| Brautstrauss |
|
|
1 2
|
Ninic  am 13.02.2008
Brautstrauss
Hallo zäma.
Habe da mal eine Frage: Für was für Brautsträusse habt ihr euch entschieden und was für Blumensträusse bekommt Eure Trauzeugin?
Ich wünsche mir einen wasserfallartigen Brautstrauss in gelb-orange-braun-grün - Tönen. Keine Ahnung was für Blumen 
Wie teuer ist ungefähr so ein Brautstrauss oder was bezahlt ihr dafür?
Vielen Dank für Euche Hilfe
|
|
|
muuus am 13.02.2008
Re: Brautstrauss
ig weiss no nid genau was fürne Struss, steue mir öpis eifachs vor, mit rose und perle.. so ä klassische Brutstruss. Für Trouzüge..hmm dänke öpis ähnlich wie ig wirde ha, eifach i andere Farbe und es bizi chliner...:-) Mir hei üs la berate ime Gschäft, derte sägesi mi muess CHF 120.00 rächne füre Brutstruss und dr Ahänger füre Ma. Mi dünkt das mega viel und wirde sicher no wyterluege. Zudem dänkeni dasi 2 Brutstrüss wirde ha, dr eint chli chliner... wüll ig wot mi Struss nid wärfe sondern paute und damit ig aber dr Tradition treu blibe, wirfe haut de eifach zdoppel vo mim Struss
|
cannella am 13.02.2008
Re: Brautstrauss
Hallo Ninic
Da üsi Hochziits-Farbe rot-orange-gälb sind wärded mier die au i üsere Bluemedeko ha. Ich liebe Callas und die wärde mier au i de Deko verwände. Aber als Bruutstruss sind die ned eso ideal usser meh wett eifach öppe 3 vo denen zämebinde und fertig. Das wett ich aber ned. Drum wird de Struss vo mier und minere Trauzügin us Rose sii. Mine wahrschindlich ganz klassisch mit rote oder orange und minere Trauzügin mit helle. De hemmers quasi grad umgekehrt vo de Chleider her (sie hed es oranges, ich natürlich wiis). Es wird en satt bundnigi "Chugle" sii mit chli grünezüg und Draht als verzierig. Mier hend lieber klari Linie und sind ned unbedingt de "verspielti" Typ wie zum Biispiel für en Wasserfall-Struss.
Was die genau choschtet weiss ich au nonig, ha mal für mine 150.- und für de Trauzügin ihre 100.- budgetiert und de für d Reversastecker vo de bede Herre no je 20.-. Grundsätzlich interressierts mi aber sitt em Sunntig au nüm würklich, mi Schatz und ich hend die Strüss uf üsi Geburis vo üsne Trauzüge gschänkt übercho *vielfreud*!!
Es Grüessli
Cannella
|
nordliecht  am 13.02.2008
Re: Brautstrauss
chf 120.- isch absoluite standard. ich hans glick, dass mier en kollegin uis eysere clique die ganz bluemedeko macht, das sie glernti floristin isch. sie macht absoluiti hammersache. wie genai meyn struis uisgseht, weiss ich nu nid. sid gester aber sind mier eys einig was fir es farbkonzept fir all die hochzeytssache wend ha. hells aubergine-rosa-lindegriän. loost sich ziemlich strub a ich weiss, wenn mers aber vor sich het, isch es genial. ich han im weddingstyle heftli so mega scheeni auberginefarbeni callas als tischdeko gseh, zämä mit lindegrien. ich bin hin und weg gsi. passt zum glickai zum vorfabrizierte chärtli.
de struis wird bi mier sicher eher verspielt, da mis chleid (obwohl nunig uisgläsä) nid sträng wird, bin eifach nid de typ dezue. wer d'chleider vo linea raffaelli kännt, weiss vo was ich rede 
miär freyid eys uif de 6. septämber 2008 :-)
|
nordliecht am 13.02.2008
Re: Brautstrauss
cooli idee vo eynä traizeygä! han bald geburi und weiss nunig was mier winschä
miär freyid eys uif de 6. septämber 2008 :-)
|
madmadi am 13.02.2008
Re: Brautstrauss
I be ned secher, öb mini Trouzügin en Bluemestruss wird ha. Praktisch isch das eigentli ned, wel si jo je nach däm mine zwöschenie werd müesse hebe (z.B. be Speli), d Gschänkli "händle", luege, dass mer versorget sind und und und...
Es gieng jo bem Brutfüererinne-Struss eigentli nor oder vor allem um d Föteli, oder gsehni das falsch?
I wönsche mer en Brutstruss us crèmefarbige Rose und grüene Hortensie - ou en Chogele. Lut Florischtin sötts vo de Johreszit här möglech si (d Hortensie wärde jo denn ufe Herbscht zue rosa/lila/blau).
I fröie mi so riesig druf! Weiss gar ned, wieni die räschtleche 6 Mönet söll öbersto!
madmadi
Ich hürote mi Schatz am 8. August 2008!
|
dulfer am 15.02.2008
Re: Brautstrauss
hallo Zäme
Do üsi Farb am Hochzi wirot, rosa und wiss esch, werd ich au en struss ha wo die Farbe het. mache aber au zwöi strüss, well ech min struss au ned wet werfr, de esch aber chliner. üsi Floristin het gseit, das es ca. 120.00 Fr chostet. Minere Trauzügin ha ech selber überloh ob se
eine wet oder ned, se het de gmeint, dass se gern au eine wet. Da
bechunt se au über, de glich wie ech han, aber eifach meh wiss denn den, denn se het es wirots
Kleid an. Ech ha me Wirot well ech es wisses kleid ane ha, aber met wirote stei.
Jo säg nüt madmadi, ech chas au chum erwarte.
Mer hürote am 23.08.2008
|
j_nee am 04.03.2008
Re: Brautstrauss
I hett au no a blödi Frog betreffend Brutstruss: Hät ma dä schu ir Kircha drbi? I nimma a schu, bin aber nid sicher. Aber denn mit Ring ustuscha, isch dä sicher im Wäg...
|
nordliecht am 04.03.2008
Re: Brautstrauss
j nee de leit mer glaibs uif de altar oder eppis ähnlichs. am bestä git mer der nach em iizug der traizeygin ab
griässli
nordliecht
miär freyid eys uif de 6. septämber 2008 :-)
|
cannella am 04.03.2008
Re: Brautstrauss
Bi de letschte paar Hochziit won ich gsii bin, het das sogar de Pfarrer greglet. Er hed de de Bruut abgnoh und verstaut (glaub uf e Altar... oder so) und vor em Uszuug wieder id Hand druckt, ned dass er no vergässe gahd *smile*
|
|
|
1 2
|
Anmelden
