| Probleme mit Absatzschuhen |
|
|
1
|
Yasi  am 02.02.2008
Probleme mit Absatzschuhen
Hoi zäme!
I han es Problem bezüglich de Schueh: immer weni Schueh aalege, wo chli Absätz händ, tüend mir d'Füess nachane es paar Tag weh und usserdem kriegi immer blaui Zeche. das duuret denn amel mind. es halbs Johr, bis de wieder wäg isch und es tuet au mega weh.
A oisem Hochzig wetti aber natürli scho Absatzschueh aalegge, will me denn jo au andersch (eleganter) lauft. Jetzt wetti wie chli üebe. Hät mir echt öpper en Tipp, wasi chönt mache, dases nöd so weh tuet und ich kei blaui Zeche me bechum? oder hät öpper das Problem au?
I bin froh für jede Tipp! Danke!
lg Yasi
|
|
|
Tatjana  am 03.02.2008
Re: Probleme mit Absatzschuhen
Hallo Yasi
wenn ich Dich wäre, würde ich mir auf keinen Fall von Absatzschuhen die Hochzeit versauen lassen! Es gibt fast nichts Schlimmeres als sich mit unbequemen Schuhen stundenlang auf den Beinen zu halten. So oder so, wird Dir niemand auf die Schuhe schauen, wichtig bist Du als strahlende Braut! und das wirst Du mit schmerzenden Schuhen bestimmt nicht sein  Also, vergiss die Absatzschuhe und freue Dich auf Deinen grossen Tag! Die Schuhe sind da Nebensache. LG Tatjana
|
trulla09 am 03.02.2008
Re: Probleme mit Absatzschuhen
hey, du
ich chan dis problem guet navollzieh...
1. würd ich luege, dassd nöd ganz flachi schueh aleisch (git eher ferse-weh), aber au nöd grad 9cm schueh... am agnehmschte fürd füess (ohni üebig...) sind so 3-4 cm (das isch sowieso gsünder). würd mal luege, öbd so öpis findsch.
2. gnue grossi schueh chaufe, nöd settig, wo d füess zerquätsched...
3. i de apotheke gits vo scholl partyfeet ganz agnehmi gel-polster, dass au würkli gar nüt meh chan weh tue. am beschte lahsch dich det mal berate. (choschted au nöd alli welt: ca. 9-12 Fr.)
ich bruche die sitses git und bin mega begeischteret. au bi ballerinas, wenns hinde weh tued genial! usserdem gits zur vorbügig vo compeed en blasestick (Fr.9.90) womer a allne gfährliche stelle chan ufträge.
4. kei bleistift-absätz: dänn chasch d'umknick und somit d'verstuchigs-gfahr iischränke
5. vorbüüge chasch, i demd am abe oder morge vor de hochziit na es fuessbad nimsch und am morge danach grad wieder (bsp vo yegi, relax bad ca. 12 fr.)
und dänn würdi d schueh ab 1 woche vor de hochziit jede tag 1/2 stund alegge...das hilft!
weisch, ich schaffe i de apotheke und han scho sehr vill vo setig problem ghört... kei sorg, du wirsch am abe mit lebändige füess is bett gah und am nächschte morge wieder normal chöne laufe...
fallsd na frage häsch, meld dich... okay?
grüessli
|
madmadi  am 04.02.2008
Re: Probleme mit Absatzschuhen
Mech donkt das chli verrockt, wenn der d Füess soo lang weh tüend. Besch scho mol bimene Orthopäd gsi? Glaube, das Gäld wörd ich id Finger nä, es git doch nüt schlimmers als be jedem Schritt Schmärze z ha! Ganz bsonders am Hochzit!
Was das betrifft, wördi ou säge, legg lieber flachi Schueh a (oder dere mit seeehr chlinem Absatz), wennd's di ned anders gwohnt besch.
madmadi
Ich hürote mi Schatz am 8. August 2008!
|
muuus am 04.02.2008
Re: Probleme mit Absatzschuhen
ig ha äs ähnlichs Problem..chum hani Absatz-Schueh ane, schmärze mir Füess mega, dass chunt dasi es hochs Rist ha und derzue bide Zäie no ä "Hammerzäie" (nid lache, dass seitme glaub so). Jedefalls findi Antwort vor Trulla super... Ig mache das ou immer so, nid zviel Absatz guet vorbeuge mit Pflaschter und nä chasch Füess ou vo dim Schatz la verwöhne.und und und de söt dim grosse Tag nüd im Wäg stah.. und weisch chouf dir no es paar wissi Turnschueh oder flachi Schueh und wenndr im Rest syt geisch eifach heimlich ga Schueh wächsle, dass merkt eh niemer..Lüt luege nid uf Füess und zChleid verdeckt eh alles... So wird das sicher super ga... Viel Glück
|
Yasi am 09.02.2008
Re: Probleme mit Absatzschuhen
Danke vill mol für oii Tipps. das mit dene gel-polster wirdi uf all Fäll mol uusprobiere. ich han mir scho au überleit eifach gar kei Absatzschueh aazlegge, aber me hät halt scho en schönere und elegantere Gang i Absatzschueh. und es goht nöd nume ums Hochzig sondern ich würd au suscht gern emol Absatzschueh aalegge. dasi sicher no flachi Schueh am Hochziig wird debii han, hani au denkt. i han e kollegin, die hät nume ide Chirche Absatzschueh agha und nachane am Fest Turnschueh.
|
|
|
1
|
Anmelden
