da miar hüt scho 2 mönet verhürotet sind und ich *schäm* immer no kain bricht gschribe han, machi das etz no :-)

komischerwies bini am tag x überhaupt nöd nervös gsi. am 9ni am morge hani mini trauzügin z'züri am bahnhof abgholt, bin öppe 10 minute z'früäh gsi und bin drumm no schnell ad bahnhofstrass gsprunge go spängeli für mini frisur go holä (typisch alles ide letzte minute) :-) wo mini trauzügin denn ako isch simmer ufem haiweg gad no schnell god blueme abholä - zum glpük wia sich denn spöter ussegstellt het! kuum simmer dihai ako - min zuäkünftige scho im bad liacht nervös - hemmer au gad scho widr müässä witr zum coiffeur und schminke, ich bin zersch dra ko, ich bin mega zfriede gsi mit minere frisur und än make up ( ich han jo weder probefrisur no probe make up gmacht). i dere zyt wo mini trauzügin frisiert und gschminkt worde isch bini no rasch mis kleid go abhole, has am mittwoch nomal müässä bringe weils kli eng gsi isch! d'schniederin het miar immer gsait dä bh machi viel us und ich han doch denkt das kunnt doch nöd druf a bh isch bh und prompt hets denn nöd passt, sie isch abr mega nett gsi und hets miar bis am fritig mittag nomal gmacht (man bedenke am donnstig isch uffahrt gsi), han denn mis kleid schnell hai tua und han dötte mim schatz no schnell mini frisur zeiget und han richtig gmerkt, dasses ehm super gfalle het. nachher bini widr zum coiffeur zude trauzügin.

wo mini trauzügin denn au fertig gsi isch simmer widr zu üs hai, und denn hemmer zmal alli (trauzügin, min schatz und ich) hunger gha, miar hend denn no schnell öppis zum esse bstellt, abr ich han vo mine pommes nöd würkli viel gesse, bin doch au langsam kli nervös worde :-)

und denn, äs isch mittlerwilä um die halbi 1 gsi hemmer zmal gmerkt dass miar üs glaub gschider mal afanget alegge, han dä moment jo ziemli lang ussegschobe, erstens damit ich nöd scho schwiz und zweitens will skleid immer no relativ eng gsi isch. mini trauzügin het mit erem kleid au no problem gha - aso eher mitem bh wommer immer gseh het :-) sie het denn aifach äs jäckli agleit isch jo e nöd so mega wetter gsi, denn hets passt und miar sind denn mit 5-10 minute verspötig am treffpunkt bide fotografin ako! drum simmer froh gsi dassmer blueme scho gholt hend :-) süs wäremer no spöter ko und fotografin het e scho panik gha und miar 4 mal ufs natel aglüütet. woni zum auto usstiege bin hani gmerkt, dass i tatsächlich scho ä laufmasche ide strümpf han.......... jo nu ärgere nützt nünt isch halt etz so.

min schatz und ich sind denn 1 stund am see go fötele. äs isch denn mega schnell 3 worde und miar hend üs uf dä weg zum treffpunkt mite gäscht gmacht, äs sind alli dötte gsi bis ufd eltere vo mim schatz, abr miar hend extra 30minute früähner abgmacht damit denn jo au alli dötte sind! womer denn komplett gsi sind simmer langsam zum standesamt abeglaufe und denn isches au scho los gange. ehrlichgsait weiss i gar nöd gnau was dä standesbeamte verzellt het, öppis übers schloss und denn het er no dia gschicht vode hochzytskerze vorglese, wo einigi vo eu au scho gschriebe hend und au miar hend die kerze denn gschenkt überko - sie staht etz bi üs ufem stubetisch und het bis etz noni brennt - zum glück :-) mini schwöster het denn no äs hezigsgedichtli vorglese und denn isches au scho widr verbi gsi - abr s'wichtigste miar hend beid ja gsait und sind somit maa und frau :-) mis mami het miar denn welle gratuliere und sait i einer luutstärki "alles guati zum geburri......äääääh" villicht weil ich ei woche vorher geburri gha han :-)

nachdem üs alli gratuliert hend simmer widr an see go gruppeföteli mache und dötte bini kli enttüscht gsi vode gäscht, niemert ischko go fötele allne hetmer 3 mal müässä rüäfe, abr nacheme wili hets denn doch mal no klappet :-) und hend etz doch schöni föteli!

nacher simmer zum apéro gange, isch nu 1 stund gange, miar sind abr au nu knapp 20 persone gsi!s'esse isch mega fein gsi und miar hends mega luschti gha.

scho gli isch denn s'erste spieli ko.... miar hend müässä mit dartpfiel uf uf zetteli schüsse anere pinwand. miar hend än rote und än blaue pfiel überko, bim einte gwünnemer wasmer treffet bim andere müänd miar das mache womer schüüset, welli farb was bedütet hemmer natürli nöd gwüsst. ok, ich han agfange und han mitem rote pfiel troffe, ich hann denn mim maa gsait er söll dä blau ne, abr NAAAAI er nimmt au dö rot und dä rot pfiel isch natürli de gsi womer müänd mache!jo nu etz müämmer am schwager s'auto wäsche und d'schwögerin zum brunche ilade!

bim zweite spieli hends üs d'auge verbunde und miar hend müässä errate was üs is muul gebet! min schatz het underem anderem müääs kaffibohne errate hmmm fein :-) und ich zitronesaft. mini trauzüging het denn zu mim schatz gsait "ja du hesch doch gern kaffi" :-) miar hend alli sache erkennt und än wellness guatschi gwunne!

........



***03.06.2011***

Zuletzt bearbeitet am 03.08.2011

• Zitieren

uf zmal kunnt denn d'serviertochter inne mitere hochzytstorte, min schatz und ich hend üs agluaget und sind nümm drus ko, miar hend nämli kai torte bstellt sondern abgmacht, dass jede selber än dessert dörf ussuache. d'torte isch än überaschig vode schwiegereltere und dä oma gsi, miar hend mega freud gha!

und denn isch au scho gi 12i gsi und di erste hend sich langsam verabschiedet weils no än lange haiweg gha hend. miar hend denkt, dass no äs paar zu üs hai kömmet öppis go trinke, hend extra no getränk kauft gha, abr äs sind denn doch alli hai gange. denn sind min schatz und ich denn au haigange und hend ällai no kli witr gfiiret :-)

äs isch sonen schöne tag gsi wo leider so schnell verbi gange isch und etz scho 2 mönet her isch, ich luage mega gern d'föteli a und denke a de tag zrugg! und min schatz isch ganz stolz, dass ich etz sini frau bin und ich natürli au

sorry isch glaub äs biiiiizzeli lang worde abr kürzer wärs glaub nöd gange :-) ich luage mal welli föteli dass i könnt poste, ohni dass ich s'halbe fotialbum ufelad


***03.06.2011***

• Zitieren

ich glaub das isch s'einzige föteli woni kann innetua, di andere sind alli zgross!???!
isch abr au eis vo mine liablingsföteli


***03.06.2011***

Zuletzt bearbeitet am 03.08.2011

• Zitieren

wenni ussegfunde han wiani mehreri bilder uf zmol kann ufelade machi das :-) all andere könnds doch au

***03.06.2011***

Zuletzt bearbeitet am 03.08.2011

• Zitieren

Hey chiccalina ou vo mir aues gueti, tönt nachemene wunderschöne Tag.

Isch doch schön a si Tag zrugg z dänke, u imene Johr oder so de Bricht nomou chönne z läse

• Zitieren

so ich versuachs etz nomal wias d'livipivi miar vorgschlage het

juhui äs funktioniert, merci livipivi :-)))))

***03.06.2011***

• Zitieren