hihi, no kei Ahnig. Wahrschinlech muesi mal ä Bastelaktion mache. I ha mir dänkt, dasi sicher d Form müglechscht eifach wirdä mache, dasis cha ir Mitti falte und när so usschniide. Aber es git natürlech glich meeeeega viel z düe. Es bruucht ja de scho chli viel Schmätterlingä, dases guet usgseht. Eventuell gits so grossi Stanzer, mueses mal googlä...

• Zitieren

Glückwunsch zum eröffneten thread ! De STD Karten sind wirklich schön!

• Zitieren

Mega toll Malinchen! Ich wirde din Thread sicher wieterhin verfolge

• Zitieren

soooo... Es geit nur no 5 Täg bis zu üserä zivile Trouig. I bi scho langsam chli ufgregt, aber fröie mi wahnsinnig uf dä Tag.

Geschter Abä hei mir üsä gmeinsam Mini-Polterabä gha. Es git de no ä Maxi-Polterabä vor dr chirchlechä Trouig. Aber da mir ds zivile nur im ganz chline Rame fiire, hei mir glich mau no mit üsnä Kollegä wöuä feschtä. Zersch hei mir ä Party bi üs dehei planet gha, da die i üsem Kollegäkreis inzwüschä scho chline Kultstatus erlangt hei. Leider hei mir aber im Moment ä haubi Boustell ir Wohnig, wägemnä Wasserschade. Darum hei mir dänkt, mir göh gschider irgendwo use, jetz wenn ds Wätter scho mal mitspielt. So hei mir es gmüetlechs Brätle adr Aare gmacht.

Es isch dr Hammer gsi. Üsi Kollegä kennä sich eh scho alli, das isch ou dr Grund würum mir dr Polterabä zämä mache. Mir si bereits sit 16ni befründet u dür das hei GG und ig praktisch keini "separate" Kollegä. Strikt nach Gschlächt trennä wöi mirs ou nid, da ig nid ohni mi Brüetsch u GG nid ohni sini beschti Kollegin wett fiire. Drum isch die eifachschti Lösig, das mirs zämä mache. Usserdäm ischs meischtens am luschtigschte, wenn mir alli zämä unterwägs si. Das het sich geschter ou mau wieder zeigt. Es isch ä mega gueti Stimmig gsi, es hei sich alli a üsi Wünsch ghalte, das mir keini Überraschige oder blödi Spieli wei mache und es isch eifach es gmüetlechs zämä sii gsi. D Aare isch leider no rächt chüel (knapp 13 C) gsi, aber mini Besti und ig heis nid chönne lah si, zmingscht hurti am Rand dri z gah.
Gägä Abe hei mir üs ä Füürsteu chönnä eroberä und hei so när gmüetlech chönnä grillä ohni irgendwelchä improvisiertä Füürstellä. Leider hei einigi scho rächt früeh müessä ga wöu sie hüt hei müessä schaffe oder Fuessball spielä. Die letschtä si de so gägä die 2 langsam mit üs zämä ufbroche wieder richtig Stadt. Es isch alles anderä als ä klassische Polterabe gsi, aber für üs ischs eifach perfekt gsi. I chönnt mir's nid schöner vorstellä.

Es paar Bildli wotti öich nid vorenthalte...

• Zitieren

tönt also suuuper! finde das kuul das ihr das so gmacht hend!! ich möcht au kein klassische aber mini schwöster wot unbedingt eine irganisiere... sie isch trauzügin... naja hoff es chund guet:P

• Zitieren

Hey Malinchen,
Ech fendes cool, dass der das so gmacht hend! Esch secher mega gmüetlech ond schön gsi. Mhhh... ech hät ou grad Loscht of Grillade. :-)

No e Frog: Wieso düend ehr eigentli zwöi mou am gliiche Datum aber i zwöine Johr hürote? :-)

• Zitieren