| Mona's Züriseehochziit :-) |
|
|
1 2 3 4 5 .. 11 .. 16
|
Mona83  am 28.05.2013
Mona's Züriseehochziit :-)
So ich hans jetzt au äntli mal gschaft än eigene Thread ufzmachä. 
Mitlerwilä bini Zivil scho ghürate und s fäst isch i 2 ½ wuchä. Aber fanget mer mal no vo vorne ah….
Min schatz und ich händ vor ämä jahr öpä agfangä plane. Dä afang isch schwierig gsi aber wo mer dän mal s resti, dä pfarrer und d chilä gha händ isch üs än riesä stei vom herzä gfallä.
Händ dän au mal ä pausä igleit bis im härbst, dän isch s paarshooting cho, save the date chärtli, chleid etc…
Vo allem chani eu nöd äs föteli schickä aber äs paar sachä hani eu da mal.
|
|
|
Mona83 am 28.05.2013
Re: Mona's Züriseehochziit :-)
Da wer mal sicher mis chleid:
mini Schuä:
mini Probefrisur:
S chleid für mis bluämämeitli (mis 3-jährige Gottämeitli  )
|
|
Lus nicht registriert am 28.05.2013
Re: Mona's Züriseehochziit :-)
Wow meeega schöns Chleid!!!
|
Mona83 am 28.05.2013
Re: Mona's Züriseehochziit :-)
da wär no min bricht vom Polterweekend:
Mir sind in europapark was ich natürli nöd gwüsst han. Bin aber so happy gsi wonis ufsegfunde han.
zerst hani aber uf dä raststett würrenlos müäsä s znacht verdiänä mit brötli und schöggeli verkaufä.
im europapark hani müäsä frage beantwortä über min schatz und wänis falsch gmacht han hani müäsä, joddle, eim öpis zahle, eine uf französisch fröge was für ziit dases isch mit ämä lustige huät etc...
am abig simmer inen saloon go cowboymässig ässe und all händ än brune huät agha und ich en viollettä.
Gschlafä hämmer i so lustige tippi zält und am nächste tag simmer eifach nomal uf d bahne und händ dä tag gnossä. 
|
Mona83 am 28.05.2013
Re: Mona's Züriseehochziit :-)
so und jetzt no zu guter letzt min bricht vom zivilhochziit:
Mir händs super schön gha und drum hani eu da no min bricht:
Also am morgä bini go neu wächsle, no chli go pöstele und dän hani no zmittag gmacht und am halbi 2 bini mit de Trauzügin zum coiffeur. Sie händ üs ä uu cooli frisur gmacht, ich han nur so gseit dasi nöd alles dobä wet ha und so und sie händs voll troffe.
Nacher simmer hei go üs alegge und schminke (für das hämmer ca. ä halbstund gha). Nacher sind üsi eltärä und trauzüge cho und händ üs mitgnah richtig standesamt.
Det gits eigentli gar nöd viel z verzellä, s isch rächt churz gsi, ä knappi halbstund. D Frau isch uu e lustigi gsi und häts mega locker gmacht. Dekoriert händs au chli und s isch no mega härzig gmacht gsi. bin bis zu dem ziitpunkt voll nöd nervös gsi aber wo sie denn agfange hät, hani uf eimal voll di hitzewallig gha, obwohls ja so chalt gsi isch am fritig. Mä hät mir aber zum glück nüt agseh.
Nacher hani no min Pass und d ID übercho und dän simer witer. Händ no im innehof chli föteli gmacht und sind richtig aperolocation gfahre. Det hämmer zwei stund apero gmacht und sind dän is restaurant. Det häts nomal apero gäh und dä trauzüg und sini fründin händ üs ä so än chorb gschänkt mit ämä überläbenspacket. So energietablette, beruhigigstee, ravioli, etc. und alles hät so sini bedütig gha. Mega härzig.
Dän hämmer znacht gässe und am 12i simmer richtig heiwärts gangä. Dä trauzüg und d fründin sind no rasch zu üs cho wo mer nomal än champagner trunkä händ und z vierte dä abig usklinke lah händ. Äs isch meeeega gsi, chönd eu freuä. Aber natürli isches viiiiel z schnäll umä gangä…!
han leider erst eis bild:
|
elea am 28.05.2013
Re: Mona's Züriseehochziit :-)
ou mona, ha nonie es beld vo dim chleid gseh ond dine hoor! hammer chleid ond vorallem, was nemmsch du bitte för es shampoo das dini hoor so usgsend?  da wetti au!
freu mi scho zlese was de vom grosse fescht so zverzelle hesch! 
|
Mona83 am 28.05.2013
Re: Mona's Züriseehochziit :-)
dankä elea
scho findsch? also nime nur head and sholders (sorry für d werbig ) und än weichspüeler vo elseve (nomal sorry für d werbig  ).
|
sonne13 am 28.05.2013
Re: Mona's Züriseehochziit :-)
d mona hed en eigete thread, so cool!!!! mit bildli! was für es chleid! do bin ich jo gspannt uf alles wiiteri wo do folgt!!!
|
Mona83 am 28.05.2013
Re: Mona's Züriseehochziit :-)
ja sonne hans au mal gschaft. hani scho lang mal welä machä und jetzt hani dänkt machis no bevor s hochziit dän dure isch und 2014er brüt dra chömet
|
sonne13 am 28.05.2013
Re: Mona's Züriseehochziit :-)
mona, isch das en wink mitem zuunpfahl?!?
|
|
|
1 2 3 4 5 .. 11 .. 16
|
Anmelden
