Forum - deine Traumhochzeit

Zeig uns die schönsten Momente deines grossen Tages!

 
 
 
B
BrautForum
am 14.11.2020

LaMariee's Traumhochzeit

Ig ha letzt Weekend mi Polterabe gha u es isch ächt eifach GENIAU gsi! Mini TZ u mini Froue hei säch sooo müäh gä :)

Auso ig ha gwüsst, dassmr am Abe az Trucker&Country Festival göh, ha das so gwünscht… schüsch hani nüt gwüsst…

Ig ha am Samsti am 13.30 müesse in Münsige am Bahnhof si. Bi scho mega närvös gsi wüui nid ha gwüsst, wasmi erwartet..

Dert het mi mini TZ abghout u mir si ine Park gloffe wo üs auii erwartet hei :) mitemne Glas Champus u mitemne TShirt wo „Mein Name“ Chicks“ isch druffe gstange hei si mi erwartet :) ig ha es Tshirt becho wo druffe isch gstange „Wedding Chick“

När hei si mir gseit, dassmr iz gö ga Töpfere wüu mi GG u ig gad vor churzem es Huus hei kouft, wei si üs auii öpis mache für i Garte. Es isch so gmüedlech gsi u mir heis so guet gha zäme.. auii hei säch chli chöne lehre kenne u mir hei chli zyt gha zum zäme brichte…
Und vorauem, es si soooo tolli Sache drbi use cho… Schöni Sache wiä Röseli u Töpfli und luschtigi Sache wiä es Söili, Enteli und so wine HalloweenKürbiskopf wo de sicher mi GG fröid het ;) u ig ha es Tüürschiiudli gmacht mitem nöiie Name natürlech :)

Nachem töpfere simr gmüedlech dusse am zVieri ässe gsi..hei no besproche wär mit wäm de im Auto fahrt für uf Interlake u när isch ä Töff cho zfahre.. när hets gheisse, ig chöni iz mit däm mit :) soooo cool gsi :) es isch dr Götti vo mire TZ gsi u ig ha när hinge druf chöne u de simr uf Interlake gfahre.. So toll gsi diä Fahrt :)
Bevormr si los gfahre hani e Läderjagge und Helm becho..ha usgseh wine riese Kaste i dere Jagge :D u nä Plan wo dassi när mini Froue zInterlake ume finge..

Nach dere tolle Töffahrt hani när mini Froue gli mau gfunge u de isches witer gange…
Ig ha ä pinkige Cowboyhuet übercho… e riesigi grossi pinkigi Sunnebrille und e pinkige Pistolegurt mit pinkiger Wasserpistole (Föteli finget dir uf Facebook).
När hei si es chlises Leiterwägeli drbi ga mit chline Shots dinne woni ha müesse verchoufe.. muess säge, es isch rächt eifach gange wüu eigch dLüt uf mi zuä si cho :) hei mega Gäud gmacht u mit däm hani mir när dr ganz Abe chöne finanziere…

Dr Räscht vom Abe simr när gmüedlech im Westerndorf gsi, hei no chli tänzlet, si no ga es Konzert luege u de när im Zelt ga schlafe… mir hei zviert dert übernachtet, u dr räschte vo dä Froue isch Hei gange…

Am Sunntig womr erwachet si, si zwo Kollegine zrug cho vom WC u hei verzeut, si heige Type lehre kenne u mit dene abgmacht zum zMorge ässe… mini Begeisterig isch nid gad gross gsi (Morgenmuffel läst grüssen…)
Uf jedefau simr när richtig Zäut wos zMorge het gä u si dert ihne gloffe u dKollegin het sä scho vo witem gseh.. kommischi Type mit Kabutze u ig ha gar nid richtig gluegt wüui gar nid so ha möge…
Womr de bi dene si gseh hani plötzlech gschnall wär ja das isch… Nämlech mi GG u dMänner vo mine Froue :) sooo ä tolli überraschig :) u drzuä hei dMänner auii es Tshirt anne gah wo druffe isch gstange „Mein Name“ Cowboys“ :D ha meeega fröid gha :)
Mir hei de när auii zäme gmüedlech zmörgelet u si no chli dür zWesterndörfli u si de när nachem Mittag mau Hei zuä gange… Es isch ä ächt geniau gsi!


Hiä dr Bricht vo üsem Zivile
********************************************

Ä Tag vor üsere Zivile Trouig bini auso scho chli närvös gsi.. mini TZ hetmr de am Abe vorhär gschribe, ig söui mi de nid närve weni nid cha pfuse sonder diä letzte Stunde aus Frou XY (no mit ledigem Name) gniesse. Das hani de ou gmacht, wüu gschlafe hani nämlech nid guet.. Aber dank däm guete Tipp hani mi ou nid gnärvt ;-)

Ig bi de öpe am 07.00 Uhr ufgstange u bi de när uf diä 08.00 zum Coiffeur. Ig ha no Meches gmacht, dHaar chli gschnitte u när heimr Brautfrisur für de am Kirchleche Testet :-)
U när het si mir am Schluss de no ä mega schöni Frisur gmacht für am Zivile Hochzyt. Für mi isch dä Morge bim Coiffeur super gsi, bi schön abglänkt gsi u när ou nüme so närvös.. Mis Mami ischmr de no es wuuunderschöns Strüssli cho bringe u de heimr sogar no ä passendi Rose id Haar ta :-)

Am Mittag bini no zu mine Eltere öpis chlises ga ässe.. hunger hani zwar nid gha.. Ha nume dänkt, wiä wird de das am Kirchleche? :-/

Ig bi mir när ga parat mache, alege und schminke. Ha mi GG afa gfragt öb är eigch immer no nid närvös isch? U de heter de gmeint ka, mou iz scho afa chli.. ha scho dänkt göng nume mir so ;-) u när si üs üsi Trouzüge am 14.00 Uhr cho abhole. Si hei zAuto mega schön mit Blueme gschmückt ka u mir hei när hinger inne es Tablar gha mit Champus u Nüssli. Mega härzig :-) si hei säch mega müäh gäh :-)

Mir si när uf Thun zum Standesamt gfahre u uf diä 14.50 Uhr si de när diä räschtleche Lüt itroffe. Je üsi Eltere si drbi gsi, mini zwe Brüedsche mit Fründinne u mim Maa si Brüedsch.

dStandesbeamtin isch üs de när cho hole u si isch mir gad vo Afang ah mega sympathisch gsi :-) si isch auii ga grüesse u het chli gfragt wär wär isch u het säch vorgstellt. Mega ä Flotti u ufgstellti isches gsi. U ja när isches los gange mit dr Trouig.. ig bi so närvös gsi, cha gar nid wük säge um was dasses isch gange :-D Si het uf jedefall gseit, es isch wiä mitemne Diamant. Weme diä Ecke u Kante zfest abschlieft hetme schlussendlech nüme dä Stei/Mönsch wome mau het gha.. u ohni Ecke und Kante wäri ä Diamant/Mönsch ja när nüme zgliche..

När heimr müesse ufstah u si het zersch mi gfragt u ig ha Ja gseit. U när het si mi GG gfragt u är het ou Ja gseit u da si bi mir Träne gflosse.. äs isch sooo schön gsi dass är iz wük JA zu mir het gseit :-) sone mega schöne Momänt :-) dr schönst vom ganze Tag :-)

De hei mir no müesse ungerschribe. Mi Maa hetmr de no gseit, söu de mitem nöiie Name ;-) Ha ihm vorhär no gseit är söumrs de säge, dassi vor luter Ufregig nid so fausch ungerschribe ;-) dStandesbeamtin het de no es Gedicht über „Glück“ vorgläse u de si üs auii cho gratuliere… u de si no gad mau Träne gflosse.. Auii Froue hei ömu ou Träne i dä Auge gha.. ;-) vorallem mini TZ u mis Mami :-) ha gar nid richtig chöne merci säge für Gratulatione, so überwältiget vo dene Gfüu bini gsi…

Mir si när use gloffe u dusse hei es paar Kollege u mis Grosi gwartet :-) mir hei de bim Standesamt no agstosse u paar Föteli gmacht. Nachemne Zytli simr de witer u de het dusse uf üs ä Kutsche gwartet :-) ä mega Überraschig :-) u mir hei doch gar nüt erwartet! :-) mir si de ufgstige u si los gfahre..u de fahrt doch dä mitz dür zBälliz düre :-D für di wo Thun nid kenne, mitz dür dStadt düre :-D dLüt hei Gratulatione zuä grüeft u paari hei sogar afa klatsche :-D

Mir hei diä Kutschefahrt mega gnose.. hei dert eifach mau chli Zyt für üs zwöit gha :-) mega schön gsi! Womr bim Restaurant si acho, Parkhotel Gunte, het de üsi Familie u TZ dert gwartet u üs empfange. Mir hei super Wätter gha (was ja nid so sälbstverständlech isch das Jahr) u hei de im Garte am See zApèro gno.. isch mega gmüedlech gsi.. hei de dert ou no chli Fotos gmacht u chli zschöne Wätter gnosse :-)

Speter simr de inne ga zNacht ässe.. BaBouChi, isch öpis ähnlechs wiä Fondue Chinoise.. :-) suuper fein gsi :-) nachem zNacht simer üs no chli ga dFüess verträtte u chli ga verdoue..hei auii zviu gässe gha ;-) hei de nomau paar Fotos gmacht..zLiecht isch super gsi när..
Chli spetere heimr de no Dessert gno..ig ha gar nüme möge.. zum Glück het mi Maa no eis gno. Si hei nämlech zTeller mega schön Dekoriert gha mit üsne Näme druffe :-) mega härzig gsi :-)

Nachem Dessert hei üs üsi Trouzüge gseit mir söue mitcho u de simer use i Garte u füre a See u si hei dert mit Laterne äs Härzli gmacht gha..u mir si de när dert, nume mir zwöi“ ufnes Bänkli ghocket, hei dr See u diä schöne Lämpli gnosse u si eifach nume chli für üs gsi :-) so schön gsi u mega romantisch dert :-) eifach nume mir zwöi :-) super Idee gsi vo üsne TZ :-)

Nachemne Zytli si de auii angere ou no cho luege u de heimr üs de ufe Heiwäg gmacht..
Daheime acho het üs no ä witeri Überraschig erwartet. Üsi Stäge isch dekoriert gsi mit Lampions u a üsere Tüüre si ou no Plakat ghanget u so Fähndli mit „Just Married“ si ou no ghanget! Mega schön gsi :-)

Äs isch so ä wunderschöne Tag gsi! Üsi TZ u üsi Family hei säch sooo müäh gäh! U mir hei doch mit gar nütem grächnet am Zivile..


Hochzytsbricht
********************************************

So iz isches genau ä Wuche här woni mi Troummaa ha dörfe hürate :)
U drum isches iz Zyt mi Bricht zschribe..

Am Fritig hei mi GG u ig beidi Frei gha u hei no diversi sache müesse erledige..
Si no Getränk ga häre tuä i Ruum womr am Abe de hei gfyret.. Si no dr Ruum ga übernäh womr de zApero hei gmacht u hei geng öpe ume chli dr Wätterbricht agluegt.. dä het säch im verlouf vor Wuche immer chli verbesseret :-)
Am Friti Abe bini de no ga dHaar ilege zum Coiffeur u de när Hei gmüedlech no chli ga Fernseh luege mit mim GG u de simr de ou relativ früäh ga lige.. Ig ha eigch rächt guet pfuset, ussert dassi am Morge am vieri bi wach gsi.. ha de aber nomau chöne ifpuse u bis de 05.30 dr Wecker het glüte.

Ig ha tiptop möge ufstah :) bi ga dusche, hami agleit u bi de gli mau gange.. ha mis Mami u ä Fründin abgholt u mir si zum Coiffeur gfahre.. dert hani mi när la frisiere u dHaar si super gsi vom ilege :) Mis Mami isch ou frisiert worde u üsi Fründin het üs zMorgebrötli gstriche u ig ha wük hunger gha u möge ässe u zwöi Kaffi trunke :) äs isch mega gmüedlech gsi, närvös bini eigch nid gsi..
Wo dFrisur isch fertig gsi, simer när witer zum schminke..dert het när mini TZ gwartet wo scho gschminkt isch gsi.. ig bi de ou gschmink worde (isch ä gueti Fründin vo mir) u si isch so richtig ruhig gsi, isch super gsi bi ihre :-)
Nachem schminke simr när zu mine Eltere Hei wo ig mi när ha agleit.. Ig ha mi sooo uf mis Chleid gfröit :-) ändlech, ändlech hanis chöne alege :-) u woni mi när zerste mau i Vollmontur im Spiuegu ha gseh, hani mega fröiid gha :-)

Mi jünger Brüedsch het mi u mini TZ när zu üsere Fotolocation (ä Park am Thunersee) gfahre wo när dr Fotograf uf üs gwartet het.. är het när gseit dass mi GG am See vore isch u de simr füre gloffe.. mi GG u ig si üs när ire wunderschöne Baum-Allee entgäge gloffe.. läck i ha mi dert gfüut wiä früsch verliebt mit Schmätterlinge im Buch u mega närvös ;) bi froh gsi woni ändlech bi ihm bi acho :-) u är het sooo super usgseh :-) ä dunkle Azug u ä helli Kravatte passend zu mim Chleid.. u mitemne Bärtli (woni mega sexy finge, viu besser aus ganz rasiert) :)
Är het mi de vo zoberst bis zungerst agluegt u het gfunge vorallem ds Oberteil vom Chleid sigi ja mega schön mit dene Stickereie :-) het ihm gloub wük guet gfaue :)
Mir hei när gmüedlech Zyt gha zum fötele u hei ou meeega Glück gha mitem Wätter! So super gsi! Nid zheiss u glich no chli Wolke u vorallem ke Räge ;)

Nachem Fötele simer de zu mine Eltere no öpis chlis ga zMittag ässe u de öpe 13.15 gfahre für zur Kiuche.. dert simr imne Näberuum ga warte u när isch bi mir los gange mit Närvös.. mir isch schlächt worde u ha eiskalt übercho.. :-/ hami gar nüme wohl gfüut..aber ha gwüsst, das geit ja de ume verbi.. när isch mis Mami mit üsne Bluememeiteli cho wo soo härzlig hei usgseh u ou scho närvös si gsi u de isch no mi Papi cho.. zum Schluss de dr Pfarrer.. mir si när los gloffe zur Kiuche übere.. zersch isch mi GG mit üsem Pfarrer ine gloffe när üsi TZ u när Bluememeiteli vor mir u mim Papi. Woni id Kiuche bi gloffe hani dLüt gar nid richtig chöne aluege, schüsch hätti no müesse gränne wüu teu scho Träne die Auge hei gha ;)

Woni vore bi acho simr abghocket u ig ha mau dLüt chöne aluege u bi ume chli ruhiger gsi :)
Aus ersts hei mir de chöne zäme ä Kerze azünde (womr de speter hei übercho) u när het dr Pfarrer gred u är hets eifach sooo super gmacht! Ig kenne ihn scho lang wüui aube mit ihm zäme ha Jungschi und Lager gleitet u drum isches für mi klar gsi dassi gärn ihn hätti aus Pfarrer… u är het dTrouig so mega persönlech gmacht u isch ou uf zThema Reise igang wo mir aus Motto vo üsem Hochzyt hei gha.. so super gsi! Mir hei de ou no 2 Lieder zäme gsunge u mi Brüedsch het mit sire Band zwöi Lieder gspiut.
Nachem Ja-Wort hei üs dBluememeiteli dRinge bracht u mir hei dRinge ustuuschet üs küsst u dLüt hei klatschet :-) mega schön gsi.. u när isch für mi eine vo dä schönste Momänte vo däm Tag cho.. Mini Brüedsche hei zäme äs Lied für üs gschribe wo när mim jüngere Brüedsch sini Band für üs het gspiut.. mim Maa u mir si eifach beidne nume no Träne abegloffe.. äs isch sooo schön u persönlech gsi. U das äxtra für üs!! Mi Brüedsch het zum Glück alles gfiumet u de chöimr de das no mau luege.. :) Nachdr Trouig si mir de usegloffe u dusse si mim Maa sini Unihockykollege u mini Arbeitskollege spalier gstange :-) super gsi! Mir si de diräkt zur Aperolocation wo üs när auii Lüt gratuliert hei..

Äs isch ä super gmüedlechi Stimmi gsi wüu mir ou dank däm super Wätter hei chöne dusse si.. u zApero isch ächt super gsi! Gässe hani zwar säuber chum, aber usgseh hets sooo toll :) Äs Kollegepäärli het no sone Zauberer organisiert wo dLüt het ungerhaute am Apero u gloub super isch acho.. für diä chline Ching het är när so Sache us Ballön gmacht ka :) isch ä cooli Idee gsi..

Mir hei de no Gruppefotos gmacht u das isch no rächt zackig gange zum Glück :) u ig ha de no dr Brautstruss gworfe :) ä gueti Fründin vo mir hetnä gfange u ig ha am Morge no gseit ka ig wet am liebste dass Si oder ä angeri Fründin vo mir nä fasset ;) isch luschtig gsi :)

Nachem Apero si mir när vomne Rolls Royce abholte worde :) geniau gsi! Läck isch das gmüedlech gsi dert hinger inne :) mir hei när es Fährtli gmacht, öpe 1 Stund lang, u heis eifach nume gnosse chli für üs zsii :)

Womr bir Abelocation si acho hei auii scho uf üs gwartet :) dMänner hei de no chli zAuto gneuer agluegt u ig ha no zyt gha mau uf WC zga ;) isch ömu fei guet gange (mit Hiuf vor TZ) :)

När heimr es mega tolls Gschänk becho :) u zwar es Bild mit Fingerabdrück vo aune.. U das Bild isch äxtra für üs gmacht worde… Isch ä Flüger druffe mit Gepäckwage u Bussli u so vore dranne.. U dLüt hei när bi dä Persone mit ihrem Fingerabdruck chöne zGsicht mache :) gseht super us :)

Mir si när id Location gfüuhrt worde wos när es „Checking“ het gäh mit üsne Tischkärtli-Köfferli… u dert inne si bi mir no gad mau Träne gflosse… ä Fründin vo üs het diä ganzi Ruumdeko übernoh u es isch soooo schön gsi!! Mit wunderschöne SunnebluemeStrüüs uf dä Tische u Kerzli u ufdr Site mit Fotos vo üsne Reise dekoriert.. sooo schön :) Jede Tisch isch mitemne Land bezeichnet gsi u so hei när dLüt uf dä Kofferetickete ihre Tisch gfunge.. isch gloub no guet acho :) Mir hei ou äs „World-Candy-Buffet“ gha mit Süessigkeite vo verschiedene Länder u när diä jewilige Fahne drzuä. Vo Österreich zB. Mozartchugle..

Mir hei när auii Lüt churz vorgstellt (wiä si zu üs stöh u u wasmr mit ihne scho für Reise hei ungerno) u de hets zNacht gäh :) Salatbuffet mit Kartoffelgratin und drzuä verschidnigs Fleisch vom Grill :) äs isch suuuper gsi! Nume hani leider nid so hunger gha..

Nachem ässe heimr chli zyt gah üs mit dä Lüt chli zungerhaute..
Speter hei de üsi Vättere ä Fotoshow gmacht mit Kinderfotos vo üs wo si de när geng chli öpis drzuä hei verzeut :) isch mega luschtig gsi! Am Schluss hei si üs beidi idr jewilige Familie Willkomme gheisse :) mega schön gsi :)
När hets no zklassische Fragespieli gäh mit Schuäh ufe häbe :) gloub mir si gar nid so schlächt gsi :) isch uf jedefau luschtig gsi :)

So um diä 11i isch de Turte cho wo mega schön het usgseh u super isch gsi :) Eini mit Truffschoggi, Waldbeeri und Joghurt-Himmbeeri :) Mmm fein gsi :)
Ca. am 12i isch de no üse Hochzytstanz cho.. mir hei ke Tanzkurs gha u si meh chli hin-und här gschauklet.. ;) u mir hei üs spontan für zLied „I see fire“ vom Ed Sheeran umentschiede wüu mir das beidi sooo schön finge.. dr Text isch zwar völlig unpassend, aber isch haut chli üses Lied :)

Nach üsem Tanz si de när gad paari cho tanze.. Eher chli diä Eutere u hei de üs junge gad chli zeigt wiäs gäng :D nenei, nid gad .. aber isch wük tolli Stimmig gsi :)
dLüt si de chli verteilt langsam ufe Heiwäg u mir si de schlussändlech öpe 05.15 ko im Bett gsi..

äs isch für üs wük ä wunderschöne Tag gsi! Üsi Familie u Fründä hei säch sooo müäh gäh dasses für üs wük perfekt isch gsi! :) i dänke gärn zrug u fröiie mi uf dFöteli u zVideo...u natürlech uf üsi Flittis wo no vor üs liege u mir de mitti Oktober göh :)

von LaMariee
(Dieser Beitrag wurde als Ersteintrag aus dem bisherigen Forum übertragen)
B
BrautForum
am 14.11.2020

la principessa ha sposato suo principe

Und do de Bricht vo öisem för mich perfekte Traumhochzyt =)

Am Fritig Obig sinmder öbe am 5i oder so im Hermitage in Luzärn acho.. Händ no d’Dekosache im Montana abgäh (det händ si öis no gseit, dass s’Deluxe Zimmer mit Seesicht wo si öis eigentli händ welle gäh en Wasserschade heig und ob si öis stattdesse en Junior Suite döfet abiete eifach mit Blick zode Stadt und sitlicher Seesicht – hämer natürli jo gseit hehe ;) im Hermitage hämer dänn zerst mol no en Apiritv gno (sind scho rächt dure gsi) und händ öis uf en gmüetliche Obig gfröit.. GG isch no s’Auto go wäsche und ich han im Hotelzimmer d’Sandzeremonie vorbereitet und PomPoms bastlet :p öbe am 7ni häds dänn agfange dass no jenschti Lüt verbicho sind – am GG si Brüeder (TZ) mit Famiy, mini TZ und Bridemaids – si händ d’Bänk no brocht för d’Trauig sowie d’Husse, d’Laterne und mis Chleid! mi Papi isch dänn au no cho (glich no chli nervös worde) :p und häd welle wösse wiener das dänn jetzt gnau müessi mache und so ;)

öbe uf die 8ti wo alli wider gange sind, sindmer dänn fein go ässe uf de Terrasse vom Hermitage (eigentli hettemer sölle im Seegarte Barbecue ässe, aber s’Wätter isch scho det rächt unsicher gsi, sodass si s’Barbecue ned gmacht händ… Mhhh mir händ soooo fein gässe!! Debi hani so gar kei hunger gha und die täg vorher chum öbis abebrocht mir isch jo duurschlächt gsi – schiebes voll und ganz uf d’nervosität im nochhinein :p sind beidi scho sooo müed gsi und händ öis eifach nur no ufs Bett gfröit und ich han dänkt: yeeah super bini so müed – schlofe sicher guet höt! Han nur no welle go dusche und d’hoor wäsche und mi GG au eifach dusche, rasiere und ab id federe.. im zimmer acho hämer no champagner ufem tischli gha voll härzig – hämer dänkt super dänn düendmer no astosse obwohlmer voll k.o. gsi sind ned mol das hämer wörkli no möge :p jo und dänn…

1. Kommt es anders, 2. Als man denkt… plötzli häds a de töre polteret und scho nur vo de lutstärki her häds niemer vom hotel chönne si… GG isch go ufmache (händ nonig mol chönne astosse!!) und so stönd eifach sin brüeder (TZ) mit 2 andere kollege (frönde vo 2 vo mine engste fröndinne) maskiert det und säget: mitcho mitcho mitch ound zerret ihn usem zimmer – ich bin dänn go luege und mini 5 ängste fröndinne (TZ, bridemaids und no di 2 ängste sust) stönd au det: üüüberraschung!!! Mich häd fast de schlag troffe!! Händ doch nur welle go schlofe… ! si händ öis dänn mitteilt, dass das natürli gar ned gieng d’nacht vorem HZ zäme z’schlofe und so… und dass si de conci jetzt mitnähmed und mini TZ deför bi mir schlofi… puh.. GG und ich händs ehrlichgseit beidi gar ned cool gfunde.. aber händ halt au ned welle d’öberraschig kabutt mache unds nedso zeigt :/ han dänn gseit ich weli aber no 5 minute mitem GG ellei (hanem jo nonig mol chönne s’bestickte nastüechli gäh! Das hetti ihm doch am morge welle gäh bim tschüss säge!!) sind dänn 5 min ufe balkon hang seit si sölet d’vorhäng zieh.. händ wörki beidi dänkt: hey neeeei….. händ öis dänn verabschidet und han ihm no s’nastüechli gäh – aber gäl d’stimmig isch ned die gsi wieni mir si vorgstellt het… dänn sind d’jungs gange und öises hotelzimmer häd sich innerhalb vo 5 minute ines riise chaos / partyzimmer verwandtlet!! Und ich han immer nur dänkt: ojeeee de fotograf chunt morn und de videograf hilfeee….. dänn hämer agstosse und si händmer no öbis mega härzigs gschänkt und zwar es album vom polterweekend!! So härzig gsi hey! =)) voll süess gsi… han dänkt ich probiere mol nomol mis strumpfband.. haha zum glück! Es isch scho nach 2 mol födli gwaggle eifach abgheit!!! Haha han nöme chönne sch..hey.. zum glöck hani es „notfallset“ debi gha.. so hanis no es rächts stöck änger gmacht, so dasses gsässe häd :p dänn isch irgendwenn d’diskussion (unter ihne) losgange wie si das dänn jetzt morn wänd mache mitem fahre wer we wo fahrt und so – has irgendwie gar ned vertreit will das häd mi natürli no meh nervös gmacht und ufklöpft.. öbe am halbi 12i sinds dänn gange und nur no mini TZ und ich sind det gsi – das isch no schön gsi händ no lang gret und umeblödelet hehe s’häd voll avo gwittere und mir händ es stossgebet a himmel gsendet dasses doch morn bitte bitte söl schön si :p und si hädmer no en mega härzige thomas sabo ahänger gschänkt als glöcksbringer so schön gsi =) hanen dänn a BH ghänkt und so de ganz tag debi gha;

irgendwenn sindmer dänn beidi go dusche und eigentli voll müed gsi und händ dänn probiert z schlofe.. puh und dänn hani mi ächt avo närve.. will han bis am halbi 5i (!!) ned chönne ischlofe!!! Has sogar no mit baldrian probiert!! Säge ned hett mit GG super gschlofe und wär ned nervös gsi aber wenni mi bi ihm cha ikuschle dänn schlofi immer irgendwenn i weiss au ned das beruhigt mi eifach! Vorallem hani no mitbecho dass d’jungs no voll um d’hüüser zoge sind (wasi weiss, dass mi GG gar ned häd welle aber jo was häder welle säge?!) de eint isch erst m 6i heicho!! miine zum glöck öbe am 2.. aber glich hey han scho angst gha dasser mit enere fahne uf mi wartet :p

nei isch ächt nedso cool gsi aber jetzt halt.. nach 2,5 stund häd dänn de wecker glütet bzw. sind ohni wekcer ufgwacht.. mir händ beidi so gschwitzt die nacht s’isch sooo töppig gsi! Ächt nassgschwitzt sindmer gsi wie no nie wie i de trope oder so! ganz komisch gsi… mini TZ sig au all halbstund ufgwacht (hani aber nüt devo gmerkt) si heig dänn woni dänn ändli igschlofe bin gmeint ich schnufi nöme und 2x sig si ganz nöch cho lose haha :p si isch dänn mol ufe balkon und s’wätter häd guet usgseh! Jippie hani dänkt, si isch dänn go dusche und gli mol gange und ich bin au rasch unter d’duschi ghüpft (riiise augering hani gha!!)

am viertel vor 8ti isch dänn mini kollegin wo mich gschminkt häd und d’hoor gmacht häd cho – das häd mi bitz beruhigt will si so en ruhige und ned so en zabbeligi wie mini TZ (mega härzig glaube si isch fast glich nervös gsi) isch ;)) händ dänn zmorge ufs zimmer bstellt und gmüetlich parat gmacht… dänn häd s’hin und her mitem wätter agfange… plötzli isch wider mega bewölkt gsi aber s’häd gmäldet am 10ni nomol en schauer nacher troche.. De vom hotel häd aber nätterwis gseit, mir chönd am 10ni nomol luege aber s’gsechi guet us er glaubi mir riskierets… am 10ni isch dänn jo au de schauer wo vorusgseit isch cho und dänn seiter nei s’sig z riskant z’vil dunkli wolke und so sig de fall jo klar - müends glich dinne mache; bin soooo trurig gsi glaubetmer!

Ächt häd mi grad alles agschisse i dem momänt; die trauig häd i mim chopf eifach nur dusse stattgfunde! Puh han mi dänn grad wider chli müesse foh het ächt chönne brüele wiler jo am morge no gseit häd s’chiem guet und wie hets au anderst sölle si – es wär nacher troche blibe.. aber verstohs natürli ufen art scho.. jänu han ned vil zyt gha zum trurig si will gli sind scho mis mami, schwöschter und schwögerin cho d’sache zum dekoriere hole und bluemestrüsse bringe (sooo schön sind d bluemestrüss & gsteck sowie astecker gsi!! =))) und scho gli isch au scho de fotograf / videograf cho (zu zwöit! Zerst häds jo gheisse zu 2, dänn zu viert aber am obig zu dritt ohni ihn, dänn wider zu dritt und er blibi am obig und dänn sind si zu zwöit cho… wuuuusa hani dänkt :p) dänn händ si aber alles guet gmacht mer häd gmerkt, dass si profis sind…

händ no chli vom schminke gfilmt und mini kollegin häd dänn müesse goh sich und ihri mädels (bluememeitli) no parat mache und glichzitig sind mini TZ & bridemaids vom coiffeur cho! Wow si händ hammer usgseh!! <3 Zerst händ si sich agleit und dänn händ si mir is chleid gholfe – das isch alles schön dokumentiert worde uf fotis / video :p händ dänn no mit dem feine moscato womer au am apero gha händ agstosse und si händ öis gseit sölet zo happy tanze händ s lied dänn abgspilt hehe – die händ nonig gwösst, dass mir das bim hochzytstanz dänn werdet ha :p isch witzig gsi; dänn sind si dänn zom GG no go fotografiere und filme… d’bridemaids sind au go vorbereite und d’TZ isch bi mir blibe… und dänn.. sind mini 2 chline brüedere mit mim papi cho! =))) glaubetmer han sooo fröid gha! Alli 3 so schön usepötzlet! Mi chli brüeder und papi de glichi blaui azug, mi grösser brüeder en dunkle, alli 3 en flüge und s’gliche hömli! =) so chic hädmer min papi also ächt no nie gseh! :p han so fröid gha, häder das mir z’lieb gmacht… mini brüedere sind dänn gange und mir händ gwartet – bin soooooo nervös gsi!!! Han mir so ned chönne vorstelle, wie de saal usgseht!!!

Als wäri ned scho gnueg nervös gsi lütet de theolog no minere TZ a und seit: wie isch das jetzt gnau mit de sandzeremonie? Das miechi si und de TZ vom GG oder? eeeeh neeei das macht s’brutpaar… es sig jo ufem programm?! Si hädmer ne dänn gäh und hang meint ich spinne woner gseit häd er fändis ned und wössi ned wo das sig! Aaah doch doch jetzt gsechi ers… grrrr!!!! So müehsam gsi ächt! Naja kei zyt gha zum ufrege hehe :p ah und mega vil lüt händ no abgseit am morge!! Scho bis uf eini nur aperolüt aber glich! Häd mi scho bitz möge.. isch das bi öich au so gsi? Sicher öbe 15 lüt! Alli vo minere site :/ mi papi häd no paar selfies vo sich gschosse ufem balkon mtiem see im hintergrund haha glaube er häd sich sälber no rächt gfalle schlussändli :p hanem dänn no s’bestickte nastüechli gäh und au wenners nedso chan zeige amigs glaubi häder mega fröid dra gha;

öbe am viertel vor 1 isch mini TZ (mit mim täschli gange sprich bin ohni handy gsi im hotelzimmer :p) si häd dänn mim papi es sms wele schribe wenns cha los goh.. am 1 hets jo sölle afange.. am 5 vor isch no nüt cho sindmer mol use i gang und händ det chli güebt hin und her laufe hehe :p und ich han vo obe her die letschte lüt gseh inespringe haha :p dänn isch s’sms cho und mis härz id hose abegheit :p bin dänn d’stäge abegloffe mit mim schöne chleid (liebes so fest s’hetti ned perfekter chönne si! =) und mi papi flissig hindeno am fötelis mache :p hanem gseit jetzt müesser s’handy dänn aber wegdue und lutlos mache und so :p

dänn sindmer föregloffe bis zum igang vom saal und han ghört wie d’pianistin „river flows in you“ häd avo spile und d’bluememeitlis sind inegloffe und mir dänn hindeno… wow ich säge öich es isch soooo en unbeschriblich schöne momänt gsi, wenn ned de schönscht vom ganze tag!!! han nur auge för min wonderschöne brütigam gha!! Han jo de azug mit ihm zäme usgsuecht gha aber er häd soooo toll usgseh!! Han also paar trändli müesse verdröcke und vorallem eeeer au!!! Er häd ganz füechti auge gha wooow so schön gsi er isch glaub ächt hin- und weg gsi vo mir! Mir sind ebe beidi nedso die wo schnäll us fröid hüület wie anderi drum isches irgendwie umso spezieller gsi!!

Alles rund um mi ume hani gar ned wohr gnoh! Aber de saal isch wörkli mega schön dekoriert gsi und d’laterne mit de cherze händ dinne fast no schöner gwirkt schlussändli und glaube au d’lieder uf dem wonderschöne, wisse flögel gspilt isch nomol vil schöner gsi als ufem keyboard dusse… häd wohl alles so müesse cho und will wider schöners wätter gsi ich dusse, hädmer wonderschön de see bi öis im hintergrund gseh! Während de trauig händ GG und ich öis immer wider so tüüf id auge gluegt und fast nur auge förenand gha ächt so sinnlich und schön gsi! Womer öis s’eheverspreche gseit händ, hämer beidi meeega zitteret! S’händ so vil lüt ghült hehe d’fröidentröndlitäschli hädmer also def. brucht hihi mini schwöschter, mini TZ und die eint bridemaid häd glaub duregflennt :p GG si papi au immer wider und sogar mi papi häd trändli gha!!

De theolog häds super gmacht muess säge! Sehr tüüf und sinnlich und glich humorvoll! Mis Grossmami häder sooo schön erwähnt.. det hani au wider brüelet und glaube mini ganz verwandtschaft au.. s’händ alli gseit, dass si mega berüehrt gsi sind, dass si so speziell erwähnt worde isch.. will si eifach so en spezielle mnsch gsi isch... Nach de ringöbergab und em kuss hämer no öises sandritual gmacht – häd super klappet und isch ganz en spezielle momänt gsi! Händ vili ned kennt und mega schön gfunde, zum schluss händ öis öisi trauzüge no öbis persönlichs gseit puh und spötistens do hani richtig avo brüele.. mini TZ häd sooo schön gret und eifach sooo die treffende wort gfunde (das ganze total unter träne natürli hehe) wow ächt soooo schön gsi!!! Und au am GG si brüeder wo TZ gsi isch häds sooo super gmacht wie stolz er uf si älter brüeder isch und alles ächt so schön gsi!!! Und nach öbe 45 – 50 minute isch d’trauig verbi gsi und mir sind usegloffe… wow ächt unbeschriblich gsi alles!!!!

Perfekter hettis ned chönne si und das obwohls dinne gsi isch! Häd wohl so müesse si! Sind dänn abegloffe i seegarte, wo s’apero stattgfunde häd – det wo eigentli d’trauig gsi wär – häd aber irgendwie passt det abe z goh womer vorher vom saal her abegseh häd GG und ich sind dur de vo rooose zierti wäg abegloffe i garte und händ grad no zäme chönne astosse (mhh de moscato isch king gsi!!) bevor alli lüt sind cho gratuliere..alli händ gschwärmt, wie wonderschön und persönlich dass d’trauig gsi sig und alles , s’wätter häd sogar no chli ufdo und s’isch super agnähm gsi dusse zum aperöle, d’pianistin isch eifach de hammer gsi!! Wer vo öich häd si scho wider buecht uf mini empfehlig? Chasch di jedefalls ächt uf si fröie! So en tolli persönlichkeit und eifach hamme rwie si spilt und singt! =) und d’bluememeitlis jöö ich säge öich!! Bin gschmolze!! Die eint isch soooo ahänglich gsi! Isch iimmer bi mir gsi de ganz tag und häd mir immer wider eifach mini schleppe notreit obwohlmer das gar nie so güebt händ oder gseit händ hehe de hammer gsi so es schnügeli :)

ah und apropos chind: mir händ jo meega vil chnd gha 10 chind und 13 chlichind unter 3 – und keis einzigs häd während de trauig brüelet! Schones chlises wonder ned? :p händ jo bi so vil chind müesse demit rächne hehe :p vom apero hämer nüt wörkli gseh und dänn hämer no paar fotis gmacht mit öisne familys und TZ / bridemaids – das isch alles bitz schnäll gange – im nochhinein hetti det gärn chli meh zyt gh för schöni fotis mit de trauzügin / bridemaids / family… das isch vil z’schnäll gange und s’dunkt öis dass sich de fotograf nedso vil müeh gäh häd eifach zack zack :/ aber gsehnds jo dänn… dänn hämer no es gruppefoti gmacht und ich han de brutstruss gworfe – hehe mis chline cousindli wo nonig mol 18ni isch hädne gfange haha :p dänn hämer öis langsam verabschidet und sind go fötelis mache.. zerst no am see unde – det häds dänn bitz avo tröfpele aber isch no erfröschend gsi :p dobe acho häd die negst öberraschig uf öis gwartet – öisi kollege händ öis voll de geili oldtimer gmietet so en jaguar irgendwas in dunkelgrüen! Häd voll geil usgseh!

Händ öberhaupt ned mit sowas grächnet!! Und de schöni bluemeschmuck druffe woni no organisiert han (han natürli dänkt för öises auto ;) häd super druffe usgseh! :p und hinde händs sones just married plakat uf s’auto kläbt gha hehe so guet gsi :) GG häd vorallem mega fröid gha :))

so sind mini eint bridemaid sowie ihre frönd dänn öisi chauffeure gsi und mini bridemaid sogar mit cho fötele; (si häds mega beröit ihri kamera ned mitgno z’ha! Sooo schad will ich liebe jo ihri fotis… hoffe die vom fotograf sind au toll worde :p) händ no chönne moscato trinke währenddem autofahre hehe – sind dänn im dreilindepark in luzärn go fötele isch super gsi det mit dere hammer ussiht und plötzli hämer sogar no bitz blaue himmel gha!! Puh uf dere wise det sind sooo vil ficher unter mis chleid unter anderem biendli hiiilfeee han so schiss gha :p aber glaub d’fotis und de au die gfilmte szene det sind guet cho.. obwohli finde, de fotograf isch chli wenig uf das igange, wo mir händ welle – er isch eifach bitz gstresst gsi.. öbe uf die 6i sindmer dänn zrugg is hotel und ich han äändli mol uf s’wc chönne :p erstundlich guet gange – mini eint bridemaid häd eifach s’chleid ghebt und zack zack;

dänn sindmer uf d’dachterrasse vom montana (montana beach club heissts nöi – wörkli so voll city beach mässig mit wisse lounges, sand und palme und blick uf de vierwaldstättersee und de pilatus und alli andere bäreg – bi sooo froh gsi häd s’wätter ghebt und häd das chönne dusse stattfinde alli händs hammer gfunde!=) ufe wo öis all öisi gladne gäst empfange händ booaaah das isch sooo schön gsi!! Sind ufecho und alli zäme händ seifeblötterli gmacht sooo en schöne empfang gsi hey hammer! =) dänn hämer det gmüetlich no chli chönne si und rede mit paar lüt isch super gsi ! =) bim inelaufe isch no öbis pindlichs passiert.. gseh plötzli so en kolleg vom GG mit de fröndin wo det gsi isch aber nur zum apero iglade gsi isch!! Ich so zum GG gflösteret: amore häsch gseh.. de und de isch do.. er: jo ich has gseh scheisse.. bitz en doofi situation gsi – för öis und för si… aber GG häds ihm dänn gseit gha.. er isch glaub rächt beleidigt gsi.. aber sorry chasch ned d’iladig läse?! Glaube händs klar formuliert.. er isch au de einzig vo all dene lüt gsi wo in jeans und holzfällerhömli cho sind alli andere voll chic… und sini fröndin hämer zum 1. Mol gseh aber isch rächt en unsympthischi gsi.. mini TZ häd nacher verzellt, dass si cho sig und no gfrogt heig ob si nur as apero oder au as fest iglade sig und mini TZ häd ihre d liste gäh zum luege und det sig fest gstande (hani dänkt chan jo ned si..) jetzt isch die hohli nuss verrötscht!!!

Man ächt so doof gsi.. händ dänn festgstellt bim gschänkli uspacke, dass er eine vo dene gsi isch wo mit leere händ cho isch – hämer au dänkt passt jo…. Isch ned so en guete kolleg vom GG drum aperogast.. aber rächt speziell gsi… jo händ is aber natürli dänn de obig ned loh versaue dur de zwöschefall ;) dänn sindmer dänn als fast letschts langsam abe zum saal und wooooow das isch ächt sooo schön gsi!!!! De saal isch sooo schön dekoriert gsi si händ alles so perfekt umgsetzt isch ächt genial gsi!!! Han meg vil komplimänt becho vo allne för d’deko! Vili händ aber glaub gmeint die sig vom montana und gar ned vo öis :p De find your seat plan hädmer super guet gseh, de chindertisch isch en riise hit worde wie sich im lauf vom obig usegsellt häd und eifach d’atmosphäre i dem wonderwonderschöne saal isch unbeschriblich toll gsi!!!

Womer inecho sind häd öisi band öis empfange – au die sind eifach soo toll gsi und händ hammer stimmig gmacht!! Sind dänn abgsässe und wo alli gsässe snd und de wisswi igschänkt worde isch häd mi GG en mega härzigi churzi begrüessigsred ghalte woner au nomol öisne liebe lüt merci vilmol gseit häd und mir speziell wili mis ganze härzbluet i die hochzyt gsteckt han oooh häd grad guet toh <3 dänn isch au scho de 1. Gang cho öise montana salat – mhhh richtig knackig und erfröschend gsi (han au langsam hunger gha hey :p) alli händ sowiso mega vom ässe und service und alles gschwärmt! @nala: chasch di ächt sowas vo fröie ufs montana!! Si sind unschlagbar ächt!

Nachem 1. Gang häds s‘1. Spili gäh – öisi 2 brüedere händ das agleitet mine uf dütsch und sine uf italienisch (sowiso mega hammer gsi wie öisi lüt das so super moderiert händ und die italienische gäst mit ibezoge händ i dem si alles wichtige öberetzt händ!) und zwar isches bi dem spili drum gange, dass d’gäst so blätter becho händ mit för jede monet 1 ussag und zwar öbis wo si mit öis als brutpaar oder mit öberem vo öis gmeinsam händ und mir händ dänn müesse rote wases isch – mitem ziil, dass d’gäst sich au bitz besser kenneleret ;) isch no rächt schwirig gsi z.bsp. dass all die fraue wo ufgstande sind absätz agha händ wo höcher als 10 cm gsi sind :p oder wer scho verhürotet isch (sind jo aber nie alli ufgstande, wases schwiriger gmacht häd) aber ich han voll abgruumet und alles usegfunde hehe :p GG häd bitz abgloost aber isch lustig gsi – för jedi richtigi antwort, hämer es gschänkli becho för jede monet also im juli z.bsp. werdemer no zum grilliere iglade, dänn einisch ich zum shoppe, fuessball match luege, wellness tag, hälfe bim früehligsputz hehe usw. :) voll super gsi ;)

und hey han gar ned gwösst, dass mis brüederhärzli sones talänt isch!! Er häd gret vor allne lüt, als wörder nüt anders mache! Hammer gsi! =) so richtig stolz ischer gsi so schön gsi =) <3 nacher sindmer abgsässe und bevor de 2. Gang cho isch - orecchiette mit risecrevette – mhhh de hammer gsi no vil besser als bim probeesse eifach hammer! =) mega vil händ nochservice gno und mir sind voll froh gsi hämer öis för de nochservice entschide (chani dir also au empfehle nala! ;) häd mis mami no en red ghalte!!! Wow ich bin soooo öberrascht gsi!! Mis mami!! Si isch sust gar ned so initiativ aber s’sig ellei ihri idee gsi und han also grad wider müesse brüele so härzig isches gsi was si alles gseit häd.. zwar mega lislig trotz mikrofon wosi ned richtig ghebt häd hehe – nume öise tisch häds ghört aber das isch jo ned witer schlimm gsi, will d’wort jo a mich & a mi GG grichtet gsi sind.. wow bin ächt baff gsi!!!! So schön gsi vorallem wils so absolut unerwartet gsi isch!

Nachem 2. Gang häds wider es spili gäh und zwar s’altbekannte spili mit de schueh und hey mir sind öis also fast immer einig gsi und sind lieb bzw. ehrlich gsi mitenand wennd so wetsch hehe ;) nacher sind d’trauzüge cho und händ gseit si heiget no es gschänk för öis im name vo allne und händ öis so en mega tolle reiseführer öbergäh wo alli öisi gäst (oder fast alli die wo mitgmacht händ) en site bastlet händ mit reiseempfehlige! So schön und persönlich gsi! Händs dänn erst dihäi agluegt aber so persönlich und alli händ sich so müeh gäh und sich vo de kreativste site zeigt! Und scho isch die negsti eifach nume geniali öberraschig cho!!! Und zwar händ mini 5 ängste mädels sich eifach sälber öbertroffe!!! Si händ so en tolli darbietig gmacht! Si händ sälber gedichtlis öber öis zämegreimt!! Als kostprob die 1. Strophe:

Freude herrscht am Tag wie heute,
lasst uns feiern alle Leute,
Dieses ach so schöne Paar
Passt zusammen wunderbar.
Wie sich beide innig lieben
Is für uns ein Grund zu fliegen!

Und dänn isch de refrain cho mit emene passend dezue gschrebnige plakat:

VOLAAARE (mit begleitig vo de band) oohooo, cantare oooohooo
Hüt fiiire mir öises Traumpaar,
für immer und ewig isch kar!

Und dänn 7 verse jede besser als de ander hey wow ächt sind so beidruckt gsi! Und bim voolaaare händ alli mitgmcht – si sind eifach de stimmigskracher schlecht hin gsi!! =)

(glaube mi GG isch scho bitz enttüscht gsi, dass vo minere site so vil cho isch und vo sine anschinend ängste kollege gar nüt!! :/ de gipfel isch jo gsi, dass si gange sind, ohni ihm tschüss z’säge! Also isch scho es missverständnis gsi mir händ si tschüss gseit aber de GG isch nur rasch is auto öbis goh hole und woner retour cho isch sind gsi! Als besti kollege seisch doch am brütigam tschüss ned?!? Alles chli speziell gsi… aber chlammere wider zue..)

Dänn isch öise hauptgang cho und mhhh wooow do sind ächt alli fast abe hey s’fleisch (black angus steak) isch sooo zart gsi! Alli händ nur no gschwärmt und zum wii häds au super passt – sind ächt happy gsi mit dere wahl; nachem ässe (mir händs jo immer als ersts becho) sind mir nomol uf die wonderschöni terrasse und händ vo palme umgäh und uf somene schöne himmelbett no paar mega romantischi fotis gmacht wo hoffentli sicher schön worde sind woni dänn abecho bin bini nomol uf s’wc und han no mini obigfrisur becho und en make-up uffröschig de dutt häd suer usgseh hehe weni d’fötelis aluege findi gsehni wörkli chli us wie d’cinderella hehe :p zum tanze ischs dänn au voll agnähm gsi so ;) nacher häd mi GG gseit ich söl jetzt a platz cho und so und ich han gfunde er söl jetzt ned avo stresse – aber glaube er isch nur nervös gsi.. will grad nachem dessert (au das isch eifach nur traumhaft gsi!!) isch no sooo oen härzigi, schöni öberraschig vo ihm cho!!!! Bin hin und weg gsi!! Er isch ufgstande und häd mir agfange en riiise liebeserkärig mache und dassi ihn jo paar mol gfrogt heigi wie er uf d’idee cho sig wägem atrag und so und dasser drum gfonde heig er weli das mit hilf vo mim brüederli (wo multi media productions studiert) uf film ufnäh und mir zeige! Woow bin usem stuune nöme usecho!!! So en mega mega tolle churzfilm!!! Und s’beste dra isch gsi, dass s’lied wo er för mi gsunge und ufgno häd gloffe isch – ti sposerò perchè vom eros ramazzotti „schmelz“ er singts si guet dass die meiste gar ned gmerkt händ, dass er und ned de eros gsunge häd!! :p ächt so schön gsi!!!! Wiener sich idee gmacht häd und alles und s’zeigt ihn im bally park woner mir dänn de atrag gmcht häd i „öisem“ pavillon! Wow es isch eifach unbeschriblich gsi!!!

I dem momänt hetti gwönscht ich chönt guet vor lüt rede und so aber han ihm eifach i sohr gflösteret wie toll das sig und mich 100x bedankt! er oder min brüeder düend das video sicher no fb dänn chönders bestune :)

grad aschlüssend häder dänn gseit: jo und wiener alli wösset tanzt mini frau för s’läbe gärn aber ich han 2 linki füess.. si häd gfunde mir müend unbedingt en hochzytstanz mache aber ich han ned welle… ihre z’lieb hani dänkt improvisieret mir doch jetzt öbis und zieht mi uf d’tanzflächi (drum häder gseit: er miech das dänn scho - händ jo usser de TZ niemerem gseit, dassmer en tanz machet und stunde gno händ ;)) und dänn sindmer uf d’bühni und händ losgleit! Händ so spass gha bim tanze!! D’stimmig deför nach dere tolle öberraschig isch eifach hammer gsi!!!! Alli händ mitgmacht und mitklatscht und händ ösi bestuunt :) isch öis glaub räct glunge bis ufnes paar fähler woni uf mis chleid gstande bi z.bsp: isch halt scho ned s’gliche mit somene chleid :p haha und bi mim egouftritt woni salsa tanzt han (han wägem chleid meeega müesse improvisiere!!!) isch mir doch glatt s’strumpfband abgheit hahaha :p (ufem programm wär jo no gsi, dassermers muess abzieh, aber mir sind nöme so im zytplan gsi so dass das grad passt häd und sis wäg gloh händ ;) gseh händs jo so eh scho alli haha :p

wo nach de schlusspose s’lied happy cho isch und mir alli zum tanze ufgforderet händ isch d’stimmig glaub ufem absolute höch gsi und alli händ mitgmacht und sich amüsiert!!! Händ dänn es zitli tanzt und daaaann kam DIE TORTE!! =) wow bin öberwältiget gsi wie hammer si usgseh häd!! Si händ alles so perfekt umgsetzt und si isch no schöner worde, alsi si mir het chönne vorstelle!! (au do nala: mach dir kei sorge si wird hammer!) händ si dänn zäme agschnitte und han natürli am GG sini hand obe gloh haha :p si häd ned nur hammer usgseh sondern au mega super gschmöckt! =) dänn händ si öisi schnaps bar ufbaut und d’stimmig isch witerhin mega super gsi! Als letschts highlght vom obig häds dänn no gheisse mir sölet mol alli no uf d’terrasse cho und det sind dänn alli mit so im dunkle wiss lüchtende ballön det gstande! Mr i de mitti (händ au ballön becho =) hämer die dänn alli abgloh hihi so super gsi! =) und 4 chartene wo draghanget sind (öbrigens ebefalls so lieb & höbsch gstaltet) sind scho zrugg cho! =) z. teil sind die rächt wiit gfloge hey vo luzern bis nach bade isch eine gfloge! =)) paar sind aber grad bim montana wider abgäh worde hehe dur s’schwere liechtli sinds nedso guet gflogge undmer häd 2 ballön a eis chärtli müesse mache ;) mega toll gsi!

Han mi rimmer so öbis romantischs gwönscht – am liebste die japanische laterne do aber die hädmer det leider ebe ned döfe… isch au so super gsi =) jo und dänn isch öbe halbi 1 gsi und die erste lüt sind gange wo langsam müed gsi sind…öisi m&m’s sind öbrigens mega guet acho als abschiedsgschänkli ;) am schluss sind vorallem no die ängste kollege det gsi und händ no tanzt bis öbe am viertel ab 2 (hettet bis am 3 d’verlängerig gha) aber händ eifach nöme möge! Todmüed sindmer dänn mitem lift i öisi suite ufe und mi GG häd mi öber d’schwelle treit hihi =) und au im zimmer häds näbem schön dekorierte zimmer no en öberraschig bzw. 2 gäh!

Und zwar händ si öis en fingerprint baum gmacht!!! Sooo schön gsi!!! =)))) ihr händ jo teilwis devo verzellt und has immer so cool gfunde und si sind eifach sälber uf die idee cho jöö so härzig =) und die 2. Öberraschig: han öich jo verzellt, dassi no so photo booth sache han welle bstellt und si gseit händ nei so öbis bruchsch ned und so… si händ währendem apero mit enere polaroid kamera fotis gmacht!!! Soooo hammer !!! die sind imene böxli ufemene tischli gstande hey so schön gsi wörkli!! =) öisi liebe lüt händ sich eifach sälber öbertroffe mit all dene schöne öberraschige und darbietige und mir sind unändlich dankbar för alles!!! För öis isches de perfekti tag schlechthin gsi!! Trotz paar panne und die schloflosi nacht vorem grosse tag - das ghört wohl dezue - het nüt besser chönne werde!! =))) han dänn nachdemi ändli us dem chleid dusse gsi bin (obwohli also scho chli wehmüetig bin, chani das chleid jetzt eifach nöme alegge! Hoffe drum fest öises shooting chunt z’stand! :p hani no öbe en stund gha zum mini 100 nödeli us de frisur z’bringe und alles z’entwirre :p also isch nix meh gsi mit hochzytsnacht :p go dusche und dänn sindmer kuschelnd und nomol de tag revue passierend öbe am 4i öberglöcklich igschlofe… =))) am negste tag hämer no fein brunchet und händ jo es late-check out gha erst am 3 ;))

Öises auto hämer dänn vollpackt mit allne gschänk und dekosache, chleid und azug (meh hetti def. i das grosse auto nöme passt) :p öise schöni bluemeschmuck wo si öis no uf öises auto do händ häd bis fast dihäi ghebt und isch erst churz vorher abgheit :p dihäi acho hämer alles id wohnig glade (unglaublich die vile gschänk!!!) händ aber erst am mändig alles chönne uspacke und die vile liebe chärtli läse! Bi eim hani ghült wie en schlosshund… das isch glaub s’schönschte gschänk öberhaupt gsi.. i de card box häds es couvert gha wo druffe gstande isch: Ein Wink vom Himmel… wonis ufgmacht han und d’schrift vo mim grossmami sofort erkennt han wo im märz das johr jo leider gstorbe isch hani grad hüehnerhut becho und avo loshüle… en cousine vo mir häd öis s’chärtli wo mis grossmami damals ihne uf s’hochzyt gschrebe häd (eifach ohni näme nur die schöne gedicht wo si bi allne chärtli immer gschrebe häd) kopiert – die schöne chläberli wo si öis änkelchind uf jedes geburtstags- oder wiehnachtschärtli kläbt häd – s’isch gsi als hetti wörkli en brief vo mim grossmami i de hand.. (bi so froh hani alli ihri briefe und chärtli immer ufbewahrt und ned fortgrüehrt.. wet die bald mol in rueh alli läse..) unde häd mini cousine no gschrebe, dass s’grossmami so fest a öis und öisi liebi glaubt häd und dass si so gärn a öisem grosse tag debi gsi wär und öis de säge för s’läbe häd welle gäh.. si heig jedesmol wo si si gseh heig vo öisere wonderschöne hochzytsiladig gschwärmt und dass si no nie so en schöni iladig gseh heig und sich so fest uf öises grosse fest fröi und hoffi dänn wider bitz besser zwäg z’si… leider häd sis zumindest physisch nöme gschafft, aber bi mir sicher dass si debi gsi isch und au dass si s’einte oder andere (mit mim papi z.bsp.) id wäg gleitet häd, dass alles so riibigslos verloffe isch… puh sooo berüehrend gsi…

So das wär min onändlich lange bricht gsi! Sorry förs volltexte aber ihr kennet mi langsam chami eifach ned churzfasse :p

von laprincipessa
(Dieser Beitrag wurde als Erstbeitrag vom bisherigen Forum übertragen)
B
BrautForum
am 14.11.2020

Squishy-Fishy im Hafen der Ehe

Guätä Tag iihr Liiebä

Morn fangt d'Hochziitswuche aah. Am 15. Juli wird zivil ghürote und am Samstig wird gross gfiiret. Denn han ii denkt, jetzt isch dä Moment cho, miin eiigete Thread ufztuä

Gester isch miin Polteri gsii. Wa söll ii sägä, öpä das han ii erwartet. Viiel iisch schön gsii, es isch eher en nette Tag unter Mädels gsii:

Z'erst Mal han ii es Wili brucht, bis ii dä Treffpunkt gfunde han. Mir siind in Säntispark go plantschä. Es isch gemütlich gsii. Nu chlii langwirig, wa meh durch Spiiel & Muätproobe het chönä uflockere. I ha so ä doofi Frosch-Badkappe müässä aah ha und en pinke Gummireif mit miir träge...
Immer wenn ii was vo miim Schatz gsaiit han, het ii müässä en Shot ne. Da mir aber am Bade gsii sind, han ii am Schuss alli ufzmal müässä neh... Aber ii bii erstuunt, wiiä viiel iich vo miim GG rede

Denn am Abig bin ii "gstylet" worde. I ha dörfä knall Pink umelaufe. Anderne Lüüt wär da furchtbar peinlich gsii. Aber ii has fast no schön gfunde, es tolls Polter-Outfit gsii! I ha äs knallig pinks Kleiid bechoh, es Krönli, en Zauberstab, pinki Stülpe, pinki Haarsträhne, pinke Lippestift, es pinks Shot-Glas-Halsband und pinke Liidschatte. The Lady in pink Chlii schad isch gsii, dass d'Hälfti sich gweiigeret ä Haarsträni pink z'färbe. Da isch so en Spray, wo nach einmal wäschä usägot. Aber d'Hälfti het nöd aneghebt. Aber mich unter so ä Frosch-Bad-Kappe stopfe... Miir sind den ins Cha Cha go esse gangä. Dert isch endli was gloffe. I ha äs Schürzä & es Namenstäfeli becho, denn het dä Gabriel het mir ghulfe bim Bstellig ufnäh. Isch das verzwickt gsii I ha Drinks zuebereiitet und serviiert. Isch echt kuul gsii, zum was dörfe machä. Miir sind lang dert gsii und denn het sich d'Hälfti vo dä Gruppe mal verabschiidet.

Mir sind no in ä Bar eins go ziieh gangä. Au seb isch gmüätlich gsii. I weiss gar nöd, ob ii da sägä darf. Aber chlii Action het nöd gschadet Go dance isch denn nur no dä hart Kern. Mini Sis und mini TZ. Seb isch dä schönst Teiil gsii. Eiifach chönä lachä und blödlä. I ha welle beiid verkupplä, obwohls en Schatz hend. Aber wenn miir andauernd agsproche werdet, han iich's eiifach witzig gfunde Es sind miir viiel zum Geburtstag go gratuliiärä cho und wo ii denn gsaiit ha, säg mii Polteri hend glaubs all gfunde ii heg en Knall...
Fotos vom Abiig werdet hoffentli folge

Schlussendli bin ii Haii. Ha s'Liiecht brenne lah, damit ii ned z'tüüf schlaf und ghör, wenn mii Schatz Haii chunt.

Jetzt müänd miir uns erhole, damit mir denn am Ziistig parat fürs erste Fest sind!

von squishy-fishy
(Dieser Beitrag wurde als Erstbeitrag vom bisherigen Forum übernommen)
 
 

Thema wählen

Aktuelles & Plaudern

Zeig uns ...

Ich suche/biete ...

Verschiedene Hochzeitsthemen

Partnerschaft, Gäste & Familie

Events

 
 

 
 
 
 
 
 
image/svg+xml

ÜBER UNS

HOCHZEIT.ch ist ein unabhängiges
Portal und beliebter Treffpunkt
für Brautpaare und Dienstleister
aus der Hochzeitsbranche.