Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Verschiedene Themen    ›   Fahrzeuge & Transport    ›   Wer organisiert ein Taxidienst für seine Gäste?
Wer organisiert ein Taxidienst für seine Gäste?
 1 2
surri  am 13.03.2009

Wer organisiert ein Taxidienst für seine Gäste?

Guete Morge Ladys,

I ha es Problem, unsere Gäst trinke gern öbis über e Durst, wohne aber nit so in dr Nöchi vo dr Festlocation.( ca. 1 Std)! Mir hei kei Car oder so für d' Gäst do mir alles am gliche Ort fiere.
Jetzt zu minere Frog sölle mir es Taxiunternehme beuftrage wo sie abholt oder wo sie au bringt ( wägem auto) oder sölle mir das de Gäst überloh?
Mir händ au scho bi dr Aktion Nez Rouge agfrogt, aber das isch ebe au nit ganz billig und d' $Gäst müsste gschaflet hei. Bim Taxi chasch ebe grad e Pauschale abmache und e Grosse Bus hätti sie au?

Aber isch das überhaupt unser Problem wie sie hei chömme? I trinke nur wenig alkohol und dorum isch das bi üs nie es Thema gsi.l Endweder i fahre oder falls i glich emol öbis trinke den fahrt mi Maa oder mir nähme es Taxi. Das ganze macht mir Kopfzerbreche.




Glücklich verhürotet sit em 19.12.08 mir chönnes chumm erwarte 22.08.09



Frangipani  am 13.03.2009

Re: Wer organisiert ein Taxidienst für seine Gäste?

Hoi Surri
Also ich finde, das isch doch d sach vo de gäst, und nöd eui sach. jede isch ja sälber verantwortlich und gnueg alt zum wüsse wie viel er trinke chan, und wenn öppert scho vo afang a weiss dass er eher viel trinkt, muess er halt luege dass er entweder vo öppertem gfahre wird oder sust mitem taxi heigaht. aber das chasch echt nöd vom brutpaar erwarte dass sie au no en taxidienst organisiered.

Also mir sälber werded da ganz sicher nüt organisiere!. Eventuell mached ja es paar gäscht fahrgmeinschafte, mir händ eusi trauzüüge demit beuftreit, so sache abzkläre und de gäst chli z hälfe bim organisiere. aber bis jetzt hät sich no niemert gmolde...



canadienlady

nicht registriert

am 13.03.2009

Re: Wer organisiert ein Taxidienst für seine Gäste?

Hallo surri

Also ig bi der Meinig, dass das nid öies Problem isch, wiä d Lüt Heim chömä. Uf der Iladig steit ja, wo das öies Fescht stattfindet u so müässä si sech halt druf istelle. Ig würd villich a dä Trouzügä ds Nummero gä vom Taxiunternähmä, aber ä Abholservice würdi nid organisiere.

Liäbä Gruess Canadienlady



surri  am 13.03.2009

Re: Wer organisiert ein Taxidienst für seine Gäste?

Ufh do bini froh das Ihr das saget!


Glücklich verhürotet sit em 19.12.08 mir chönnes chumm erwarte 22.08.09



Kaz  am 13.03.2009

Re: Wer organisiert ein Taxidienst für seine Gäste?

Auch ich bin der Meinung, dass die Leute selber Organisieren wie sie nach Hause kommen. Wir haben auch kein Car und wenn müssten sie ja auch vom Ausgangsort des Cars wieder nach Hause kommen (wenn wir alle abholen oder nach Hause bringen müssten, das wärs noch ). Klar hoffen wir, das Stimmung aufkommt, aber das geht ja auch ohne Alk!! (hoffentlich).
Das einzige was Organisiert wird, wir haben solche die mit öv unterwegs sind, die werden wir mit einem Bus zum Bahnof bringen, da wir ziemlich weg vom Schuss feiern und der letzte buss im Dorf vermutlich bereits um 9 Fahren würde (nach einer 3/4 fussmarsch).

Grüessli Kaz
9. Mai 2009... Ja ich will!



surri  am 13.03.2009

Re: Wer organisiert ein Taxidienst für seine Gäste?

Wo Hürote Dir Kaz? Bi uns isch das nämlig au eso das me ca. 3/4 Stund muesst laufe!

Glücklich verhürotet sit em 19.12.08 mir chönnes chumm erwarte 22.08.09



Kaz  am 14.03.2009

Re: Wer organisiert ein Taxidienst für seine Gäste?

Mer fiired ufem Maiengrün, kennsches? Es usflogsrestaurant ufem högel obe, zmetzt im Wald... Wo düend er Hürate?

Grüessli Kaz
9. Mai 2009... Ja ich will!



surri  am 14.03.2009

Re: Wer organisiert ein Taxidienst für seine Gäste?

Nei kenns nit. Welli Region? Mir fiere uf Schloss Wildenstein in Buebendorf ( Baselland) isch ebe rächt abglege dunkts mi!

Guet Nacht

surri


Glücklich verhürotet sit em 19.12.08 mir chönnes chumm erwarte 22.08.09



Kaz  am 15.03.2009

Re: Wer organisiert ein Taxidienst für seine Gäste?

Das esch im Aargau (in Hägglingen, nähe Mellingen, Wohlen). Wenns dich interessiert, chasch ja mal go gügsle... www.restaurant-maiengruen.ch

Dis Schloss dönt au ned schlächt!! Romantisch Aber känni au ned.

Grüessli Kaz
9. Mai 2009... Ja ich will!



Yasi  am 15.03.2009

Re: Wer organisiert ein Taxidienst für seine Gäste?

Hoi Surri

alsoi ich finde au nöd, dass ihr do öppis müend organisiere. für ois chunnt das ämel gar nöd in Frog. jede isch selber defür verantwortlich wiener heichunnt und sust mueme halt es Hotelzimmer neh. eigentli sötts jo eh nöd so e riise suffete geh sondern eifach feschtig.

Mir froied ois extrem fescht uf oises Hochzig am 1. August 2009!



 1 2

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.