Anmelden Anmelden[ x ]          
| Passwort vergessen?
Registrieren  |  Suche Anmelden
Forum    ›   Verschiedene Themen    ›   Liebe, Sexualität, Religion    ›   nach Hochzeit, Kinderwunsch ?
nach Hochzeit, Kinderwunsch ?
 1 .. 56 .. 110 111 112 113 114
mausi_90  am 09.03.2013

Re: nach Hochzeit, Kinderwunsch ?

Ich bin 23gi und min Schatz bald 27 und mir händ scho en 18 Monet altä Sohn. <3
Noch de Hochziet und dä Ferie planed mir denn s zweitä Chind, i freu mi meega!

Han scho paar mol vo Paare wo ghürote hend ghört das immer denn au gfroged werded weg Chinderplanig.
Bi üs händ defür es paar s Gfühl mir hürotet "nur" wegem Chind.. aber denn hetet mir ja au scho woni schwanger gsie bi ghürotä.

Finds doof wemer das immer mitenand verbindet.
Me hürotet doch us dem Grund well mer sich liebt und wett s Läbe zäme verbinge!



maslergirl  am 10.03.2013

Re: nach Hochzeit, Kinderwunsch ?

mausi_90:

Han scho paar mol vo Paare wo ghürote hend ghört das immer denn au gfroged werded weg Chinderplanig.
Bi üs händ defür es paar s Gfühl mir hürotet "nur" wegem Chind.. aber denn hetet mir ja au scho woni schwanger gsie bi ghürotä.

Finds doof wemer das immer mitenand verbindet.
Me hürotet doch us dem Grund well mer sich liebt und wett s Läbe zäme verbinge!


Das esch be üs genau so gsi! Nome well mer jong ghürote hend, hend alli gmeint ech segi schwanger. Ech ha das au doof gfonde dass mer ned eifach "nome" us liebi cha hürote...



sonne13  am 10.03.2013

Re: nach Hochzeit, Kinderwunsch ?

Für mich gids au nur ei grund z'hürote, und das isch, will ich mit mim maa s'läbe wett verbringe, bis mer alt und runzlig sind ob mit chind oder ohni - das wird sich zeige. Schliessli gids au päärli wo sich sehr fescht chinder wünsched, es aber halt ned klappt. Ich finde, das sett me ned vergesse, denn es isch ned sälbstverständlich... Egal was s'läbe för eus bereit haltet, ich möcht das met mim maa a'de siite in agriff näh, darum hürot ich! Ich kenn aber au lüüt, die finded mir spinned dass mer hüroted ohni dass nochwuchs underwägs isch will mer so meh stüüre müend zahle



elea  am 10.03.2013

Re: nach Hochzeit, Kinderwunsch ?

äh das met dene doofe stüre chani fang nöme ghöre! als ob mer das ned wössted dass mer mönd meh stüre zahle! mer esch es das aber wert dassi sin name döf träge ond er min maa esch ond ned nor min frönd. do nemi das halt i chuaf dassmer meh stüre mönd zahle!



sonne13  am 10.03.2013

Re: nach Hochzeit, Kinderwunsch ?

Danke elea! Ich druck mir das us und verteils bi de nöchschte komentär zu dem thema wirkli doof, als wäred mer volldoofis und wüssted das ned. Aber mine frönd dörfe z'hürote und eusi gmeinsam zuekunft isch viiiiel meh wärt als das blöde gäld...



elea  am 10.03.2013

Re: nach Hochzeit, Kinderwunsch ?

ou sonne oder weisch wa, wenn snöchst mol öper zomer chont wege de stüre denn segi "ou echt? de mömmer me stüre zahle? das hani gar ned gwösst! jo denn blossi doch grad di ganz hochzit ab!!!"



sonne13  am 10.03.2013

Re: nach Hochzeit, Kinderwunsch ?

genau! Ach, ich wünschti ich hätt nur es chliises bitzli vo diner schlagfertigkeit



elea  am 11.03.2013

Re: nach Hochzeit, Kinderwunsch ?

chom jez machi mer eus doch eifach paar spickzetteli dass mer gwappnet send för all die doofe komentär!



Kate82  am 11.03.2013

Re: nach Hochzeit, Kinderwunsch ?

@elea: Löhnd euch d'Freud wäg däm nid vermiese
aber s'isch im Fall gar nid i jedem Fall so, dass vill meh Stüre zahlsch.. chunt chli uf verschiedenigs drufa...



elea  am 11.03.2013

Re: nach Hochzeit, Kinderwunsch ?

kate hesch em fall recht!
vor 2 woche het mer grad öper gseit dass si set de hochzit weniger stüre mönd zahle! ha das fasch ned chöne glaube! aber esch natürli cool!



  1 .. 56 .. 110 111 112 113 114

ÜBER UNS

HOCHZEIT.ch ist ein unabhängiges Portal und beliebter Treffpunkt für Brautpaare und Dienstleister aus der Hochzeitsbranche.

 

 

SERVICE

Werbung platzieren
Kontaktformular
Impressum

WICHTIGE LINKS

Login
Registrierung
Datenschutz