nicht registriert

Hallo Ihr liebe

Wenn me nur es Momäntli nid ihne luegt, muess me zerst alles noche läse, den merkt me wie viel das isch und das me voll dr Überblick verlore het.

Minni Hochzytsvorbereitige sind so guet wie abgschloose. Mir händ sowit alles!
Miend nur no kleinigkeite go boschte und eifach no so paar Details aluege.
Mittlerwile hämmer Schwiegerelter verbot, also mir dörfe nümmi zu ihne, wenn mir öppis händ oder wänd - kömme sie zu uns! Was sie wohl mache
Die Wuche hämmer s`letschte Gspröch mit unserem Theologe. Den hämmer am Sunntig 26. no es allgemeins träfe wo alli zämme kömme, wo dHochzitvorbereitige betrifft. Den gits no Ämtliverteilig

Es lauft alles wunderbar und mir sind happy! Aber leider händ au mir sache wo nid so toll sind.

Minni Schwö, het beschlose nid an unseri Hochzit z`ko! Sie will nüt me mit uns ztue ha
warum au immer, ich ha kei ahnig was jetzt wieder los isch. Mir händ ihre doch gar nüt gmacht.
Aber sie het immer wieder dr spinner! Das macht eim sehr truurig aber es isch ihri entscheidig, do möcht ich au nid go rütle.

Den isch minni Fründin im Spital, sie sött im Oktober Zwilling beko, leider hets jetzt komplikatione geh und muess ligge bliebe! Jetzt isch zwar alles wieder guet, aber die zwei Baby ligge scho viel zwit unde doof! das die zwei nid könne warte! chchhchch, nei seich.
Finds so schad, dass sie nid drbi isch, aber leider isch das höheri gwalt und mes kas nid ändere.
Aber wer weiss was in dene 2 1/2 Wuche no passiert? löhnd mir uns überrasche.

Was ich eigendligg au no will sage
Ich bi jetzt langsam nervös! Ich ka bereits jetzt nümmi richtig schloofe, bi zwar sehr mied aber sobald ich im Bett lieg - ratter ratter ratter - ha ich alles? - was muess ich no - und und und.
Ich hoff das hört gli uf, aber so wie mir gseit worde isch, wirds no schlimmer!

Oje, aber i schaff jetzt no 7 Daag den Ferie und eigendligg mag ich jetzt scho nümmi schaffe!


gli gli isch dr 1. vo zwei grosse Dääg! Ich freu mi riesig!

Liebi Griessli

P.S. uhhh am Fritig ka ich mis Kleid go hole

und jetzt am Wuchenänd ha ich scho mis Polterweekend, ich weiss gar nüt! nur de treffpunkt! Super am 13.00h am Barfi - thats it!

• Zitieren

hey steph

dankä für din intressantä bricht. bi mir isches no so wit wäg drum findis no spannend bi einärä z gseh wos so nöch isch. hui schlaflosi nächt hani am afang gha bevor mer d eckpünkt reserviert händ. jetzt isch grad guät aber ich bin glaub au wiä du so churz vor dä hochziit chönti au nömä schaffä oder schlafä.

wünsch där no ä lässigi vorbereitigsziit und lah di nöd stressä, das chunt scho guät. :-)

das wäg dinärä schwö und dä kollegin duät mer leid. isch scho chli trurig vorallem wäns öpert us dä familiä isch. janu wirsch äs sicher au so schön ha und s wird sicher än unvergässlichä tag.

viel spass am polteri :-)

• Zitieren

nicht registriert

@mona.
Dangge vielmol, es kunnt alles guet und i freu mi trotz allem uf unsere grosse Daag, dä ka mir keine kaputt mache.
Es goht jo so schnell vrbi, ich ha au dänggt, jo es Johr, das goht no soooo lang und jetzt nur no 2 Wuche jo das mit dr Ufregig isch glaub jo normal...... isch au guet so
Wenn isch es den bi Dir sowit?
glg

@Dia

Hey Dia

Alles guet bi Dir, i möcht Dir no zu Dim Glück gratuliere, freu mi sehr für Di / Euch
i has mol so durch die Blume gläse, sooo schööön!
Dangge für Dinni Wort. Es kunnt sicher alles guet. Das mit dr Schwö isch doof aber es isch jetzt halt eso.
Jo d`Fründin het jetzt grad bscheid beko, dass sie no 10 witeri Dääg muess ligge bliebe
Schad, sie wer au so gern drbi, klar gedanklich wird sie das au und das isch au öppis. Es wird jo e huffe Föteli geh.
Sie het mit em Arzt gredet, wenns bis den anderst oder ebitzli besser usseht, darf sie sogar (nur ) ans ässe ko , das isch scho viel.
Wer weiss wenn die 2 Knöpf kömme, war guet, wenn sie die bis zur 30 SS Wuche könnt bhalte.
Mol luege.
glg

• Zitieren

nicht registriert

So jetzt isch es no e Wuche und den bi ich au verhürotet
Jetzt gohts langsam los, mit kribbele und nervösele. Hüt hämmer no s`letschte Gspröch mit unserem Theologe. Blueme Frau ha ich au no aglüte, wenn ich d`Blueme ka go hole für Standesamt und den miend mir no ins CC go Fässli Bier hole, will bim Apéro bstelle, hämmer das vergässe.
Jetzt hämmer eifach nur no so Kleinigkeite wo miend gmacht wärde. I möcht abem Mäntig nüt me miesse mache. Die letscht Wuche eifach no mit mim Schatz als ledigi lüt gniesse.

Ich freu miiiiii zum sage: das isch min Maa

• Zitieren

nicht registriert

nicole87:

---

sali Steph

cha mir vosrstelle dass du schon ganz nervös bisch

bi mir gohts leider no soooo lang

• Zitieren

nicht registriert

ou ok, jo das isch jo no überes Johr aber es goht sehr schnäll vrbi, i ka mrs gar nid glaube, dass ich jetzt scho so wit bi.
Has letscht Johr genau s`gliche dänggt.

Geduld ha

• Zitieren