nei, eg ha kes föteli inegstöut. es het drum es paar föteli vo eus druffe...

• Zitieren

So, dIladige si aui dusse, u hei ou scho ganz wenigi Amäldige, bis uf eis, aui wo mirs übergäh hei...

bi denne wo mir verteilt hei, si dReaktione eigentli härzig gsi, zum Teil überrascht, aber meist positiv. Hei aber ou scho Telefon brcho, vo Lüüt wo zum Apero iglade si, u nachegfragt hei, ob si äch nit zfautsche Kärtli brcho hei...

Hei aber vo de meiste no gar nüt ghört


Aber hei, mir si hüet üser Ringe ga uselese

U morn gugge mir wäg am Standesamtprogramm u mäude üs mau telefonisch derte.


Des witere müesse mir gugge wäg am Resti, i ha ja Zöliakie, u bi üsem eigentleche Resti hei mir zerscht e ganz "schlechti" Bedienig gha, u närne bi ni ersch no "vergiftet" worde.
U bim "zwöite" hei mir e Topbedienig gha, u mir isch super gange, u im Saal wäri eh no es Müeh meh Platz.
GG u i heis de hüet no chli disskutiert, hei üs gloubs gägesitig chli überfahre, u dr Wirt het de no sis übrige drzue tah...
Nume, wie schribt me so nes Mail, wo me e Bestätigiti Reservation umi abseit?!?

• Zitieren

@Taeboyana: Iwie hani zGfüehl es göchi so gar nüt... Aber super, wenns anders würkt...

Jep, u Geduld isch das was i so gar nit han...

Eigentli isch es durchus piinlech für si, zumau het si mi, wo si vor Hohzyt het erfahre, gfragt ob si überhoupts iglade isch...

Ja, si si bstellt, u i ca 4 Wuche sette si im Lade si. Isch Palladium-Rotgold, u somit ou im Budget.





Danke viu mau für Din Text, i ha geschter Obe, resp ender hüet Morge früech folgendes zämägschribe:

"Sehr geehrtes Team
Bedauerlicherweise war unser Besuch vom 16. Juli 2013 nicht sehr erfreulich! Trotz Reservation und Hinweis auf meine Zöliakie, merkten wir nichts von der Reservation.
Infolge dessen verbrachte ich auch einen sehr unangenehmen Abend und eine schlechte Nacht.
Da ich an unserem Hochzeit nicht mit der Angst leben will, dass im Essen irgendwo Gluten ist, müssen wir unsere Reservierung für den 15. März 2014 leider stornieren!
Gerne erwarten wir Ihre Bestätigung unserer Stornierung.
Wir bitten um Ihr Verständnis und verbleiben mit freundlichen Grüssen"


Aber gäbig si haut serigi Mails glich nie... Aber i finde Di Text aso besser, Merci viu mau! Gugge das mau mit mim GG ah.

U ebe, dGäst müesse de ou no informiert wärde

• Zitieren

Isch würklich mega dumm mit euchem Resti. Ig finge bed Texte emu guet, würd öpis us bedne zäme kopiere und abschicke. Eigentlich muesch jo würklich nid zvil Energie i das investiere, wil das verdiene die doch gar nid Wo isch de euches neue?

Schad, as dr no nid grad so vil Reaktione becho heit ufd Iladige, aber das isch äue normal, wie me so ghört. Und ehrlich gseit, ig ha mi emu früehner oh nid sofort as Telefon ghanget, wenn ig e Iladig becho ha, wils halt für mi es "weniger wichtigs" Ereignis isch gsi, als fürs Paar, geit vilich de meischte so, dänki. Drum mach dr keini Sorge: es hei sich sicher alli mega ab eucher Iladig gfreut und nodisno tröpfele de d Reaktione scho no i!

Sehr schöni Ringe heitr, s "Original" wird sicher no besser usgseh!

• Zitieren