| Problem bi de Trauzüügewahl |
|
|
1
|
seeletaenzli  am 24.04.2009
Problem bi de Trauzüügewahl
Hallo zäme
Ech han es chlises Problem, ond han dänkt, vellecht häd öpper fo euch e idee...
Es esch so, dass min Schatz ond ech e chlini Hochziit fiired (praktisch nor Familie)...
För mech esch eigentlich emmer klar gsi, wän ech mol hüürote, dänn möcht ech mini bescht Kollegin als Trauzüügin... Etz esch aber die Kollegschaft vor ca. 2 Mönet zerbroche... mer händ üs eifach z'fescht usenand gläbt...
Ech han zwei Schwöstere... met däne chom ech sehr guet us... fühl mech aber eifach ned i de laag, mech zwösche ehne zwöi z'entscheide... ond ben chli hin ond här gresse...
mini muetter als trauzüügin, stemmt för mech ergendwie au ned rechtig...
dän chönnt ech min brüeder näh (zom glöck han i det nor eine ;-) )... weiss aber gar ned, ob mer zwei männer als trauzüüge ha daf?
cha mer öpper wiiter hälfe?
merci scho im vorus...
-- ~ 09.10.09 ~ 10.00 ~ --
|
|
|
Frangipani  am 24.04.2009
Re: Problem bi de Trauzüügewahl
Hoi seeletaenzli
also schlussendlich muesch du die person neh, wo DIR passt, es isch ja schliesslich eues hochziit. das ja jetzt dena usgseht, als ob du dich zwüschet dine gschwüschterti muesch entscheide, wür ich sust mal alli zäme iilade und ganz offe mit ihne drüber rede. es chan ja au sii, dass vilicht die eint oder ander gar nöd so ziit hät dänn und s au nöd so gern macht? wer weiss, das reglet sich vilicht ganz vo sälber!
|
seeletaenzli am 24.04.2009
Re: Problem bi de Trauzüügewahl
Jo, ech weiss aber ned welli Person mir passt ;-)
Ech chome sehr guet us met mine Schwöstere, ond s'wörid secher bedi säge, es sig kes problem wän ech die ander nemme... aber ech möcht mech gar ned müesse zwösche ehne zwei entscheide..
wäg dem han i dänkt, wän i min brüeder neme, gang ech dem problem elegant us em wäg ;-)
-- ~ 09.10.09 ~ 10.00 ~ --
|
Frangipani am 24.04.2009
Re: Problem bi de Trauzüügewahl
ja wer weiss, vilicht sind dänn dini beide schwöstere glich enttüscht will du dä brüeder gno häsch 
also ich wür echt mal mit allne zäme redä. du chasch ihne ja säge, dass du echt nöd wüssis wer neh, und im schlimmste fall chönd ja sie das unterenand abmache wers übernimmt? ...ich mein, mithelfe bim organisiere chönd ja eh alli...  das isch doch super für eu!
|
seeletaenzli am 24.04.2009
Re: Problem bi de Trauzüügewahl
merci för die schnell antwort...
jo ech rede sowieso mol am weekend met allne...
dän lueg i wiiter...
wönsch der no en schöne obig... ech gang etz hei zo mim schatz :)
-- ~ 09.10.09 ~ 10.00 ~ --
|
Frangipani am 24.04.2009
Re: Problem bi de Trauzüügewahl
danke, dir au en schöne abig! 
..gange au langsam hei...
|
Kaz am 24.04.2009
Re: Problem bi de Trauzüügewahl
Vellecht beni scho zspoot, aber im fall du Zivil und Kirchlich Hüratisch (nur i dämm fall) chöntisch bedi Schwöstere nä, die eint im Zivile die ander im Krichliche...
Grüessli Kaz
9. Mai 2009... Ja ich will!
|
seeletaenzli am 25.04.2009
Re: Problem bi de Trauzüügewahl
hallo kaz
danke vell mol för de tipp...
das han i au dänkt ka... mer hüürotid allerdengs nome zivil...
was mer no öberleid ha, evt. lösli zieh. dass bedi zo mer chömid, ond ech säge ech möcht ond chan mech ned entscheide, ond lahn dän met emene lösli s'schecksal lo bestemme ;-)
-- ~ 09.10.09 ~ 10.00 ~ --
|
|
winterbraut nicht registriert am 25.04.2009
Re: Problem bi de Trauzüügewahl
Wie wärs dänn wänn dini beidä Schwösterä als Truzügin nimmsch?
1. seit niemert wieviel Truzügä du dörfsch ha (mal abgseh vum Standesamt)
2. wer seit es muesset immer en ma und ä frau si?
Mir händ üs au für üseri beidä bestä Fründinä entschiedä. Will min schatz au schu bevor er mich kännt hät mit beidnä guet befründet gsih isch.
winterbraut
|
|
|
1
|
Anmelden
