Hallo zämä

Ich hoffe es cha mier öpper hälfä.
Ich bi voll unschlüssig öb ich sell mis Hochzitschleid chaufe oder miete?
Chund s miete wirklich günstiger? Wer hed da chli Erfahrige??
Im moment wär glägeheit grad guet im usverchauf mis traumchleid zgfinde, ich hürate aber erst im August 09. Isch das denn nunig zfrüeh jetzt scho eis z chaufe.

Ach ich weiss eifach nid was mache. Hoffe ihr chönd mier chli Tipps gäh.

Liebi grüess

• Zitieren

Sali Petra

I bi i dr gliche Lag gsi wie Du und ha zerscht au denkt i finde sicher keis Chleid zum Chaufe oder gar zum miete. ( ha grössi 48)
I bi den beides goh aluege, und s' miete chunnt mir mit allne Änderige bi Übergrössi, Reifrock und extrawünsch + Schmuck uf 1200 Franke. Muesch aber bedenke das ich no e Zuschlag für Übergrössi zahle vo 25 % was jo bi de meiste nit derzuchunnt. Und so chasch du dis Chleid ab 560 Franke miete.(OHni Änderige). Derbi isch d' Reinigung derbi.
Wenn i es Chleid au im Usverkauf het muesse Chaufe i minere Grössi hät i sicher au 1000 Franke ufwärts plus 25% plus UNtererrock plus Änderige muesse rächne und das wär mir den dürer cho.( Mis jetzige CHleid het au ohni ÄNDERIGE 1200 Franke choschtet, meh chas au chaufe)
mini Überlegig isch gsi was mach ich nach üsem Tag dermit? und i bi zum Schluss cho das es zwar schön isch, es du aber nie meh chasch alege und es nur no im Chaschte hänget.
Das muess aber jede selber wüsse!

Liebs Grüssli
Surri


PS: bisch sicher nit z' frueh dra, bedenk das gwissi Chleider 6 Mönet Lieferfriste oder meh hend:


Mir traue üs am 19.12.08 & 22.08.09

• Zitieren

Sali Petra

I ha mis Chleid i Brautperle, i Teufenthal gfunde. Es isch e chline Lade uf eme alte Burehof. Bi voll begeistert gsi und ha au e Rebrik unter Lob und Kritik gmacht i dem Forum. Und au sunscht het öber unter dr Rubrik Hochzeitskleider oder Artikel öbis derzue gschriebe.
I bi ebe überzügt gsi vo dr berotig.

Woher chunnsch den Petra? und wenn hürotet ihr?

cu surri

Mir traue üs am 19.12.08 & 22.08.09

• Zitieren