liebeserklärig übercho, sondern ab und zue o dehei.
wet guet chasch singe, de sing ihre öppis vor, aber äs darf ja nid piinlech wärde. wet gueti gedicht chasch schriebe, de trag ihre so öppis vor... aber grundsätzlech erwartet me us frou nid übermässig viu... mire meinig nah! sie het sicher eifach fröid, we sie mit dir darf fiire u du o fröid abem fescht hesch...
*Ziviltrauung am 13.08.10 - Schiffstrauung am 14.08.10*
|
aschera am 09.06.2009
Re: Was wünscht sich die Frau am Fest
ig schliesse mi ah ig wet nid dass mi maa öpis macht wo ihm nid entspricht u scho gar nid will är dänkt ig weti oder erwarti öpis...
set är öpis vorha fröieni mi aber es mues ou gar nid si ah däm tag... lieber immer wider mau öpis zwüsche dure im jahr als "nur" ah däm tag wo eh scho viel schöni sache pasiere (hoffi ömu )
ouso mach nur öpis wo würklich dir entspricht...
lg aschera
mir hürate kirchlich am 15. august 2009
|
|
Inessa nicht registriert am 09.06.2009
Re: Was wünscht sich die Frau am Fest
Schau in dein herz und auf eine zukünftige, miracle.. solche antworten wirst du nie hier finden denn die müssen von tiefem herzen kommen.. jede frau ist verschieden und jede beziehung ist es ..
also singen geht jetzt bei mir zum bsp. gar nicht aber meiner kanns glaub ich acuh nicht so.
Eine ehrliche, natürliche und nicht ausformulierte und aufgesetzt wirkende liebeserklärung (auch in form eines gedichtes - gern auch von jmd. anderes aber dann bitte dazu sagen) ist sehr schön.
powerpoint und video kannste in die tonne treten - ist ja voll lieblos und businesslike ..
*Wir haben uns am 30. Mai 2009 das Ja-Wort geben dürfen*
*Meine Beiträge beziehen sich jeweils auf meine eigenen Ansichten & sind nicht bösartig gemeint (ausser ich schreibe das direkt ;-) *
|
Miracle am 10.06.2009
Re: Was wünscht sich die Frau am Fest
Viele Dank für die viele Antworte. Hätti nid denkt, dass äs äso viel bescheideni Fraue git
Ich denke Inesssa du häsch äs troffe. Ich glaube äs git keis Rezept und kei "so muess mäs mache" wie au jedi Beziehig, jedi Frau und jede Ma andersch isch. äs muess vom Herze cho und sich entspreche, äs Klischeehaftes Uftrete (im Blickwinkel vom Maa) wär nid echt und ebe nöd vo Herze.
Ich danke für all euri Antworte..
lg
Miracle
|
speedy am 30.08.2009
Re: Was wünscht sich die Frau am Fest
Hey Miracle
Isch denn euri Hochzit jetz scho gsi? Es nähmt mich no wunder, wie du dini Liebschti jetz überrascht hesch. Süscht chan ich mich nur de Meinige vo de anderne aschliesse. Was au immer du bringsch, es mues eifach vo Härze cho und gärn. Sie wird merke, wenn du dich unwohl fühlsch drbi, und das wär mega schad. Und vor allem: Nach dr Hochzit uf gar kei Fall ufhöre, sich über Liebeserklärige und ähnlichs Gedanke z mache. Mich persönlich freued so chline Sache immer denn am meischte, wenn si unerwartet chömed. (ok, dä Tipp isch für d Hochzit nid würklich bruchbar, für s spötere Eheläbe drfür umso meh.
Liebe Gruess
Speedy
|
Cesy am 01.09.2009
Re: Was wünscht sich die Frau am Fest
Hallo mitenand!
Ich han dä Spiess umdreit und mim Maa e Überraschig in Gottesdienst ibaue.
Sini Freud dra und sini glänzige Auge zgseh isch für mich schönner gsi als jedi Überraschig.
Han im Vorfeld s'Lied das Beste vo Silbermond ufgnoh, was denn am Gottesdienst abgspilt worde isch (rein emotional hetti das nöd live chönne) ;) ich mues vilicht no dezue sägä das mir beidi scho sit Johre Musik machet und das für üs u wichtig isch und drum ich demit voll is schwarze troffe han, er isch mega grüert gsi.
Bin aber uf jede Fall dä Meinig das mä das nur sött mache wenn mäs einigermasse druf het und e Bedütig het für dä Partner, suscht chas schnell piinlich werde...
______________________________________________________________
Menschen sind wie Engel mit nur einem Flügel, um fliegen zu können müssen sie sich umarmen.
Seit dem 03.07.09 & 11.07.09 fliegen wir gemeinsam
|
|
|
1 2
|
Anmelden
