| Wenn ich nur wüsste wo anfangen.... |
|
|
1 2 3 4
|
|
bride81 nicht registriert am 02.12.2010
Re: Wenn ich nur wüsste wo anfangen....
vivala010; arosa hani miar au schü überlait. an cousin und min götti händ au in arosa ghürota. da eint im bergkirchli und nocher simmer uffa ins zelt vum humorfestival; isch mega schön gsi. aber eba, mit vielna lütisch das schwierig.. aber danka trotzdem für da hiwies!
nimbini, wo hürotend denn iar?
|
|
|
nimbini  am 02.12.2010
Re: Wenn ich nur wüsste wo anfangen....
hey bride 81, mir händ eusi frei trauuig im e gewölbecheller im hof zu wil, mega schön romantisch und s'fescht isch dänn im schloss laufe am rhiifall! wär gern id berge, aber dänn hetted alli eusi gäscht meüsse det übernachte und das hani nöd welle! so chönd jetzt alli hei am abig, wo wänd.... klar hani da halt kei garantie uf schnee, aber ich gib d'hoffnig nöd uf, dass es so schön wiiss isch wie jetzt im momänt.... und wänn nöd, chanis au nöd ändere, dänn häts halt eifach nöd sölle si 
@vivala, ich hoffe, ich han dini mailbox jetzt nöd gsprängt, han dir zwei bilder gschickt 
|
|
vivala010 nicht registriert am 02.12.2010
Re: Wenn ich nur wüsste wo anfangen....
hmmm tönd würkli ganz romantisch. also mir hend jo au so gewölbecheller agluet aber hett für max 60 lüt platz und halt ziemlich eng.. dörfi frogä wiä du das mit em inä laufä machsch?
hmm bride no zu dir : hmm ebe hend ihr evtl en ort wo eu verbindät wo ihr eu kennäglernt hend? evtl chöntemo jo döt trauuig machä..
ebe ich wür mol afange mit dä location. wenno diä hend denn chamer schritt für schritt afo... ;)
|
nimbini am 02.12.2010
Re: Wenn ich nur wüsste wo anfangen....
@vivala, mir händ zerscht au en gewölbecheller gha, wo nur 80 lüüt platz gha hetted und gheizt wär er au nöd gsi! de in wil hät platz für max 200 und mir werded ca 110 gäscht ha, somit chömer grosszügig stuehle! wägem inelaufe isch det au super,ich chume d'treppe abe und i de mitti lönd die en gang frei, somit chani det schön entlang schriite 
|
|
vivala010 nicht registriert am 02.12.2010
Re: Wenn ich nur wüsste wo anfangen....
ebe und bi eus wärs enge wordä welli au i dä mitte han wellä durä laufä... mensch chan ned scho dä 18 ti si :P
uj so grussigi fotenä... nee seich ............. genau min gschmack...
@bride hend den ihr es buget wo ihr maximal wend usgeh?
Zuletzt bearbeitet am 02.12.2010
|
nimbini am 02.12.2010
Re: Wenn ich nur wüsste wo anfangen....
ja am andere ort wärs ebe au nöd gange, dass ich so schön i de mitti chan füre schriite, aber det isch das super, freu mich mega! hoffe, ich ghei dänn nöd um *g*
phuuu da bini aber froh, dass es dir gfallt
|
|
bride81 nicht registriert am 02.12.2010
Re: Wenn ich nur wüsste wo anfangen....
also wenn mer sogar ds innalaufa muass plana.. denn mag i gar nit dra denka, dass mer nonit amol a location händ  !!
budget.. nai, hämmer nonit würkli drüber gredet. han aber a ziemli guati budget-übersicht vumena befründeta pärli, wo vor 2 johr ghürota hät. händ öppa glichviel gäst wia miar und au ds drum herum isch wohl öppa glich. dia händ ziemli genau 30' usgeh; schu no viel. aber ma hürotet jo nur eimol! 
|
sheilyn am 02.12.2010
Re: Wenn ich nur wüsste wo anfangen....
sali bride81
ond härzlech wellkomme!
ich war auch uh froh um das forum hier! die bräute hier haben mir gute tips und adressen gegeben!
franziska ist hier ja das beste beispiel! ^^ wenn man das so sagen darf.
es spielt grundsätzlich keine rolle wie viel dazwischen liegt! es muss für euch stimmen!
wir selbst haben ganz genau an unserem 5 jährigen "nur" zivil geheiratet. 
ICH hätte damit mühe gehabt an 2 verschiedenen daten zu heiraten. denn... ist man nun seit dem zivilen, oder seit dem krichlichen verheiratet? ich hätte mich wohl nicht entscheiden können!  bei mir hätte es wohl am gleichen tag, oder in wenigen tagen refolgen müssen. ;) aber zum glück viel das bei uns weg. ;)
halte dich bei der hz-planung an deine und deinem partner seine wünsche und vorstellungen! macht unbedingt was IHR beide wollt! nicht was erwartet wird, was sich gehört/normal/tradition ist oder was sich andere wünschen! absolutes A und O! dann kann nichts schief gehen!
.oO°Oo..26.06.2010..oO°Oo.
|
sheilyn am 02.12.2010
Re: Wenn ich nur wüsste wo anfangen....
"mer hürotet nor 1 mol" jojo
das scho, aber glaub mer, wenn mer ned öberall nor 2 offerte ihholt, zwahlsch förs gliche zügs 3x sovell, wie amene andere ort, es lohnt sech also. denn "nor" well emr hürotet, heisst das ned das mer blendlings s gäld muess usem fenschter rüehre. ;) fend ech..
mini hochzit hed 15'000.- koschtet ond i ben mehr 1000% secher, dassi die genau(!) glich hochziit au hät chönne locker för 35'000.- ha! offerte ih hole, gueti adrässene gfende etc... das macht mängisch wahnsennig vell us! 
wätter esch werkli s einzige wot ned channsch plane, deses chond vorewäg, am ahfang grob ond denn t details, es erget sech automatisch, aber brucht denno vell zit!
wennter/sommer hochzit.
im sommer muesch kei sonneschin erwarte ond im wenter kein schnee.  ganz eifach.
wenn mer ned üses 5 jährige im sommer gha hättet hätt ech gärn im früehlig, oder herbst ghürotet! denn mer esches vell z heiss gsi im sommer! aber üses datom esch mer wechtiger gsi.
.oO°Oo..26.06.2010..oO°Oo.
Zuletzt bearbeitet am 02.12.2010
|
|
bride81 nicht registriert am 02.12.2010
Re: Wenn ich nur wüsste wo anfangen....
hallo sheilyn
danke für din bitrag. würd natürli au liaber weniger als meh usgeh, aber andersits wetti nit eifach nur spara spara spara, sondern mir au as paar sacha leischta. usserdem hani a sehr grossi familia und i bin bi jedera hochzit vu mina cousina und cousins iglada gsi. folglich würdi au gärn alli ilada - halt mit ma und kinder (wobi dia klina kinder jo meistens abgeh werdend). do kömmend halt ganz schön viel lüt zäma, wenn mer schu a grossi familia hät. bi da kollega werdi würkli nur mini zwei besta fründinna mit ihrna ehemänner ilada, und natürlich au no dia fründa wo üs au zu ihrna hochzita iglada händ und miar au gärn wettend dabi ha. jo, so goht's halt und bis jetz simmer halt 150 (zum apéro). ach jo, drum hoffi do uf guati tips das i au as biz kann spara schliesslich söllend d'flitterwucha au öppis ganz bsunders werda
|
|
|
1 2 3 4
|
Anmelden
