Bi mir steit "feines Wetter", was ou immer das heisst...?!

Hesch zweni Ise, oder schlaht dr zWätter ufs Gmüet?

Jep, ghört ja aus chli zämä. Aber i findes aube ou super, wenn i e Nachricht i mim Thread ha.

• Zitieren

Hey :)
De kalender isch suuuper!
21.-25.6 rägneds und de zwei täg herrlich a eusem hochzit

• Zitieren

Ziviltrauung 14.02.14

Jetzt chumi doch eher als vermuetet dezue, eu min Bricht zschriibe

Am Donnschtig Abig hed min GG sis Mami am Flughafe abgholt und ab denn isch bi eus s Feeling ikehrt, dases bald sowiit isch. Mier hend gmüetlich zNacht gesse, en Suppe und chli Brot und sind denn sehr früeh go schlafe. Dadurch bin ich de au scho am 6i hellwach gsi :D Eigentli hettemer welle go brunche aber irgendwie isch eus denn glich plötzli chli Ziit devo gloffe dasmer denn eifach jede es Gipfeli deheime gesse hend.
am 11i hani de Termin gha bim Coiffeur. Han mich ja entschiede, das bi Studente mache zlah willi nöd sooo viel Geld ha welle usgseh… s Ergebnis hed mier denn super guet gfalle – die erst halb Stund… Denn isch leider aaaalles zemegheit und bi de Trauuig schlussendli hedmer nur no en Asatz vo Locke gseh :( Han bim Coiffeur grad es Cüpli becho und es isch sooo luschtig gsi! Die hend mich au richtig am Bode ghebed… Nüt isch mit nervös sii ;) GG isch mi de go abhole und hed extra no es neus wisses Hemd kauft woner de uuuunebdingt no hed welle wäsche. Und so ischs natürli cho wies hed müesse cho. All sini wisse Hämmli i de Wösch und d Wöschmaschine fangt a streike zmitzt bim wäsche…. Am 1 bini langsam nervös worde und GG hed denn entschiede, dass die Hämmli alli nümme trocke wärded (er heds sogar no mitem Bügeliise welle tröckne) und so hed er denn es schwarzes Hemd agleit. Ich han mich leger für en Bluse, Blazer, Leggins und eher flachi Pumps entschiede. Han die Chleider deheime uf en Bügel an Schrank ghänkt gha, scho sit Wuche. und immer wennis gseh ha isch d Vorfreud riesig worde. Woni us de Duschi cho bi und a de Bügel gluegt ha, gsehni es Thomas Sabo Säckli drah hange. Min GG hed mier sooooo härzigi Engelsflügel Ohreringli in Rosegold gschenkt. Mitere Notiz drah ‚mein allererstes Hochzeitstagsgeschenk an meine Liebe‘.
Churz druf abe chunnt es SMS vo minere TZ: „riiiiese Stau uf de Autobahn und ich bi zmitzt drin“.. Mis Herz!! Es sind nur no 40 Minute bis zur Trauuig gsi… Min GG hed versuecht sin TZ zerreiche will de de glich Weg über d Autobahn hed und de gueti Maa isch ned as Telefon, hed ned uf Whatsapp gantwortet und isch sowieso irgendwenn am 4i am Morge zletschte Mal online gsi. Churz hani e chlini Herzbaragge gha und gmeint ez lauft de alles schief und niemer hed sich meh bi eus gmeldet also hemmer eus entschiede, eifach mal zum Standesamt zfahre und abzwarte und siehe da, beidi TZ sind ziitglich acho und trotz Stau gnueg früeh.
Am Standesamt hend mini Eltere und mini Schwöschter mit mim Bluemestrüssli und em GG sim Asteckerli uf eus gwartet und ich ha mi soooo gfreut will de Struss genau so worde isch, wie ich en mier vorgstellt ha. Sie hend sogar vo sich us es Spitzeband drah gmacht. Mega

Denn isch losgange mit de Trauuig, eusi Standesbeamtin hed das so schön und persönlich gmacht. Sie hed sich meeega viel gmerkt wo mier ihre bim Ehevorbereitigsverfahre verzellt hend und hed immer wider was ibracht. Mini Schwöschter hed (hätt!) Föteli sölle mache aber sie isch nach zwei Sätz vo de Beamtin scho völlig in Träne usbroche En Video vom Jawort hed sie eus denn gmacht mitere 8mm Vintage Kamera. Das gfalltmer uh guet.
Mier hend eus churzfristig ja denn doch entschiede, d’Ringe ztuusche und ich bi aso sehr froh drum. S hed s Ganze no romantischer gmacht. Die erst offiziell Unterschrift mit em neue Name isch mer natürli total abverheit aber janu :D
Nach de Trauuig hemmer erstmal alli e huufe Träne vergosse, ich han mis Mami zum erste Mal i mim Lebe gseh brüele was mich so sehr berüehrt hed, das mier grad d Bäch abegloffe sind… Vorem Standesamt hend denn no paar Fraue vom Gschäft uf eus gwartet mit Blueme und Sekt :)

Nach de Trauuig hemmer eus ja entschiede, mit eusne TZ und TM zemezsitze und mal go s’Huus für d Übernachtige und d Aperolocation für am kirchliche go aluege und dette chli organisatorisches z bespreche. Das isch sooooo guet gloffe. Alli hend mega freud gha a de Täschli woni im Vorfeld gmacht ha mit de Büechli und de Nervenahrig und hend denn grad flissig afange ufschribe wasmer besrpoche hend. Mini TZ isch soooooooooo en Schatz. Iher wüssed vlt no das ich mega oft über sie gjammeret ha und mich beschwert ha dass sie nur s’fäschte im Chopf hed. Ich han jez sones schlechts Gwüsse will sie echt de Hammer isch. Sie organisiert alles und ich spüre richtig wie sie alles drah setzt, das de Tag für eus perfekt wird. Au alli andere i eusem OK. Eifach de hammer.

• Zitieren

Hie no es paar Impressione

• Zitieren