B
BrautForum
14.11.2020

Squishy-Fishy im Hafen der Ehe

Guätä Tag iihr Liiebä

Morn fangt d'Hochziitswuche aah. Am 15. Juli wird zivil ghürote und am Samstig wird gross gfiiret. Denn han ii denkt, jetzt isch dä Moment cho, miin eiigete Thread ufztuä

Gester isch miin Polteri gsii. Wa söll ii sägä, öpä das han ii erwartet. Viiel iisch schön gsii, es isch eher en nette Tag unter Mädels gsii:

Z'erst Mal han ii es Wili brucht, bis ii dä Treffpunkt gfunde han. Mir siind in Säntispark go plantschä. Es isch gemütlich gsii. Nu chlii langwirig, wa meh durch Spiiel & Muätproobe het chönä uflockere. I ha so ä doofi Frosch-Badkappe müässä aah ha und en pinke Gummireif mit miir träge...
Immer wenn ii was vo miim Schatz gsaiit han, het ii müässä en Shot ne. Da mir aber am Bade gsii sind, han ii am Schuss alli ufzmal müässä neh... Aber ii bii erstuunt, wiiä viiel iich vo miim GG rede

Denn am Abig bin ii "gstylet" worde. I ha dörfä knall Pink umelaufe. Anderne Lüüt wär da furchtbar peinlich gsii. Aber ii has fast no schön gfunde, es tolls Polter-Outfit gsii! I ha äs knallig pinks Kleiid bechoh, es Krönli, en Zauberstab, pinki Stülpe, pinki Haarsträhne, pinke Lippestift, es pinks Shot-Glas-Halsband und pinke Liidschatte. The Lady in pink Chlii schad isch gsii, dass d'Hälfti sich gweiigeret ä Haarsträni pink z'färbe. Da isch so en Spray, wo nach einmal wäschä usägot. Aber d'Hälfti het nöd aneghebt. Aber mich unter so ä Frosch-Bad-Kappe stopfe... Miir sind den ins Cha Cha go esse gangä. Dert isch endli was gloffe. I ha äs Schürzä & es Namenstäfeli becho, denn het dä Gabriel het mir ghulfe bim Bstellig ufnäh. Isch das verzwickt gsii I ha Drinks zuebereiitet und serviiert. Isch echt kuul gsii, zum was dörfe machä. Miir sind lang dert gsii und denn het sich d'Hälfti vo dä Gruppe mal verabschiidet.

Mir sind no in ä Bar eins go ziieh gangä. Au seb isch gmüätlich gsii. I weiss gar nöd, ob ii da sägä darf. Aber chlii Action het nöd gschadet Go dance isch denn nur no dä hart Kern. Mini Sis und mini TZ. Seb isch dä schönst Teiil gsii. Eiifach chönä lachä und blödlä. I ha welle beiid verkupplä, obwohls en Schatz hend. Aber wenn miir andauernd agsproche werdet, han iich's eiifach witzig gfunde Es sind miir viiel zum Geburtstag go gratuliiärä cho und wo ii denn gsaiit ha, säg mii Polteri hend glaubs all gfunde ii heg en Knall...
Fotos vom Abiig werdet hoffentli folge

Schlussendli bin ii Haii. Ha s'Liiecht brenne lah, damit ii ned z'tüüf schlaf und ghör, wenn mii Schatz Haii chunt.

Jetzt müänd miir uns erhole, damit mir denn am Ziistig parat fürs erste Fest sind!

von squishy-fishy
(Dieser Beitrag wurde als Erstbeitrag vom bisherigen Forum übernommen)

5Kommentare

  • BrBrautForum Kommentar
    Vor 4 Monaten

    haha so cool, tönt amu voll lässig !
    von littlefoot

  • BrBrautForum Kommentar
    Vor 4 Monaten

    Haha, jetz hani ändlech di Bricht gfunde! Sone gmüetleche Mädels-Tag cha ja ou nid schade und am Abä isch ja de glich no d Post ab gange! Aber würum hei die de dänkt du heigsch Geburi??? Da legt me sich doch nid luschtig a?! Wie isch ds Zämäwohne mit dim GG? Heit dir öich guet igläbt? =)
    von malinchen

  • BrBrautForum Kommentar
    Vor 4 Monaten

    Liebi Squishy
    Schön hesch di eiget Thread! Gratuliere euch no ganz härzlech zum zivile. Du hesch ja ganz e coole Nachname becho. Tönt doch nachme gmüetleche Poltertag. Hihi, dis Outfit tönt luschtig, aber für mi wärs würklech dr pur Horror gsi Aber bim Strähndli färbe hätt sogar ig häregha, wes wieder usgeit.

    I wünsche dir scho jetz e super super superschöne Tag am Samstig, ds Wätter spiut ja vou mit! Trinket eifach gnue und vergässet d Sunnecrème nid, nid dasses euch de geit wie mire Schwägerin am Hochzit wo am Abe e Sunnestich het gha Gniesset euche Tag i voue Züg und löht nech la verwöhne. Es wird uf jede Fau es super Fescht!
    von Taeboyana

  • BrBrautForum Kommentar
    Vor 4 Monaten

    hey cool din bricht! :) fröitmi häd dir glich s'meiste gfalle! =) und bin gspannt uf fotis :))
    wow und morn isches scho sowit hey! =)) werde fest a di dänke! s'wätter wird jo top! warm und heiss!! ;))
    von laprincipessa

  • BrBrautForum Kommentar
    Vor 4 Monaten

    Danke für Din Bricht! Schön hesch dr Obe glich no chöne gniesse u hesch es luschtig gha
    von Lula

Forum: Thema wählen

Aktuelles & Plaudern

Zeig uns ...

Ich suche/biete ...

Verschiedene Hochzeitsthemen

Partnerschaft, Gäste & Familie

Events

 
 

 
 
 
 
 
 

Secondhand
Brautkleiderbörse

über 1000 Kleider zum Verkauf

 
 
 
 
image/svg+xml

ÜBER UNS

HOCHZEIT.ch ist ein unabhängiges
Portal und beliebter Treffpunkt
für Brautpaare und Dienstleister
aus der Hochzeitsbranche.